إنكســار الغلابـه .
 

[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
الليل حب الليل جن وغرابيل=الليل موت الليل شوق وكآبه
الليل وحشه للغلا والتعاليل=لاجت حظوظٍ بالموده تشابه
لاجت امانيهم على كيف ماقيل=واحلامهم نامت بحضن السحابه
الليل هم وجرح كتلة بهاذيل=لحباب ناقصهم تواصل قرابه
الكل منهم يندب الحظ ياليل=يشكي عليك البهذله والغرابه
تسامروا على نجومك مواويل=عشق وشرف لكن بلون الضبابه
شربوا من جروح الليالي شخاليل=والحب ثابت بالقلوب الغلابه
ياويلهم من ظلمتك يااسود الليل=تضيق فيهم من سوادك رحابه
حيثك مورّد للشقا والتحاليل=لادك ضيمك بالصدور ومشابه
النوم عن عيني ورى نجمة سهيل=ودمعات نجلي ورد خدي هنابه
من لوعةٍ اشكي بها لااقبل الليل=كني على نارٍ وتحته صلابه
شبّابها دايخ على دلة الهيل=زاد الحطب واستوقدت كل مابه
ياليل لاتوحي جنون المهابيل=نفسي من الافراح ياليل طابه
تعبت ادوّر بالدورب القناديل=وألبّس اشعاري عقود المهابه
ببقى لكم قمرا ليا روّح الليل=لاني تعوّدت انكسار الغلابه[/poem]


للشـاعرة الشمرية ـ المبدعـة
[blink]قمرا ســـــماه[/blink]

أبيات جميلة ، شكراً ابو طارق على الذائقة والنقل.

يسلم شاعرها
وتسلم اخي ابو طارق

هلابك استاذي اسكادا والجمال في حضورك
رفع الله مقدارك ولاعــــــــدمنا وجووودك
[blink]وكل عـــــام وأنت بخير[/blink]

هلابك أختنا هماليل وسلمتي من كل مكروه
وأشـــــكرك على حضورك
[blink]وكل عــــــام وأنتي بخير[/blink]

صح لسان الشاعرة ابدعت أمتعت
هكذا هو الشعر والجمال المزخرف بكل السطور

أبو طارق الشمري

يعطيك العافية
ذائقة رفيعة المستوى
تدهشنا بالنقل المميز دآئما

هلابك ريم شمر وصح بدنك وأشكرك على حضورك
رفع الله مقدارك ولاعـــــــدمنا وجووودك.
[blink]وكل عــام وأنتي بخير[/blink]

ابيات جزلة وقصيدة رائعة
صح لسانك ولسان الشاعرة

هلابك نسمات وصح بدنك وألف شكر لكِ على تشريف الموضوع
لاعـــــــــدمنا وجووودك.

هلابك يالامير وأشكرك على حضورك
لاعـــــــــدمنا وجووودك.