|
لغز((فواز جاكم))((فغصه الذيب بدر الشمري ونور الدنيا صامت يومين منه))
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
فواز جاكم يـفــتخـر فـي جـماله=دايم وسيفه بالشجاعه بـيـمـناه كل العذارى هـو سـبـايـب هباله=من شافـتـه تـقول ياناس زيناه سبعين رجل اللي ذبح من رجاله=وباقي ثلاثه عـنـدنا حل طرياه انشدك عن رجلن طريقه لحالـه=خلا طريق الناس دربه وممشاه عودٍ كبير ويـتـبـعـونـه عـيالـه=قليل شـكـله بالجـزيـره وحـلـيـاه [/poem] |
هههههههههههه
صح لسانك يالمزيون ابو فهد . جمال وحلا ولغز احلا منك يابعدي لاهنت . انشدك عن رجلن طريقه لحاله خلا طريق الناس دربه وممشاه عودٍ كبير ويتبعونه عياله قليل شكله بالجزيره وحلياه بترك المجال اذا ماحد حله راجع له قريبا << توكل الله يهديك |
قليل شكله بالجزيره وحلياه
((يعني ماهو عندنا بالسعوديه)) يمكنه بوش خخخخخخخخخ صح لسانك اممممممممممممم مافيه توضيح <<<< من البدايه ^_^ <<< جاااااااااري التفكير |
اقتباس:
هلا اخوي الساري مرحبتين00 احسن اتركه اخاف تحله بدري قبل يغث منيذر0 خلك مثل السلاح الثقيل اللي نستخدمه بالنهايه000 اشوا يوم توكلت قبل اوجه المدفع عليك00 تسلم يالعزوه00 |
شعيب سميراء
|
صح السانك يابو فهد
صح السانك يراع الشعلا اكيد انك جبته والله عاداتك |
يوه يوه يوه لا يكون صح على راعي الشعلا انت يبي لك من يذبح هالشعلا اغدي تفكنا منك وبعدين يا بو فهد راع ان فيه غنادير بالمنتدى ما يعرفن هالشعبان وهالطلح ههههههههههههههههههه
|
هههههههههههههههههههههههه
تسلمون عبالعزيز وحوريه بس اصبرو لا اتستعجلون كم مرة نمت وانااقول فغصة لغزه المزيون ابو فهد لكن يجي ويوقول عقب القاز ما انت شي |
شعيب سميراء رضمه تدق اصابعك00 قم خذى الله هالشلان 00 حليت ثلاث وماشبعت بعد وجع0 حوريه يالعزوه ماعليك ابعدته عن شعبان الحنيش هذا لاتخافين00 وكم مره انخاك تجلغفين الشعلا بالددسن بس انتي راحمتها الله يهديك00 |
صح لسانك على الغز
ورمعه على الطاير بس بدون خناق تخبرن اجفل انا ماهو نهر العاصى وتحيتى لك والجميع |
اقتباس:
هلا وغلا اخوي عقاب 000 ومالك لوا يالغالي00 وشكلك تغلي نهر العاصي وربعه000 |
اقتباس:
حلووووووووووووووه والله شغلت مخي المستدير وحاولت يمين يسار ماش وانا اخوك ماني وجه الغاز لكن حبيب اضع بصمه ماهوووووووووو ماهي بقعاء <<< جاب العيد |
أبو فهد
وضح اللغز شوي لاتصير أناني هههههههههههه ==========>ذبحها التفكير من يومين ماكلت هههه . . . . . . . نـــورالدنيـــا |
ماهو ((القطار)) يااستاذ فــــواز
والله شكله يبي يجينن كف من فواز يدير مسمعي هههههههههههه |
اقتباس:
صـــــــــــــــــــــــــــــــــــــــح القطــــــــــــــــــــــــــــــــار0 تسلم اخوي بدر الشمري وعساك سالم00 يكفيني انا هاه اشوفك وطيت بالمعجن جبت طاري بقعاء هاه؟؟ اعطن عنوانك والله الا ارسل لك درزن مقاريد مايضربونك الا بالمسجد00 تسلم يالغالي نور الدنيا راعي للغز عقب الاجابه تلقينه واضح وانتي صمتي قبل رمضان من التفكير يالعزوه00 |
| الساعة الآن 07:45 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010