رموش المهاة السود
 

رموش المهاة السود




[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


انا جيت ابي شوفك واحسبك من اهل الجود=واشوفك عقب هرج المحبه قفلـت البـاب
واذا كنت ماتصبر بدرب العنـى والكـود=علامك تجي دربن لكـل العـرب غـلاب
هلك به رجالن باللقـاء تـذري المضهـود=ذبح قيس مع ليلـى وميثـاء بحـب ذيـاب
وانا اليوم كيف انسى رموش المهاة السـود=وهو لو سرى طيفه بنومـي خفوقـي ذاب
احبه مثـل حـب الجياعـا لابـن جلعـود=كريمن تلوح انـوار بيتـه تقـل مشهـاب
او البرق في مزنن هميلـه يغيـث العـود=او اللي غرس واسقى وذاق اول المرطاب
الا ليت ماشفت الشعـر طايحـن مرجـود=ولاذقت من ريقه حلا الـذوق والمشـراب
عيون اشقرن تقدح تبـي صيـده المنشـود=عيونه تشوح الشوف في عالـي المرقـاب
كفخ كنـه الطلقـه عقـب ثـورة البـارود=تقفى عشاه وحط فـي زورهـا المخـلاب
وردفن فضح ثوبن على جسمهـا مشـدود=طوى ثوبها عالي وحـده علـى المهـراب
وانا ماعلـى روحـي ملامـه ولامنقـود=اذا ضعت في نظرة عيون امهات خضـاب
هوى البيض بلوى للعرب من ليالـي هـود=ومن ذاق نيرانـه مشـى دمعـه السكـاب
غدى الجسم من فرقاه يومي تقل عرجـود=رمى الشيب في راسي وانا بالموالد شـاب
ومن شاف حالي قـال قلبـه كـلاه الـدود=او انه مشت بعروق قلبـه سمـوم الـداب
الا ليت رجلي مامشـت داخـل المحـدود=ولاشفت غندورن لوسط الحشـى سـلاب
ولاصحت صيحات الازيمع لابن مرشـود=ولاضقت لاشفت الليالـي قمرهـا غـاب
تركني سهيـرن والعـرب بالمنـام رقـود=ولا احدن ينام وله بوسط العـرب طـلاب
وانا اليوم ابي مطلاع قلبـي ولابـي زود=مدام الهوى يدخـل بـه النـذل والكذاب [/poem]

فواز الغسلان

صح لسانك وسلمت يمينك يا رائع

لك الغلا

اخوك الحيران

اخوي الحيران اشكرك على حروفك النبيله




تحياتي يالغالي (((الراوي)))

فواز الغسلان
صح لسانك اخوي على الابيات الجميله
يعطيك الف عافيه وبانتظار المزيد
سهر

يا سلام عليك يا فواز

وربي أبدعت يالغالي

صح الله لسانك ودام عطاؤك

تقديري لك

الساري مشكور يالعزوه الله لايهينك يالغالي



تقبل تحياتي (((الراوي)))

مشكوره على متابعتك المستمره وتعليقاتك النبيله


تحياتي (((الراوي)))

الف شكر يالغالي على متابعتك وتشجيعك المستمر



تقبل تحياتي يالعزوه (((الراوي)))

[align=center]الله الله الله
الله الله
الله

ياسلاااااام ياسلااااااااااااام

صح الله لساااااااانك واعتلى شااانك يالغلا على هالجزله

تسلم تسلم على هالفاتنه التي امتعتنا بها يامبدعنا وشاعرنا


اااحاسيس مرهفه وجيااااشه وعذبه يالطربه


وصح الله لسااااااااااااااااانك ملايييييييييين

لك مني الغلا


دمت لنا وداااااااام عطااااااااااااااااءك


اخوووك


سرحان[/align]

المبدع دوما

فواز الغسلان

صح لسانك شاعرنا على هالقصيده الجميله و الرائعه
لاهنت ياخويه ولاهان منطوقك

في انتظار روائعك القادمه
فلا تحرمنا

اختك

وردة العين

سرحان000 وردة العين000


والله انك غالين 00 مشكورين على المتابعه يالعزوه وتقبلوا تحياتي



(((الراوي)))

صدق لسانك وبنانك
فواز الغسلان
تقبل مروري المتاخر

شكرا جزيلا يالغالي على حروفك النبيله يالعزوة


تحياتي (((الراوي)))

تركني سهيرن والعرب بالمنام رقود
ولا احدن ينام وله بوسط العرب طلاب


رائعه هذه الابيات

وهالبيت يعتبر قصيده كامله

<<<<<متأثره بالدكتور غسان هههههه :000:

صح لسانك اخوي فواز

وماقصرت