امجاد اهل حايل
 

امجاد اهل حائل في الماضي والحاضر


[poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
خايلت برقن سـرى والـروح منداشـه = ضوحه يشادي لميع المـاس بفصوصـه
بطبوق غيمـن هزيمـه ثـار لولاشـه = فيها المخايل بوبل المـزن مرصوصـه
كنه عن الريـح والعاصـوف منحاشـه = حاديه منـذر خشـوم الريـم بقنوصـه
جعل المخايـل بحايـل وبـل رهاشـه = يحيي فياضن من المجـداب مقروصـه
تمشي سيولـه لوجـه القـاع قشاشـه = تلقى خضاره يلوح بـراس برخوصـه
حيث ان فيهـا مقـام الجـود وفراشـه = ناسن كرمها ملـى التاريـخ بقصوصـه
شمـر فخرهـا نفـاد المـال وادباشـه = غاصت بحورن تهاب اهل الردى غوصه
وبنـي تـمـيـمـن كرمهـا يلعـج فــلاشـه = حتى صغاره بحبـل الطيـب مقلوصـه
مع ضيقة الوقت والحاجـات وابلاشـه = طيبه تعدى هـل الهقـوات وخروصـه
للضيف تجدع فقـار الحيـل واكباشـه = ماحاسبوا عن هـلاك المـال ونقوصـه
ومن ناش جاله يذوق المـوت لاناشـه = يمسي وروحه هشيمن يابسـن خوصـه
يضرب طريق الهلاك بضرب رشاشـه = والا قضى العمر والرجلين مقصوصـه
وياللي هقيت المرابع سهـل مطراشـه = دونه ربوعي تسوق الروح مرخوصـه
ماهـي دواويـن مـن يــمنـاه غـشـاشــه = اللي قـلـمهـا ظـهــر للنـاس قاروصـه
قامت تفاخر طـروز البشـت بخياشـه = والطيب ماهو بياض اللبس وشخوصـه
بالكـذب تلــقــط فـخـر ربعـه بـمنـقاشـه = وعند الحقايق يصيب الراس خابوصـه
وراس الظباء مايسد الجـوع بعـراشـه = والمدح محدن شرب صافيـه بشنوصـه
مايـنـفـع الميـت طـب النـاس وانعاشـه = وعروق قلبه بحب المـال ممصوصـه
طيب الجماعه بياض القطـن والشاشـه = ربي جعلها بتـاج الطيـب مخصوصـه
يفرح بهـم سـاري الظلمـاء وهتاشـه = عن واحدن ضيفتـه بالصبـع مبقوصـه
تاريخ حايل ذهب ساقـوه مـن كاشـه = وحروف طرسه عن الهفوات مفحوصه
شربوا قراح الفخـر مختـوم بغراشـه = وشيلت خويه على المريـخ ملخوصـه
عافوا خرابيش عيش الهـون وعشاشـه = وضحك المهرج بوسط الناس ورقوصه
فيها الحمايـل مخايـل طيـب جـيـاشـه = تشهد به الناس والقرطـاس وقروصـه
هـداج وانعـم مـن الديـبـاج وقماشـه = عشوا ذيابن عـن المفـراس مـتـغـوصـه
مجـدن وصل حاطـب الدنيـا وحشاشـه = ودروس حاتم تروس الجود ونصوصـه
بالجـود شـلال كالـشـعــال بكــلاشـه = وحجاب لاهل الركاب الحمر من عوصه
ركبوا اصيل الطباع وعافـت اكداشـه = ولاعاش فيها حثال النـاس ولصوصـه
لولا ربوعي عـلـوم الطـيـب ماعـاشـه = والا تلاقي ضعـاف الـنـاس مـبـروصـه
الجـوع لابـان بالــعـربـان نهـاشـه = اهـل اللحـيـسـه عـلاج الجـوع وغصوصـه
صكوا على الطيب قفل المجد وابياشـه = وشاموا عن اهل الردى ودلاه ومحوصه
هم راحة الجار عز الـدار واحواشـه = هم مزبن الناس عند البـاس ونغوصـه
هم عسكر الجود وقت الكود واجياشـه = هم جمرة الهزم عند الخصم ومغوصـه
هم مـنـبع الطـيـب نـاب الذيـب بهواشـه = مقباس تفهم حقـوق النـاس وشقوصـه
هم ورد الاكـوان والقـبـطـان والـبـاشـه = مزبان ناسـن جهــدهـا بـان ناقوصـه
هم نور الافـلاك كـان اوذاك خفاشـه = زادت على الناس بالمقيـاس والبوصـه
بالصيـف للضيـف ماتطلـع بدشداشـه = وعند الوزى ماجزى المحتاج بنكوصـه
هم علـة الجـوع للمسبـوع مخواشـه = لاقــيـل زادت جـيـاد الجـوع بـقـحـوصـه
اهل الطــويـلات والطـولات واقـفـاشـه = والدار للجـار مهـمـا جـار مـبـحـوصـه
ماهي تـوالــف سوالـف طـاش ماطاشـه = امجـاد الاجـواد ياعـواد مـبــخـوصـه[/poem]

(((الراوي))) فواز الغسلان000

فواز الغسلان
صح لسانك وسلمت يمينك
كلمات رائعه جدا كل الشكر لك
يعطيك العافيه وننتظر جديدك
سهر

الله الله الله الله الله الله الله عليك
فواز الغسلان
هلا فيك شاعرنا المبدع نورتنا و الله

صح لسانك وبيض الله وجهك

قصيده اكثر من روعه

مشكور ويعطيك العافيه

ونطلع للمزيد



بن عجلان

تاريخ حايل ذهب ساقـوه مـن كاشـه = وحروف طرسه عن الهفوات مفحوصه
شربوا قراح الفخـر مختـوم بغراشـه = وشيلت خويه على المريـخ ملخوصـه

الراوي القدير
يمسيك بالخير ويسلم راااسك من رااااقي
والله قمت الرقي والابدااع هالمتنااثر هناء صح لسااانك مليار
والله يعلي شاانك من رااااااااااااااااااااااااااااقي

ونعم فواز
صح لسانك
قصيده رائعه وشاعر متمكن وحايل وشمر يتساهلون ماقيل فيهم
سجل أعجابي ومتابعتي
الدائمه لك كل تحياتي وتقديري

لله درك .. فواز الغسلان
قرأت لك من قبل ..
شاعر رائع تمنيت أنضمامك منذ زمن ..
حتى نستطيع التفاعل معك برد مباشر ..
وهـ قد تحقق حضورك .. الذي نغبط أنفسنا عليه ..

صح نبضك ..

قصيدة راقية .. من شاعر رائع ومتميز ..

فواز الغسلان

صح لسانك يا الشيخ على هالقصيده الراائعه

لا هان شانك يا الغالي

كل الشكر والتقدير لك

الكعبي

الـرائـع فواز الغسلان
صح لسانك وعلا شانك ولله درك على هذه الشامخه
دمـت ودام أبداعـك

الشاعر الرائع فواز الغسلان صح لسانك وقلبك

و يعطيك ربي الف عافية

مودتي

غلا بعد حيي

فواز مشغلني من العام موضوع ــ إمجهزن جيشه على القلب تجهيز

يابو فهد ماشفت له حل وسنوع ــ كل(ن) تعزز لي ولا شفت تعزيز


صح لسانك يابوفهد وبيض اللع وجهك تسلم يالراوي والشاعر

أخوك ((( مبارك طناء التبيناوي )))

[align=center]فواز الغسلان
يعجز القلم عن كتابة اى شىء
امام كلماتك العملاقة البارعة
و لا املك سوى ان اقول لك
صح لسانك ملاااييين
تقبل كل التقدير و الاحترام لقلمك الرائع
وننتظر منك المزيد دائما
دمت متالق وفالك المليون[/align]

الشاعر - الراوي فواز الغسلان
تحيه عطره لك على هالقصيده الرائعه
ماشاء الله عليك قصيده فائقة الروعه والجمال
بارك الله فيك اخي العزيز وتعجز الكلمات واحرف الكيبورد
عن وصف المشاعر بشدة الاعجاب
......................
بيتين اهداء لك شاعرنا فواز دام القصيده حايليه

حايل بجوفي وأنا عنها بعيد
حب حايل مبطي بقلبي نشى
يا عروس(ن) عن هواها ما نحيد
أعشق ترابك ومن فوقه مشى

شاعرنا فواز الغسلان

الله الله الله


القصيد الطيب يجذبك وتطرب له
اجزلت اجزلت
صح لسانكـ مدد / لاهنت