"نقشة الفستاني"
 

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
المزن هاض وشاقني ببروقه=يفرح بضوحه مجدب البدواني
كن الكهارب تشتعل بطبوقه=ساق وتساوق غيم فوق الثاني
ومشيت ضايق مع ليان فلوقه=وسط الخضار ومزهر الريضاني
الروض مخضر والطخى من فوقه=ماغير عشب وطارف الرعياني
في فيضتن شاق النظر زملوقه=تطرد هجوس العاشق الولهاني
والصيد بالريضان شفت فروقه=لاذار تسمع صفقة الجنحاني
يجهم له القناص قبل شروقه=والطير ليله بالخلا جيعاني
كن الشعايل تلتهب بحدوقه= شوفه يشوح ويكشف الودياني
ويوم اتعب القناص فك سبوقه=طار وتعلى وانثتى شفقاني
حاس الحباري لين شفت شلوقه=وراعيه يضحك يفتخر طرباني
الخرب من كفه شلق معلوقه=لاهد يشبه هدة الشلقاني
يسلى به اللي غايبن عن شوقه=ليله يروح بضيقته سهراني
تجذب خفايا خافقه بعروقه=رمشه يشادي قايد الغزلاني
لاحت لعيني دالهن في سوقه=وناطحتها مع دخلة الدكاني
تنورته من ردفها مفتوقه=فتقه سبايب جسمها الملياني
الردف يطوي لبسها من فوقه=وشفت البياض بهبرة السيقاني
كل العطور بجمسها مدفوقه=ينثر وراها المسك والريحاني
قامت تغنج بالحلا من ذوقه=له مبسمن مثل القمر لاباني
فيها الثنايا تلتعج له لوقه=مثل البرد يردم على البيباني
والله فلاهي بالحلا مسبوقه=واللي يكذب يزبن الميداني
يفرق حلاه بطبعها وخلوقه=وجسمن ورمشن للعرب فتاني
جديلتــــــه بمتونها مدلوقه=ليته يشوفه شاعر الربضاني
قالت عيونك كنها مشنوقه=راجع طبيب الديرة النفساني
قلت البلا عنقن يزينه طوقه=وان طحت من رمشك تراك الجاني
قالت رضيت المحكمه وحقوقه=واللي يقول بديوي الوقداني
صارت مداخل حجتي مغلوقه=ومالي سوى صبري مع الكتماني
كل الحلا في وصفها وعموقه=غبنه يشب بخافقي نيراني
وبالهرج يسحر خافقي منطوقه=مامثلها هرجه وزين لساني
كن الحنايا بالقهر مصفوقه=ومحدن يروف بحالة الغسلاني
فرحة ضميري عقبها مسروقه=يشهد بها القاصين قبل الداني
ياغصن موزن ينثني بعذوقه=وصفه يجيده محسن الهزاني
ادخل على الله عن دروب البوقه=تر صاحبك من خلقته ماخاني
دامك رميتي خافقي في عوقه=وشنوح تترك طايحن مرضاني
وان رحت وعروق الحشى محروقه=فأنته بقانون الهوى غلطاني
راحت وروحي بالقهر مطقوقه=واقف واطالع نقشة الفستــــاني [/poem]

الردف يطوي لبسها من فوقه
وشفت البياض بهبرة السيقاني
كل العطور بجمسها مدفوقه
ينثر وراها المسك والريحاني

ارررررررحب هيضتنا يالشيخ
ياراوي الجبل ارفق ترفق
علينا
صح لسانك يالطربه

صح لسااااااااااااانك
وفكرك ياراقي
قصيده كلها رائعه
من اول بيت لاخر بيت
بيض الله وجهك
فواز الغسلان

قامت تغنج بالحلا من ذوقه
له مبسمن مثل القمر لاباني
فيها الثنايا تلتعج له لوقه
مثل البرد يردم على البيباني
والله فلاهي بالحلا مسبوقه
واللي يكذب يزبن الميداني
يفرق حلاه بطبعها وخلوقه
وجسمن ورمشن للعرب فتاني
جديلته بمتونها مدلوقه
ليته يشوفه شاعر الربضاني


صح لسانك يالعزوه
فواز الغسلان

صح لسانك وبنانك
فواز الغسلان
كم انت مبدع وفاتن بكلماتك
وكم قرأت كثيراً وعشقت كثيراً
ولكن لم اجد بجمال هذه المقطوعة بالفعل جمالها أخاذ
شكراً لقلمك الجميل ودام ابداع ماتسطره اناملك الرقيقة وقلبك الكبير

تقبل اعجابي الشديد بسطورك

الله عليك يا أبوفهد أبدعت في هذه القصيده الجميله
انت شاعر قنااااااااص بالدرجه الاولــــــــــــــــــى
ارفق علينا ياأبوفهد
صح لسااااااااااااااااااااااااااااااااااااااانك ولاهنت
لاتحرمنا من جديدك تقبل تحياتي





سبحان الله وبحمدهـ وسبحان الله العظيم

ارررررحبووووا يالغالي هذي حلات القصيد غزل وبس0


تحياتي العطره الراوي00

مشكور اخوي العزيز الله لايهينك يالطربه


الراوي00

الشاعر
فواز الغسلان
يعجز لساني ويحير قلمي على ان يجاريك بكلمات الشكر والعرفان
على هذه القصيده الرائعه

ياسلالالام عليييييييييييييييك

ايه يابعدي حيي عطنا من الغزل الرائع

سلم هاللسان العذب يابو فهد

تسلم فواز
صح لسانك اخوي على هالقصيدة الرائعة
وما اجمل ماقلت وما اجمل موهبتك
عساك للعافيه

[align=center]لاحت لعيني دالهن في سوقه
وناطحتها مع دخلة الدكاني

تنورته من ردفها مفتوقه
فتقه سبايب جسمها الملياني

الردف يطوي لبسها من فوقه
وشفت البياض بهبرة السيقاني

كل العطور بجمسها مدفوقه
ينثر وراها المسك والريحاني

قامت تغنج بالحلا من ذوقه
له مبسمن مثل القمر لاباني [/align]


[align=center]الله الله


صح الله لسانك واحساسك ياشيخ فواز

حي هالوصف الجميل <<<< قلبك خضررر ياولد



مبدع كعادتك يالطرررربه..[/align]


[align=center]
http://www.arb-up.com/get-5-2007-gns3j4gv.gif

دمــــــــــت لنـــــــــــــا..[/align]