منتديات بعد حيي - غلا شمر تروي رؤيا منام تجمع(الغسلان-تركي الدخيل) حلقه1

((( هذا الموضوع من ابداع الشاعره غلا شمر في ديوانية شمر)))

رئى الراوي ابن غسلان هذه الرؤيا
-------------------------------------------
رئيت فيما يرى النائم ان تركي الدخيل اقتحم سيارتي لااني نائم بالسياره ((بقاع هوبان))
ثم جلس في المقعد الايمن واجرى معي هذا اللقاء

س-1 الراوي !! ؟؟ ام اقول الشاعر
ج-1 كنت فيما مضا افضل الراوي اما الآن الشاعر
س-2 لماذا

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يدفعه جمـرن بالاظـلاع وهاجـي=شبها اللي يسحرن فـي مغانيجـه
كنها ريــمن مـع اريـام قرطاجـي=ابـيــضـــن خـده بليـا مكاييـجـه
نابهـا داخـل شــفــايـاه لعـاجـي=وخطوته مثل الحجل في مداريجـه
عندلن عنقاء هنوفـن ومغناجـي=هي سبب هم الضماير وتسهيجـه
والله ان الـقــلـب للزيـن محتاجـي=كلمـا ذاق المغثـه وتزعيـجـه
يوم تزهم تالـي الليـل وتناجـي=هي فرح قلبي وفـوزه وتتويجـه
رمشها بلسم حنايـاي وعلاجـي=وهي نجاح جروح روحي وتخريجه
مثــلها من كـل الاريـام ماداجـي=ليت من يفرح بملكـه وتزويجـه
العيـون بكحــلـة الزيـن دعاجـي=بكرتن تتلـي نجايـب هجاهيجـه
غـيرهـا ماللمــعاليـق مخـراجـي=دام هجره سـم روحـي وتبنيجـه
ويلنا من عاصف الوقت لا هاجـي=لاغدت ترهج خفوقـي رواهيجـه [/poem]

س3-هل يعني ذلك انك تعيش قصة حب

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

سعادة من يبوق العهد صعبه مثل حب الكوع =مثل من يرتجي قطع النفود وموتره تشليـح
مواري طبعكم يظهر غرامي عندكم مجـدوع =وليت القلب لا عافك يفيده بالهوى تصليـح
عسيرن ينجح الراسب وترفع عنده المجموع =ولو تشرح لها حبك بكل الوصف والتنقيـح [/poem]

س4-اذا لماذا لاتتجنب الغزل ان كان يسبب لك المتاعب

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الا ويل من روحه عن العشق ماجـازه=ولاتاب قلبه من عـذاب امهـات قنـاع
هواهن شفط قلبه على خشـم بـروازه=وهو صابرن يرجي عنودن وفاها ضـاع
عجز يقطـع دروب العـذارى ويجتـازه=واذا قلت له كافي يقول الحشى ماطـاع
عقب شوف من طقت على القلب مخرازه=كفخ له ضمير اللي قضى ليلتـه ملتـاع
بلوط الحشى من رمش عين الغلا بـازه=وريحه سرق روح الهواوي تقل نعنـاع
عليها عبـاة وتحتهـا تلمـع اجنـازه=سحرني سواد رموشها والعيون وسـاع
بتاج الحلا والملح عنـد العـرب فـازه=وشالت ضروس اللي تعاند بـلا مقـلاع
عنودن غدت في عالي الرجـم منحـازه=ذيورن تفز مـن الزماليـق بالذعـذاع
جماله بهر من يرسم البيض باعجـازه=عجز يرسم البسمه ونقشه على الاصباع
ضحى العيد يمشي كن بالـردف هـزازه=مع المشي خفنا ينفتـق ثوبـه اللمـاع
يصب بهشيم الروح بالهجر مـن قـازه=لك الله خطر رمشه مثل طعنة القعقـاع
تعاف الذهـب ناسـن للامـوال كنـازه=وانا مثلهم ماني علـى غيرهـا طمـاع
ضحك لي وقال البيض مقرود من هازه=ومن يقترب منهن لعمره غـدى بيـاع
ترى جرحها الخافق يصير اعظم انجازه=وتذكر رجالـن بالمحبـه خبرهـم ذاع
وكـم فارسـن دلا يدوهـج بعـكـازه=مع انه عقيدن قاد ربعه علـى المربـاع
وانا اليوم داخل هوشتن غـاب حجـازه=دخلته رضى واليوم ويلي على المطلاع
غدت دمعتي من حاجـر العيـن نقـازه=يعاهد ويرسل رمح هجره على الاضلاع
وعقب الهوى حطت قفولـه ومجـلازه=غدى كيلها ياصل لقلبي سديس الصـاع
بنارالعطش شـال البزابيـز واهـوازه=عنودن عنيدن بالهـوى ذابحـن قطـاع
احسـب الغـلا يفتـح لغاليـه دروازه=وهو سد بيبان المحبـه وحـط شـراع [/poem]

س5-ماهي امنيت شاعرنا هذه اللحظه

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

طيـر ياللـي بالجناحيـن خفاقـي=ماشكى نار الهواجيس من شوقـه
ان نزل ينزل نبـا كـل شوهاقـي=وان بغى له وجهتن شال طاروقـه
يشلع الجانـح تحـت كـل براقـي=البشر تحته والامـزان مـن فوقـه
ماوقف عند الجمـارك بالاوراقـي=لاجل يدفع قيمـة الختـم وحقوقـه
او وقف ساعات مع كـم سواقـي=في لهيبن يودع النفـس مزنوقـه
ينتظر من نقطة الحجـز منطاقـي=عسكري ينفخ على الناس بشدوقـه
صابرن يشكي لواهيـب الاشواقـي=والهواجس تحرق الجوف وعروقه
تجتمع بالقلب من كـل الاشناقـي=ويل من ياصـل لهيبـه لمعلوقـه
من عشيرن بالحلا حاز مـا لاقـي=لابسن زين الملابيس مـن ذوقـه
مهرتن فوقه شجاعـن ومطفاقـي=دايمن مع ساقـة القـوم مصلوقـه
وعين ريمن ترتعي قبل الاشفاقـي=تختفق بيـن المشاريـف وفلوقـه
مزبنه عالي شفـى كـل مطباقـي=فوق روضن زاهي نبـت رقروقـه
جافلن عـن بندقـن بيـد تفاقـي=تودعه مع هبرة الفخـذ مصفوقـه
جاه وبل الوسـم بالوبـل دفاقـي=وزان عشبه وارتفع ساق زملوقـه
خفرتن زينه جمـع كـل الارناقـي=لين صارت بين الاريـام مفروقـه
الجديـل بمتنهـا طـاق ماطاقـي=والردايف تشكي الثوب من ضوقـه
مع حلاها حايزن زيـن الاخلاقـي=الوصايف فـي حلايـاه مطبوقـه
حبها فـي ذابـح البـرد مشراقـي=لاضحك شفت الثنايـا لهـن لوقـه
لاطرت لي فـزة الـروح بشهاقـي=كـن قلبـي والمعاليـق محروقـه
طول ليلي ساهرن ضايقـن شاقـي=كن روحي بين الاظـلاع مسروقـه
لين تنشف بالقهـر كـل الارياقـي=ذاهلن بالفكر عـن كـل مخلوقـه
ريحها ريح المعاطـر بالاسواقـي=كنها فـي غدفـة الزيـن مدفوقـه
قصر حبه في خفوقـي بالاعماقـي=وارتفع مـن دون لبنـه وطابوقـه
والله انـه ماغـدر بـي ولا باقـي=والظروف الظالمه هي سبب عوقـه
ساق لي بعهود الاحبـاب ميثاقـي=ولا ظهر منهـا كذايـب ولا بوقـه
ثم صار الزيـن للظـرف منساقـي=وشفت روحي من غثى البعد مفلوقه
صار فـي بابـه ثلاثيـن مغلاقـي=واصبحت فيه المساميـر مطقوقـه
دايمـن قلبـي لرويـاه تـواقـي=قطعتن من داخل الجوف مشلوقـه
المفارق والجفى صعـب ينطاقـي=يوم صارت حب قلبـي ومعشوقـه
لين رب العرش يامـر بالاوفاقـي=لاجل اشوف صويحبي زاهي دقوقه
أه ويلـي منـك يامدمـج الساقـي=ليت من ياخذ من اشفاك لو ذوقـه [/poem]

[align=center]
لايزال
----------------- راوي الجبل ------------
في سباتآ عميق وسنكمل لكم غدآ [/align]

نواصل الآن اللقاء مع الراوي
س-6 لماذا اتيت الى قاع هوبان
ج-6 كنت اتسامر مع ام فهد واقصد عليه ونسيت روحي والقيت هالقصيده

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياحمود حسبي على الغالـي وجوالـه=وحسبي على اللي خذى قلبي وخلاني
ياحمود قلبي مـن اول حالتـه حالـه=لاطاب جرحي جرحني صاحبن ثانـي
ليته تركني مـدام الجـرح منوالـه=او عقب جرحي رحم حالي وداوانـي
قلت الحشى زاركم غافل علـى فالـه=جاكم غشيمن بـلا موعـد وعنوانـي
والريم شالت بهجـر القلـب موالـه=مع جور وقتن قبل شرحـي توطانـي
عين المها اللي ربت في روضتن ساله=بالوسم ترزم عليهـا غـر الامزانـي
جتها سيولن تشـادي صـب شلالـه=واحتاس عشبن يفوح بريح ريحانـي
مزبان قلبن شكـى همـه وغربالـه=قلبن وقع والسبب مردوع الاوجانـي
ان جيت حوله وسجت الفكر في جاله=ولاحت لعينك سوادة جـول غزلانـي
تلقى عشيري مع الغزلان يبـرا لـه=خشفن غريرن يشوح بدعج الاعيانـي
غنجاء غنوجن جفولن قادت اجوالـه=ضامر يذيره هبوبن هـز الاغصانـي
وقت العصاري تهاب الغصن وظلالـه=وترقى طويل النباء بالخوف مزبانـي
قولوا لخلي يحط الطيـب فـي بالـهويصبر مدام النصيب الشين ناحانـي
وانقل ثقل حمـل زلزالـي وزلزالـه=يمكن نصيب الفرح لو يـوم يلقانـي
يفداك جفنـن سهيـرن ليلتـه طالـه=وقلبن جروحه تجيه اشكال والوانـي
قلبن تمنـى هنـى روحـه ولانالـه=نـال المغثـه بقلبـن ثـار نيرانـي
وجسمن قبل حملكم بلشـان بأحمالـه=دام المحبـه بـلا عدلـن وميزانـي [/poem]

وبعد ماانتهت ماقالت صح لسانك وفجئات نهضت وملامح الغضب ترتسم بنظرتها واتجهت للمطبخ ؟؟
وتفاديآ لما قد يحدث وحقنن لدماء المسلمين فضلت الابتعاد عن البيت ريثما تهداء
س-7 قبل ان نختم نريد ان تتحفنا بقصيده

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياحمود راع الغلا واقـف علـى بابـه=افزع ترى النـار بالخفـاق مشبوبـه
ياحمود ياما سهـرت الليـل باسبابـه=وشلون يرقد خفوقـن غـاب محبوبـه
ياحمود دربي طويل وشمسنـا غابـه=وقدامنا الجال قبـل الريـف وخبوبـه
فرقى عشيري يلوح المـوت بانيابـه=وان قلت ننسى يطيح القلـب بدروبـه
ياحمود موتي سواد الكحـل باهدابـه=اسمه وحرفـه بـدم القلـب مكتوبـه
عين اشقرن بالهـدد يدلـي بمخلابـه=برياض خيرن بوبل الوسـم معشوبـه
لاشاف صيده كفخ من كـف قضابـه=وادلى على صيدته ماهو علـى دوبـه
يمناه رمحن لوسـط الـروح سلابـه=منه الحباري تشوف الموت مرعوبـه
كن اخو رثعه سحب صرخه من اجرابه=والا القذايف على العـدوان مصبوبـه
ريش الحباري تطاير عقـب مضرابـه=تلقى الثنادي بوسط الريـش مذبوبـه
طيرن عليه الله اكبر عاش من جابـه=تلطيخ كفـه بـدم الصيـد عذروبـه
ماداج بالسوق فـوق كفـوف جلابـه=بكفوف شيخن عرف قـدره وماجوبـه
يشبه لشيخن عزيـزن جـاك بكتابـه=والا زعيمن دخل والربـع حيـوا بـه
كفه تشادي كفوف الزيـن وخضابـه=من شفت عينه رمانـي يالله التوبـه
ياما حلا النقـش والـوردات بثيابـه=لاصار يمشي ونور الشمـس بغروبـه
لو شافها العابد اللي وسـط محرابـهينسى اليـا شافهـا الـزلات وذنوبـه
ماحافهـا راعـي الديـره وحطـابـه=ولابان هرج الجفـى منهـا ولا نوبـه
واليوم روح الشقاوي بالهـوى ذابـه=ودنياي تمشي بها الساعـات مقلوبـه
ودي بشوفـه وربعـه تفتـل اشنابـه=وهذي مواري جحيم القـوم وحروبـه
من شاف زولي مدح نفسي وهلا بـه=وان غاب زولي جزاه بمسك عرقوبـه
والله يلو يجمعـون الـروم واحزابـه=وساقوا جنودن تحتهـم كـل منجوبـه
ماخفت رجلن بوجهي شـال مصلابـه=ياحمود وارواحنا لـه يـوم مسلوبـه
الخوف ما فاد ناسـن راحـت ارقابـه=ايضا ولا طال عمر النـاس بهروبـه
وان طحت دونه وشال الروح قصابـه=موتي عزيزن مقامـه راس مشذوبـه
فرقى الحواسد ونـوم القبـر وترابـه=ولا عيشة الروح وسط الناس مغلوبـه
احفر لقبـري بحايـل حـول صبابـه=بجبـال حايـل او السـراح بالجوبـه
واعلن على الناس هرجن فاحت اطيابه=من راس رجلن ترك زاده ومشروبـه
من نقرة الشام مع برزان مـع طابـه=زين الوصايا عن الغسـلان منسوبـه
اللي يبي عاشقن فـي حـق وطلابـه=كل المطالب عـن العشـاق مشطوبـه [/poem]

استيقظ بعد ذلك ابو فهد وننتظر الجزء الثالث00