حرام هذا بمكه
 

الاسبوع الماضي رحت لمكه وعتمرت الحمدلله

بـــــــــــــــــــــــٍس:


شفت العجب العجاب في التوسعه والطواف والسعي.


شفت العبايات الكتف والمخصره على الجسم والردوف تهز هز ونسيت أدعي والله

المهم اللهم أغفرلي يارب :"

وبعد الوجيه الي كنها البدر والحواجب المرسومه وبعد بناطيل جنز


يعنـــــــــــــــــي مكه الله يشرفها صارت مثل عرض أجساااام

آآآخ شي يضيق الصدررررررررر

وين المشايخ الي طايحين مناصحات لأخواننا في السجون وينهم ماينصحون الأخوات أنهن مايدخلن مكه ألا محتشمات با العبايه الاسلاميه والحجاب الساتر للاخوه في الخارج وتنشر وتوزع شروط الدخول الى مكه بهكذا حجاب....

ربنا يرحم العلماء

الشكوى لله
مابيدنا حيله
الا نقول الله حسيبهم
وعمره مقبوله ان شالله

تسلم سنعوسي

حسبنااااا الله ونعم الوكيل
هذا الي نقول
عسى يشوفون حل لحراميات الحرم يسمونهم طبعا

عمره مقبوله السنعوسي

السنعوسي
قبل كم شهر كنت هناك وشفت وحده توزع اوراق مكتوب فيها نصايح للحريم عن العبايات المزركشه والمخصره والمشكله ان اللي توزع عباتها من هالنوع الله يستر علينا وعلى بنات المسلمين ويعين القائمين على الحرم
جزاك الله خير اخوي والله يتقبل منك
سهر

salam all..this is a very interesting subject and I hope the hai2a like they call them would do something about it..instead of doing what god knows theyre doin..anyways thanx

صدقت والله.
فعلا الحرم صار عرض للعبايات الملفته للنظر ولرسم الحواجب والعيون وغيره واذكر اني مره من المرات ضيعت خويي في السعي ووقفت على طرف المسعى مقابل لوجوه الناس اطالع فيهم يمكن اشوف خويي ماشي معهم لكن والله ماقدرت اتحمل منظر البنات وفيهن اللي راسمة عيونها واللي كاشفة العيون مع الجبهة ومبينه شويه من غرة الشعر ومناظر تضيع عليك الخشوع وبالنهايه قلت خلني اكمل العمره وانتظر خويي عند السياره ولا اني انتظره هنا واضيع أجري.

وأذكر مره من المرات في دمشق رحنا نصلي في الجامع الأموي ولفت نظري بنت عند باب الجامع ودها تدخل لكن حارس البوابه يمنعها وقلت خلني امر من جنبهم واسمع وش اللي صاير وطلع انه البواب رافض دخولها لانها متحجبه ولابسه شانيل وطلب منها تروح تحتشم بملابسها وبعدين ترجع.
ياليت حراس الابواب في الحرم المكي تصدر لهم أوامر بتوعية المصليات وهم داخلات للحرم حتى تلتزم كل وحده منهم بالعباية المحتشمه اللي ماتكون فتنه للرجال في مكان يكون فيه الانسان اقرب فيه لله من الدنيا وزينتها.
وشكرا.

[align=center]حسبي الله ونعم الوكيل

هاي حال الدنيا الحين العباه المخصره والضيقه
والوجه كله مصبوغ بالالوان و والحواجب منتفه تنتيف
بس ما نقول غير لا حول ولا قوة الا بالله

السنعوسي
اول شي عمره مقبوله وتقبل الله طاعاتك ان شاء الله
ثانيا شكرا لك على الموضوع

حمامة السلام[/align]

جزاك الله خير اخوي والله يتقبل منك

حسبنا الله عليهم
بس

لا حول ولا قوة الا باالله خلها على ربك يا رجال

[align=center]أخي السنعوسي ...
أشكرك على هذا الموضوع .. وأستأذنك في التعليق عليه .
مشكلة التبرج بدأت تنتشر للأسف ..
والمشكلة أن أكثر صحفنا وقنواتنا تساعد عليها ..
أكثر من يقدم ويبرز من نماذج في الصحف والقنوات هي النماذج التي لاتعنيها كثيرا مسألة الحجاب الشرعي ..
والإخبارية خير شاهد ..
بل إن إحدى الكاتبات في صحيفة المدينة كتبت مقالا تستغرب التركيز اللامعقول على إظهار صورة المرأة غير المحجبة في صحفنا .
وذكرت أن إحدى الصحف طلبت إجراء مقابلة معها وطلبت أن تأخذ منها صورة شخصية ، فلما رفضت الكاتبة إعطاءهم صورة لها ، تم إلغاء اللقاء من أساسه .
أي أن الأمر يدور برمته حول إظهار صور سعوديات متبرجات .
هذا الأمر يؤثر بقوة في وعي الفتيات والفتيان والمجتمع برمته ، وإن على درجات متفاوتة ..، وكثرة المساس تبلد الإحساس .
مذيعات ، وصحفيات وغيرهن تسلط عليهن الأضواء ويقدمن للناس بصورة أكاد أجزم أنهن لايتجملن بمثلها لأزواجهن .
ويناقشن قضايا المجتمع وكأنهن النموذج المثالي للفتاة السعودية ..
بعد أن ترى المراهقة مثل هذه الصور المتكررة حتما ستؤثر فيها ..
على الأقل ستضعف دافع الالتزام بالحجاب ، وإنكار التبرج عندما تراه .
في المقابل نرى الهجوم الشديد على الهيئة من كثير من أنصاف الكتاب ..لايكاد يمر يوم إلا ونرى طبال أو قصاص أو عضو في رئاسة بنك ربوي أو متحول فكريا من أقصى اليمين إلى أقصى اليسار تحت اسم النقد يكذب على الهيئة ويتهمها بما يحلو له من تهم .
بل ويعلمها كيف تأمر بالمعروف وكيف تنكر المنكر !
هزلت .
ألا يؤثر هذا في تضليل الوعي والثقافة وإنشاء جيل بعيد عن ثقافته الصحيحة !
عندما تقدم لنا الصحافة والإعلام قصاصا - أو روائيين وروائيات - ينشرون الدعارة والعهر عبر رواياتهم التي لاتتكلم إلا عن حالات المجون والانحلال وتضخيمها بشكل يوحي للقارئ أن هذا هو حال كل الناس أو أكثرهم، ويتعدون على الثواتب والمقدسات ، ويستهزئون بالدين بشكل صريح .
تقدمهم لنا وسائل الإعلامي بصورة المبدعين الكبار ، وعمالقة الأدب العربي والأدب بريء مما يكتبون .

كل هذا يؤثر في ثقافة الجيل الصحيحة ويطعنها في مقتل .
تحياتي لك أخي السنعوسي ..
وبارك الله فيك [/align]

السنعوسي

شكرا لك علي موضوعك