|
عيب وشق جيب
عيب وشق جيب
-------------------------------------------------------------------------------- الزمان يتغير والحكاية تعيد نفسها عقول متحجرة وعقول متفتحة // \\ // زمان عيب وشق جيب بنت البيت ترد على التلفون الثابت وشوي شوي صاروا يتسابقون بنات البيت على رفع السماعة ويكون الأبوا حاضر ويترقب من اللي راح تتوج بالانتصار // \\ // زمان كان الدش خراب وإن دخل البيت ماتعدى مجلس الرجال واليوم في غرفة السنيورة ستلايت والراعي راضي // \\ // زمان كان الجوال بيد رجال وإن لزم الأمر كان بيد متزوجة واليوم الجوال صار حافز للنجاح تلقى الطفل والطفلة بثالث إبتدائي ونجاحتهم جوال والغريبة يدرون انه ماراح يستخدموه // \\ // زمان كان جوال أبو كاميرا شيء يخوّف وتكنالوجيا مرعبة حتى أنه منع من الأسواق وشوي شوي صار شيء عادي بيد البنت قبل الولد وهاتي n70 وn80 وعدد ماراح ينتهي من مقاطع خربت بيوت // \\ // زمان كان السواق ما يتحرك مع بنات البيت إلا بمحرم وغرفته معزولة عن الحي كله اليوم صار السواق هو المحرم البنت تطلع معه بسيارة مظللة وحجرتة بوسط البيت وصار يدخل ويطلع وأبو البيت في سبات بالاستراحة مع شلة الأنس // \\ // زمان كانت الأسواق ساكنة تجي الوحدة تشتري أغراضها وتمشي واليوم صارت منتزة وأيادي ماسكة الجوال برموز فاتنة وهاتي بلوتوث ورسايل وغراميات مع هذا وذاك حتى أبو هنود صار له نك نيم (( كل شيء بعشرة )) // \\ // زمان وزمان أنا ما أزكي الشباب بس المشكلة صارت في ازدياد اختلط الصح بالغلط وصاروا يسايروا الوقت يتعصبوا بالبداية والناتج رضا بالنهاية كذا التكنلوجيا ولا حنا ماعندك أحد ولا سبت ولا اثنين المهم السموحة ما كتب أعلاه مجرد تنفيس لفتح نافذة للنقاش معكم من خلال تعقيباتكم تحيتي بابتسامة |
الله يعطيك العافيه
الشنطه كلام واقعي و موجود في هالزمن بس في شغله لا زم الكل يعرفها ان دام الاساس من البدايه قوي و راسخ على قولت الوالد ((دام البنت في وسط ملايين من الشباب و بيدها سبعين جوال و في غرفتها اكثر من تلفزيون ولا تنسون النت وبيدها مفتاح سيارتها البنت الشريفه شريفه )) لا تحرمينا من مواضيعج القيمه يا الشنطه الغاليه دمتي بخير وردة العين |
البنت صدقونــي اذا فتحت بااب عن نفسهاا
عـــــــــــــيب وشــــــــــــق جـٍـٍـيـب وصعبه ترد اللي يجي من الباااب الف شكر على طرحك شنطه خيتووووو لاهنتي |
الشنطه
كل الشكر على سطورك الصريحه يعطيك العافيه وننتظر جديديك سهر |
والله انا اولا اشكر الاخت ( شنطه ) على هذا الموضوع وفعلا في كثير من الاحوال عصر الاتصالات غيرة كثير من المفاهيم في منطقتنا وبقد حاجتنا اليها لها ايضا سلبياتها لاكن للتربيه الدينيه لها دورها في الاسره واهم شي اقناع افراد الاسره بالصح والخطا وجهة نظري 00
|
يعطيك العافيه يا الشنطـه
وهــذا الواقـع والله يسـتر من القـادم |
الشنطه
كلااااام واقعي واذا كان رب البيت لادفى ضارب فا شيمت اهل البيت الرقص الله يعطيك العافيه اختي على الموضوع ولاهنتي سرحان |
الله يعطيك العافيه أختي الشنطه..
على الموضوع الرائع الله يسعدك .. تقبلي مروري.. بقايا حلم .. |
http://narnora.jeeran.com/539.gif
بسم الله الرحمن الرحيم الأخـت الفآضلــه : الـشـنـطـه أولآ أهــلآ وسـهـلآ فيك بين عآئلــتك ثآنيآ بدآيــه موفقه لـ قلم نكن له كل الأحترآم والتقدير وموضوعك يحكي للأســـف وآقعنآ الألـيم الآن الفتآة التي لآ تحمل الجوآل تعتبر متخلفــه في نظر الكثير وكذلك الشآب أن لم يكن ذو شعر طويل وشنب طوله 2 سآنتي وعرضه ربع سآنتي الـكلآم في هذا الصـدد يطول ويطول والحــل بين أيدينآ ، لو كل شخص أنتبه لـ عآلته لمآ شآهدنآ هذهـ المنآظر الغريبــه على مجتمعنآ يعطيك ألف عآفيــه على هـ الموضوع الرآئــع في أنتظآر جديــدك كل الشكر والتقديـــر تـــآيــقــر http://narnora.jeeran.com/539.gif |
| الساعة الآن 11:17 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010