أبطيت أساير خطّر الناس .!
 

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
أبطيت أساير خطّر الناس وأزريت.=وبعض النفوس مسايرتها سماجه

عانيت من كثر المجامل ومليت.=وشربت عن حلو المجامل هماجه

ياما من الزلات شفت وتغاضيت.=عن صاحبٍ يلوي بوجهي حجاجه

وياما خصرت مجمعين الثراميت.=مالي ورى طرد الثراميت حاجة

قلبٍ اليا مني مع الربع سجيت.=يقتل بوادر سجتي بارتهاجه

اليا ذكر حلمٍ من أجله تغنيت.=ودرب الشقا لاجله عشقت انتهاجه

ياما على شانه عديت وتعنيت.=لكن غدى بين الزمان وعجاجه

حق الرفيق أرضيه لامني أخطيت.=أجلى غضب نفسه واصايد مزاجه

واليا رفض عذري وقال أنت ما أقديت.=وقام يتمادى فاللغى واللجاجة

وأبدى لي الجفوة على غير ما أبديت.=ثم قام يضرب بي دروب العواجة

ماني بنادم لونفيته وقفّيت.=لاصرت أولع له ويطفي سراجه

ولاني بمليومٍ اليا مني ابليت.=وعضوٍ فسد فالجسم بتره علاجه

وأنا الذي من جور الأيام ونيت.=وليل الشقا طاول علي انفراجه

واجهت في مجرى حياتي وناحيت.=سيلٍ من الحرمان ماينتواجه

سيلٍ على مرّه دربت وتضرّيت.=شربه ظما قلبي وقتل ابتهاجه[/poem]

كلمات الشاعر المبدع
[blink]عبدالله متعب السميح العتيبي[/blink]

قصيدة جزلة ووافية
صح لسانك ولسان شاعرها
تم التقييم

هلابك نسمات وصح بدنك وأشكرك على تشريف الموضوع والتقييم
حفظكِ الله ولاعـــــــــــدمنا وجووودك.

خير ما اخترت ... قصيدة تستحق أن تكون هنا
شاعرنا الكبير ابوطارق يقطف من بستان الشعر الأندر والأجمل
شكراً .... وصح لسان الشاعر

هلابك شاعرنا المبدع الأستاذ نايف وصح بدنك ولاهنت
ولك الشكر الجزيل على هذا الحضور المشجّع والرااائع
كن دائماً بالقرب لاعـــــــــدمنا وجووودك.

قصيده فوق هام السحب

صح لسان شاعرها
ودمت ابو طارق على انتقاءك

هلابك صواي الليل وصح بدنك ولك الشكرالجزيل على تشريف الموضوع
دامت سعادتك ورفع الله مقدارك ولاعــــــــدمنا وجووودك.