لهـفة الشــوووق .!
 

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
فيني غلا طاغي على لهفة الشوق=ترقص حروف اشعار روحه خفايا
مااقدر أوضح لهفتي لاي مخلوق=أخاف من فرحي تعكس المرايا
تدرون وش سرّى الدماء داخل عروق=طيفٍ سرق عقلي واضاء الزوايا
سريت مع طيفه بلا مانع وعوق=ورْدت لصدري مرهفاةٍ ضمايا
قال الغلا ؟ قلت انربط بالعنق طوق=وينزل مْنه سلكٍ لشبك الحنايا
قال الوعد ؟ قلت ارتقا بالبطا فوق=تْجدده سمر الليال العرايا
قال الشعر ؟ قلت ارتِجِل كل طاروق=واروّض ابياتي واسوق المطايا
أبدع وألحّن فيك واختار واذوق=وما ضَم شعري غير رمزك مزايا
فداك شعرٍ له مكانه ومرموق=تشهد بلي والوايلي والطنايا
كبدي ببعدك صابها وابل حروق=وعيني لشوفك كن دمعه سرايا
ياطيف لاتهجر مطاياك معشوق=إرحم عيونٍ للمواجع ضحايا
اخايلك كالبدو لاشافت بروق=ترجي مزونٍ في طرفها عطايا
ياطيف لاتبطي أطالبك بحقوق=حقٍ فرضه الله تزور البرايا
انت آخر آمال الغلا واعظم وفوق=واصْدَق أحاسيس الوله في مسايا
[/poem]

للشـاعرة الشمرية المتألقة
[blink] قمرا ســـــــماه.[/blink]

صح لسان الشاعره ولا هنت يا ابو طارق
ابيات جميله جداً لا عدمناك.

قال الشعر ؟ قلت ارتِجِل كـل طـاروق واروّض ابـيـاتـي واســــوق الـمـطـايـا
صح لسان شاعرتها
شكرا على النقل المميز

هلابك استاذي مرتاح ولك الشكر والتقدير على تشريف صفحتي
صح بدنك ولاعــــــــدمنا وجووودك.

هلابك شاعرتنا وصح بدنك واشكرك على زيارة صفحتي
لاعـــــــــدمنا وجووودك.

هلابك استاذي إحساس رسام وأشكرك على روعة حضورك
شرفت صفحتي لاعـــــــــدمنا وجووودك.

اختيار حيل عجبني صح لسان الشاعره
وتسلم ابو طارق يسعدك ربي

هلابك مزون وصح بدنك وأشكرك على تشريف صفحتي
دمتي ســـــــعيدة ولاعــــــــــدمنا وجووودك.

ذائقه جميله وَ مميزه كَ العاده
يسلّم قلبك وَ ذوقك يّ مبدع
الهي يسعدك وَ يديمك
:152:

هلابك اختي وتم بعيد وأشكرك على تشريف الموضوع
دمتي بســـــــعادة ولاعـــــــــدمنا وجووودك.

هلابك يالامير وأشكرك على تشريف الموضوع
لاعـــــــدمنا طلتك.