لاعاد ترجاني ولاني براجيـــــــــــك
 

راح الزمان اللي من اول تبينـــــــي ..
يومك على الشده واللين ويــــــــــــــاي
والحين عقب الظروف اللي فينـــــي ..
ومن عقب ما حبك بشراييني ودمــــاي
لاحاجتن منك ابيها تجينـــــــــــــــي ..
ولا شي شينـ(ن) بذكره عقب مســـراي


منك نتعلم لعبت الصد ونصــــــــــد ..
مادام قلبك والليالي علينـــــــــــا
منك نتعلم كيف مانحفظ الـــــــــــود ..
(( وتشوف منا ماتسويه فينــــــــا ))
والحين لازم تاخذ المسأله جـــــــــد ..
علمتنا نقسى وشفنا قسينـــــــــــا

ابشرك ماعاد يوجعني فـــــــــــــــراق ..
واقسى وجع فيني يزول بثوانـــــــي
عودت قلبي اذا حمل هم او ضـــــــاق ..
ارمي وما اسأل عن اللي رمانــــــي
عودت نفسي للمتاهات ما انســـــــــاق ..
ولا اسيل دمع عيني و اعانــــــــــــي
خل الحياة تروح للعمـــــــــر وارزاق ..
يمكن مع الايام يضحك زمانــــــــــي



لاعاد تسأل عن مصيري وتشتــــــاق ..
فكر بنفسك لايهمك ضياعـــــــــــي
يمكن نعاتب بعضنا يوم الفـــــــــراق ..
لكن عتاب ما وراه انتفاعــــــــــــي
مايستمر حــــــب الرسايل والاوراق ..
صعب يجي بعد الفراق اجتماعـــي


كان الشعور اللي بقلبي شعــــــورك ..
وضح وعطني لي دليل وبرهــــــان
احترت في بعدك ووجــــــــــــــودك ..
ودي اعرف الشوق لا صرت ولهـان
ماني بندمان ليا قلت ناسيـــــــــــــك ..
ولا قد ندمت الا على حاجه وحيـــــده
اندم على قصايد لاقلتها فيــــــــــــك ..
وانت فلا تسوى في قصيــــــــــــــــده



لاعاد ترجاني ولاني براجيـــــــــــك ..
والكل منا جعل دربه سلامـــــــــــه
لاعاد اسولف بك ولاجيب طاريــــك ..
وانشهد ان بعض المعرفه ندامــــــه
قلبي من اول يودك ويغليـــــــــــــك ..
وعن خلق الله ترفعت هامـــــــــــــه
واليوم عذال الهوى شرعوا فيـــــك ..
حطوا على عينك سواد الغمامـه
لا تحسبي في قصيدي انا اجيــــــك ..
عن حبنا اللي راح واقفى غرامــــه
حبك تحطم وانتهى بين اياديـــــــك ..
قصر الغرام اللي بنيته هدامـــــــــه


إهي مره وكم مره عليه تكثر الغلطــــــــــــــات ..
اطوف زلتك دايم ومن شانك امشيهـــــــــا
اكرر رقمك الجوال لاهي مره ولامــــــــــرات ..
يجاوبني على المغلق او الخارج مغطيهــا
تجيني مجمع اعذارك اصدقها وهي كذبــــــات ..
وأصبر نفسي بنفســـي اكحلها وتعميهـــــا

الحيران

تسلم اخوي على مجهودك الطيب في هذا القسم
وربي يعطيك الف عافيه يا مشرفنا الرائع

في انتظار المميز منك دائما

وردة العين

وردة العين

شكرا لك مشرفتنا علي احلا مرور

ربي يخليك رائعنا تواجدك قمة في التميز الله يسعدك..
كل الشكر والتقدير لسموك المبدع ..



تقبل مروري..
بقايا حلم..

بقايا حلم

كل الشكر لك علي مرورك