منتديات بعد حيي - أغرب حالة طلاق....

السلام عليكم ورحمة الله وبركاته

واحدة بتقول : كنت في المول .. ومعايا أخواتي الصغيرين .. وواحد عمال يعاكسني .. وكل ما أروح حته يروح ورايا .. وبدأ يعرفني بنفسه انه محامي ..

وبدأ يرخم عليا جامد جدا .. روحت من نرفزتي أتعصبت عليه .. وفضلت أشتمه بصوت عالي جداً .. لحد ما الناس أبتدت تبص علينا .. والأمن سمع .. ولقيتهم جايين كلهم

فجأة لقيت الشاب اللي كان بيعاكسني واقف مرعوب
وعرقان وبيبص عليهم مرة وعليا مرة .. وراح رافع إيده وضربني على وشي وصرخ أنتي طالق طالق طالق ..

وراح ماشي وهو بيمثل إنه متعصب .. وعدى من جنب الأمن ومن قدام الناس كلها وطلع برا المول بصنعة لطافة

وانا بقي واقفة مذهولة من اللي حصل .. وعماله أعيط من وجع القلم اللي انضربت بيه علي وشي .. واردد واقول طالق !!* .. طب طالق ازاي يعني؟!

وانا بقصد إني طالق ازاي وانا أول مرة أشوفك يعني !!!

لكن أكتشفت إن الناس فاهمين إني مصدومة.. وإن جوزي طلقني فعلاً

.. وأبتدت ستات تيجي ناحيتي وتواسيني وانا مذهولة! ..
وتقولي حرام عليكي عصبتيه ليه بس؟!
وكمان بيشاوروا على أخواتي الصغيرين .. ويقولولي طيب هتروحي فين بالعيال دي دلوقت ..؟!

بعد الموقف ده .. كنت هموت من الضحك .. وهموت وأعرف
جاب الفكرة دي منين .. بس رجعت وأفتكرت أنه محامي عقر ...

حسبي الله ونعم الوكيل .. البنات تروح المول ..

يشوفها شاب صدفة ويروح يخطبها ..

وانا اروح المول وأرجع مضروبة بالقلم وكمان مطلقة ..

لاء ومعايا عيال كمان ....