قصيدة العتيبي في الشيخ : مؤيد ناجي العردان
 

قصيدة الشاعر : مساعد فهد الدلبحي العتيبي في الشيخ : مؤيد ناجي راضي العردان السلماني


يالله يـ المعبود منشي المخاييل
وهمّالها يسقي الديار الآبيّـه

تسوقه لـ حايل ديار الحلاحيل
رجالها وكفوفها الحاتميّه

وتعينني في بدع جزل التماثيل
وأسوقها في شأن زبن الونيّه

في مدح شيخٍ لاكبر الكايد يْشيل
مؤيد وياحي ذكره وحيّه

طليقٍ حجاجه وزبن المداخيل
في اللازمه لو هي بحوض المنيّه

فيك آتنومس لاشهبن المقابيل
الرأس طايل والمواقف جليّه

وابوه ناجي من زحول الرياجيل
شيخ و سعد من با للوازم خويه

من ربعه العردان ربعٍ مشاكيل
على المعادي شر والنار حيه

أهل السخاء ومتعبين المعاميل
وعون الدخيل بعقب ساعة مجيّه

من ترثة السلمان بـ السيف والخيل
بزوماتها من عاد بقعا صبيّه

من روس شمر جيل يارث بعد جيل
بـ المرجله من عادها جاهليّه


تحياتي : فهد عبدالله السلماني

يسلم المادح والممدوح
تسلم فهد

عشت كفو كفو والله ابن عردان
ويسلم الشاعر

مودتي

هلابك يافهد وصح لسان الشاعر مساعد فهد العتيبي ملاييين
وراعي الطيب يستاهل هذه الشامخة
تقديري لجهودك لاعــــــــدمنا وجووودك.

عشت والله فهد السلمان
نورتنا
وتيلم يمناك على نقلك