المدح
 

بسم الذي ذكره يهدّي لنا البال
ويكفي طلب محتاج ويستر خطانا

وخير المشى عالأرض مايملك ظلال
صلوا على أللي بهديه كفانا

اسكب لمجلسنا جزلات الدلال
حرفن روى الناقص كمال اعتلانا

العب على المسحوب بأبياتٍ ثقال
حرّا يعز راعيه طير بسمانا

نكتب به التاريخ تدوين الأبطال
وشاعر تسلّى فيه بضيقة زمانه

ما نمحي عزّتنا بطيشات العْيال
واما العلا نعلى ولا أحدًا علانا

اي كاتبة لشعر في قول وافعال
شعرًا يمثلّنا ويعلن خفانا

الشعر سيف ان طاح بأفواه جهّال
يذبح قدر نفسه بمدح الوطانا

مد الشعر في مجلس الفين رجال
عن التغابي شحذ في كل أمانه

قلّة كرامة شحّت الأصل بالخال
مدري بلا هالناس تعشْق الأهانة

لو ياكل الجايع من اطراف الجبال
ما يرخص الغالي بمدّة لسانه

حرّة وكاري فوق أعلاه منزال
منْزل وانا بنت التعلّا بشانه

من مطلعي خذ آخر الهرج لا طال
بالمختصر بيتين بقفل عنانه

لو تمدح الرجلين الروس بالجزال
ماصارت و نالت معاها مكانه

ماطال شعري المدح والراس بالعال
المدح للرجلين ياخي أهانه
___________________________


بقلمي


ريـ م الشمري

صح بدنك شاعرنا القدير

نايف سلمى
ما هذا المرور الذي انار كل اجزاء المتصفح واضاف بريقً
على كل حرفٍ من القصيدة لك جزيل الشكر على فخامة المرور 💐

الله الله عليكي وعلى احساسك

ابدعت يالغاليه وامتعت

عباراتك راقيه متفرده

ساحره اعجابي

الشديد بقريحتك

ترفعتي مناطحه

للنجوم في

اعالي

الزرقاء

تحيه تليق

بمقامك

يا انيقه

الله الله
ياسلام عليك وصح الله لسانك شاعرتنا ريم الشمري
ابدعتي وامتعتي كما تعودنا من سموك الابداع والحضور المميز


دمتي ودام مداد قلمك ورقي حرفك الفاخر

الشاعر شبام
أنرت بطلتك وعطرت بحرفك
صح بدنك شهادة لي الأعتزاز فيها

أهلا وسهلا بمشرفنا جنون الشوق
صح بدنك ونبضك
دآئمًا متواجد بكل اقسام المنتدى كما عهدناك
نورت 💐

اهلا
مراقبنا إحساس رسام
طليت والمتصفح أنار بطلتك
شاكره على عاطر المرور💐

ابداع ابداع
صح الله لسااانك

ريم الشمري
صح لسانك واعتلا شانك
تحيتي وتقدير