منتديات بعد حيي - حبك بوادي والخلايق بوادي

شبه المطر عشقي من أقصـاك لادنـاك
-------------ومـــاكنّـه الاّ .. سيــــل حــــدّر بــوادي

يامـا حمستـك شـوف ليـن آتقهـواك
-------------حتّـى يطيـب البـــال كيـف المبـادي

وآعـن لـك جـــزل القصايـد بيمنـاك
-------------شعــــرٍ .. يتـوه بعالـمـك يــاودادي

ليلك بحر ياسيّـدي .. ويـن مرسـاك ؟
-------------وأزرق نهـــارك صـار ماهـوب عـادي

طيفك معي .. من وين مـاروّح ألقـاك
-------------مـن ويـن ماروّحـت طيفـــــك ينـادي

جيتـك مشاعـر همّهـا اليـوم لامـاك
-------------جيتك طموح .. وفيـك غايـة مـرادي

وسـط الليالـي ولّـع الشمـع ذكـراك
-------------فـي زحمـة الافكــــار حلّيـت بــادي

في ذمّتي من دوووون .. ذولا .. وذولاك
-------------إنـت الوحيــــــد اللـي عطيتـه فــؤادي
♥ بـيــن الحـنـايـا ♥
بيـن الحنايـا مجلسـك حـط مركـاك
-------------ماغير .. أنا.. وإيّاك .. والجـو هـادي

فـل الحجـاج وأطـرب اللـي تمنـاك
-------------مالك.. ومال الناس .. حضر وبـوادي

أبغى ارتفـع فـوق المجـرّه والافـلاك
-------------واقطـف ورود الحـب مـن كـل وادي

وتقول إكتبني .. وانـا آقــــول أبقـراك
-------------حرف القصيـد اللـي عليـه اعتمـادي
♥ إن ♥
إن جيت .. وإن ماجيت والله فلا أنسـاك
-------------فـي غيبتـك كـل المنـــاظـــــر سـوادي
♥ يــاســـيّـــدي ♥
ياسيّدي :.. عطـــر القصايـد تنصّـاك
-------------بسمك قصيـدي ريـح مسـكٍ وكـادي

ما قلت لك .. يلعـن أبـو ليـل فرقـاك
-------------حبّـك بـوادي .. والخــلايـق بــوادي

كلمات الشاعر/ بشير اللويش (الراسي)