دكتور شخّص حالتي .!
 

[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
دكتور شخّص حالتي واعتبرني=وحده دخيله من طوايف عزاويك
جيتك ادوّر راحة البال كني=مقروص ناب وحقنة السم بيديك
ارفق على روحي ولا تمتحني=بجاوبك عن كل فكرة تحاتيك
انا العليل اللي براه التأني=امهل عليه الوقت جرحٍ يشاكيك
انا الحزين اللي همومه تحني=على الجروح اللي تطالب تداويك
انا الجريح اللي مصابه يئني=من كثر طعنات القفا جابتن ليك
انا الغرام اللي كذب واختبرني=في موقفٍ مابه تراجع وتشكيك
انا الوله انا الألم والتجني=انا خطاوي نازلة واطْلعت فيك
انا مكانٍ واسعن واذهلني=اقفال بيبانه سوا والشبابيك
انا الفراق المتضح والمكني=في داخل عيوني دروسه مهاليك
خيبات حظي في زماني عطني=السِهْر ودموعي وقسوة مماليك
دكتور وضّح حالتي واعتبرني=عاقل ومجنونه ولااحب طاريك[/poem]

كلمات الشاعرة المبدعة
[blink]قـمـرا ســـماهـ[/blink]

والله شاعرة مبدعه ماشالله صح لسانها
وتسلم ابو طارق على الذوق الرفيع

ياسلام على الاختيار راقت لي كثير

تسلم ابو طارق الشمري

انــا الـفـراق المتـضـح والمكـنـي.. في داخل عيوني دروسه مهاليـك
خيبات حظي فـي زمانـي عطنـي.. السِهْر ودموعـي وقسـوة مماليـك
دكتـور وضّـح حالتـي واعتبـرنـي.. عاقل ومجنونه ولااحـب طاريـك


قصيدة جزلة ومعاني عميقة
صح لسان الشاعرة
تحيتي وتقديري أبا طارق

شاعرة متمكنة .. يعكس مدى حرصها
على جودة اللغة /
والمحتوى الادبي الذي لامس القصيدة

واختيارك لها ايضا هوا الآخر

يعكس جمال كل هذا ..

هلابك جيتي وله وصح بدنك ورفع الله مقدارك
وألف شكر لكِ على تشريف الموضوع
سلمكِ الله ولاعـــــــدمنا وجووودك.

هلابك سحر الشرق ورفع الله مقدارك وألف شكر لكِ
شرفتي الموضوع لاعــــــــــدمنا وجووودك.

هلابك احساس رسام وصح بدنك وألف شكر لك
شرفت الصفحة لاعـــــــــدمنا وجووودك.

هلابك هدوء الجوري والف شكر لك على حضورك وتعليقك
شرفت الصفحة لاعـــــــــدمنا وجووودك.

كالعادة بذائقة لا نظير لها تثري هذه المساحة
أبو طارق الشمري
أشكركـ على تألقك هنا..
لأنه يشبه خيوط الشمس عندما تنسدل كل صباح.
🌹🌹

بكل مرة مبدع بالإختيار وعذب بالإنتقاء
لا عدمناك يالغالي
أشكرك كفوو على الجديد

هلابك ريم شـمر ورفع الله مقدارك وألف شكر لكِ على جمال حضورك
شــرفتي الموضوع لاعـــــــــدمنا وجووودك.

هلابك بعد حيي والإبداع يكتمل في حضورك وألف شكر لك
شرفت الموضوع لاعــــــــدمنا وجووودك.