هذا لغيزن خفافي !؟((حله الداهيه))
 

[align=center]السلام عليكم

صبحكم الله بالخير

هذا اول لغزن اجدعه بهالمنتدى الطيب بأهله:)

يقول

[poem=font="MS Sans Serif,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أبنشـد اللـي يبعـدون المشـاويـح=عن قصة كلـن سمـع فـي خبرهـا
رجل(ن) غرس له شجرة شالها الريح=ولا سلـم غرّاسهـا مـن خطرهـا
هو مات والشجـرة ولاهـا فلاليـح=تطـورت واليـوم نجنـي ثمـرهـا [/poem]

وسلامتكم[/align]

راعي الذلول والله اني يوم شفت العنوان وانا اجي طاقتن طبلوني ومار ابنط يمار انا عاضتن القاع:085:
لكن لنا رجعه>>>تسذوووووووووب

ههههههههه راع الذلول شف وش تقول؟؟

تراها ماتدري انك تعض لازعلت؟؟؟ ليه تسذوب تحسبينه سهل؟؟

والله بزعمي سهل قبل ادقق فيه000

اخبر راع الذلول حبيب ورحوم ماهو نغول بلغوزه000

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


الـجــاش هــاض وضـامـري جــاب مــالاق=صـب الـقـوافـي مـثــل حـامــي فـــشــقــهـا
لاشـفـت صـدري مـع ربـوع الـرخـى ضاق=وشـفـت الـضمـايـر تـشـتـكـي مـن غرقـهـا
تـشـكـي عـذابـه مـن عـواصـيـف الاشـواق=وبـيــبــان جـوفـي قــام يـصـفـق حـلـقــهـا
نـثــرت صـنـــدوق الـقــوافـــي بـالاوراق=والـجـاش مــثــمــون الـقـوافــي صـلـقــهـا
مـاجــاب قــيـفــانـن نـشــوفــه بـالاســواق=ولاهــي دواويـــنـــن بـلـيــلــه ســرقــهـا
مــن ضـامــرن لـخـزون الاشـعــار شــلاق=وتـشــرب دمــوعـن جـفـن عـيـنـي دفـــقـهـا
مـيــراث عــودن مـنــزلـه فــوق شــوهــاق=وزيــن الـقـهــاوي لـلـنــشـــامـا حـرقــهـا
بـارض الـجـبـل طـيـبـه تـقـل ضـوح بـراق=كـم حــايـلــن لـلــضـيـف كـفــه صـفـــقـهـا
ابـوحـــمــد فــي لاســـع الـبــرد مــشــراق=وظــل الـشـجــر بـالـقــيـظ يـومـي ورقـــهـا
مـاهـــي هــروجــن دمــشــقــه كـل هــلاق=الـلــي تـسـلـســل مــن ســلايـل سـلـــقــهــا
يـوم الــزمـن صـعـبـن مـن الجـوع يـنـطــاق=وبـابـه مـســكــر قـبــل غـيـبــة شـفــــقـــهـا
تـلــقــــاه لــبــيــــوت الاجــــاويـــد بــواق=وبـيــتــه هـجــيـرن مـثـل مـظـلـم نـفـــقـهـا
وبـيـبــان ابــن غــســلان مــن دون طـقــاق=ولاضــاق مـن نـارن كـثــيـــرن عــرقــهـا
مـاصـار عــن شــوف الـطـــواريــق دراق=او لاذ بـالـــبــيــــبــــان والا غـــلـــقـــهــا
رجـلــن عـطــى لـلـطــيـب مـوعـد ومـيـثـاق=ودروب زيـنــات الــمــراجـــل طــرقـــهـا
مـثـل الـرجـال الـلــي علـى الطـيـب تـنـسـاق=نـاســن تـخـالــط سـمـــنـهــا مــع مــرقـــهـا
والــيــوم بـانــت لـلـعـرب بـعــض الاعـنـاق=وكـلــن ذبــح فــرســان نـجــد وشـنـــقــهـا
ســيــفــه شــطـيــرن لـلـمـجــاويـخ حــلاق=بـه نـهــقــتــن لـولا الــرخــى مـانـهـــقــهـا
وقــت الـرخـى طـيـرن عـلـى راس مـطـبـاق=وخـيــاش هـلـقــه بـالــمـجـالـس فــتــقــهـا
والـلـــه يـلــولا شــيــخـــنــا راع الاوفــاق=راســه يـشــيــب وكــلــمــتــه مـانـطــقــهـا
وتـلــقـاه عــن بـعـض الـسـوالـيـف يـنــعـاق=ويـنــحــاش عـن درب الـزمــول وتـفــقــهـا
مــرحــوم يـاعــودن عـلــى الـســمــن دفــاق=خـمــســيــن عــام ودلـــتــه مـافـــهــقـــهـا
كــنــــه بـمــــيــــدان الاجــاويـــد ســـواق=ســابــق رجــالـن فـــي صـخــاه وسـبـقـهـا
والـفــرق فــي قــولــن شـهــوده بـالاعـمـاق=والــنـــاس ربــي بـالـشــــدايـــد فـــرقــهـا[/poem]

[align=center]حياتس الله خيتي

وان شاء الله انتس مانتي تسذووووووب:)

وترى اللغز سهل بالحليل:)

نتحرى رجعتس عاد

تحيتي[/align]

[align=center]

اقتباس:

المشاركة الأصلية كتبت بواسطة لبناني بقعاء ههههههههه راع الذلول شف وش تقول؟؟ تراها ماتدري انك تعض لازعلت؟؟؟ ليه تسذوب تحسبينه سهل؟؟ والله بزعمي سهل قبل ادقق فيه000 اخبر راع الذلول حبيب ورحوم ماهو نغول بلغوزه000

الله العالم انك مطفي النور يابو شكيم مادري شكيب:)

ترى البنت تعني روحه ما تعنينن يا معقّد الشوش انت هههههه

على العموم

يسلموووووو على المرور والتثبيت:)

تحيتي[/align]

شف من عوابته دموعها تصب صب تقل شعيب؟؟

هذا وهو بس كلام وشلون لو هو كف؟؟

كان ترحليننا رحيل يانووووروووه

ماهو الحكم ؟؟
الي هو ابن سعود

[align=center]

اقتباس:

المشاركة الأصلية كتبت بواسطة احاسيس (المشاركة 276727) ماهو الحكم ؟؟ الي هو ابن سعود

لا والله يا عزوتي ماهو هو

حياك الله يالغلا[/align]

[align=center]

اقتباس:

المشاركة الأصلية كتبت بواسطة فواز الغسلان (المشاركة 276734) اقرب حل دعوة الشيخ محمد بن عبدالوهاب0 وش رايكم ياجماعة الربع000

رمعة طيبة مابه شك


لكن مالك لوا يالغلا

تحيتي لك[/align]

راع الذلول
صح لسانك الغالى

ورمعه ماهيش
لاتواخذن كانه غلط


ماهي صلاة التراويح
اللى امر بها امير المؤمنين عمر رضى الله عنه
ان تصلى واحياها من بعد الرسول صلى الله عليه وسلم


وتحيه لقلبك الغالى

[align=center]

اقتباس:

المشاركة الأصلية كتبت بواسطة عقاب النهار (المشاركة 276973) راع الذلول صح لسانك الغالى ورمعه ماهيش لاتواخذن كانه غلط ماهي صلاة التراويح اللى امر بها امير المؤمنين عمر رضى الله عنه ان تصلى واحياها من بعد الرسول صلى الله عليه وسلم وتحيه لقلبك الغالى

هلا والله بالشاعر

يالغالي هي حلاته بالرمعات الطائشة ههههههه

فـ اللي مايصيب يدوش:)

ويالعزوة مالك لوا

وللتوضيح هو شخصية معروفة

تحيتي[/align]

[align=center]

اقتباس:

المشاركة الأصلية كتبت بواسطة فواز الغسلان (المشاركة 277089) ماهو الخبيث راع الشعلا؟؟؟؟

خخخخخ

ولاهو الولد المزاوين اقصد اللبناني:)

لأ هو شلون سوى حركة غريبة في وقته وهالحين بسببها العالم

صار بالعلالي؟

تحسبن مثلك ما المِّح ههههههه

تحيتي[/align]