الاعمى تركه اولاده بالرمضاء وحيدا
 

بسم الله الرحمن الرحيم


قصه مؤلمه فيها الكثير من العبره للمعتبر وهي حقيقيه ومعروفه حدثت

في عام 1305 هجره لشخص يدعى جحيش السرحاني والذي تزوج من

امرأه من نسب طيب وانجبت له ثلاثة اولاد وتوفيت بعدها000

اصبح جحيش ابا واما بنفس الوقت للاولاد وحاول ان يكفيهم متاعب الدنيا

لعلهم يفعلون به كذا اذا كبر000

الا ان ماحدث عكس ذلك حيث اطاعوا زوجاتهم ضد والدهم وعندما شاب

وكف بصره احتاجهم اكثر لكنه تفاجأ بهم يرون زوجاتهم يطردنه عن

بيوتهم وهم صامتون وذات يوم ارادوا الرحيل من وادي اسمه سليحيب

وتحت ضغط نسائهم قرروا ترك الاعمى لوحده والرحيل هروبا منه00

عندها قرر الوالد ان يدعوا عليهم لانهم تجاوزوا كل الخطوط الحمراء

لحقوقه00

كانت دعوته في قصيده لكنه شرح قبل ذلك افعالهم ليبرر دعوته وقد

اتيت انا الى جماعته واخبروني ان الله قطعهم وقطع نسلهم بعد دعوته

وليس لهم اثر في الدنيا الان واليكم القصيده:



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


قال الذي يقرا بليا مكاتيب=ياللي تقرون العمى من عماكم
ياعيال ياللي تشرفون المراقيب=تريضوا لي واقصروا من خطاكم
خوذوا كلام جحيش مابه تكاذيب=مثل السند مضمون للي وراكم
تروا البلاسه من كبار العذاريب=وهرج النمايم مايطول لحاكم
ياعيال ماسرحتكم باللواهيب=وياعيال ماعمر المعزب ولاكم
وياعيال ماضربتكم بالمشاعيب=ولاسمعوا الجيران لجة بكاكم
ياما تسلوعت الخلا كني الذيب=من خوف لايقصر عليكم عشاكم
وياعيال هاكم لحيتي كلها شيب=هذا زمان قعودنا في ذراكم
قمت اتوكا فوق عوج المصاليب=وقصرت خطانا يوم طالت خطاكم
ردوا لي القرضه عليكم مطاليب=ردوا لي القرضه جزاء من جزاكم
لابد يومن عاوي(ن) دوني الذيب=بالقبر ماافرق طيبكم من رداكم
وياعيال بعتوني بصفر العراقيب=ماهو جزانا سود الله قراكم
نسيتكم واسندت وادي سلاحيب=وشاهدت بالرمضاء مدافيق ماكم
ياعلكم في حاميات اللواهيب=ياللي على الوالد خبيثن لغاكم
عسى نساكم ماتحمل ولاتجيب=ولااحدن من البزران يمشي وراكم
اهبوا هبيتوا ياكبار اللغابيب=اخسوا خسيتوا يقطع الله ظناكم [/poem]




وفعلا انقطعوا وانقطع نسلهم للابد بعد هذه الدعوه القاصمه والموجعه

من والد بذل كل مايملك وجازوه بالجحود والنكران000000 علما اني اختصرت

القصيده وهي اطول بكثير00


اخوكم (((الراوي)))

ياعيال ماسرحتكم باللواهيب
وياعيال ماعمر المعزب ولاكم
وياعيال ماضربتكم بالمشاعيب
ولاسمعوا الجيران لجة بكاكم
ياما تسلوعت الخلا كني الذيب
من خوف لايقصر عليكم عشاكم
وياعيال هاكم لحيتي كلها شيب
هذا زمان قعودنا في ذراكم
قمت اتوكا فوق عوج المصاليب
وقصرت خطانا يوم طالت خطاكم


فواز الغسلان


شكرا لك علي هذه القصه المؤثره

لك الغلا

[frame="10 80"]الجاحد يستاهل ماجاه
من رب العباد
كيف اب ينتظر اولاده في الكبر لايجد من يرعاه باخر العمر
وياكثرها هالوقت والجمعيات الخيريه تضيق بكبار السن
ودار العجزه ايضاا

يعافيك الله اخي فواز على القصه والقصيده
صح لسانه شاعرها

اختك[/frame]

الله يقطع نسل كل من على شاكلتهم
الف شكر لك ياغالي
فواز الغسلان على القصه والقصيده
شاهداا لهااااا

فواز الغسلان
صح لسانك ولسان شاعرها
كل الشكر لك على القصيده المؤثره
ننتظر جديدك الرائع
سهر

السفيران00 بنت القصيد 00منذر00 سهر00

مشكورين مليون على تشجيعكم المستمر لسطوري المتواضعه00


(((الراوي)))

فواز الغسلان

تسلم يا بعد راسي على القصيده و القصه
صح الله لسانك و لسان شاعرهــا


اخووك

وضاح المنصوري

[align=center]الله لا يبارك فيهم وكل من يمشي على شاكلتهم

الله يقطعه من دااااااااابره



شاعرنا وراويتنا : ابوفهد

ياجعلك تسلم والله يبيض وجهك ولاهنت


على السالفه الزينه والقصيده


ايييييه فديتك ترى حنا طمااااعين نبي زياااااده من السواااالف


لك الغلا


اخوووك


سرحان[/align]

فواز الغسلان

تسلم اخوي على هالساالفه و القصيده
وربي يعطيك الف عافيه يا راوينا المبدع

وردة العين

لاحول ولا قوه الا بالله
اشكرك على القصيده
فواز الغسلان