|
دستورنا يامال العوافي
©°°© دســتورنـا يامال العوافي ©°°©
مساكم الله بالخير اخواني ... ابصراحه ماودي اني اكتب لكم هالموضوع ... وماهو انتم اللي ينكتب لكم دساتير لكن الواحد ماوده يقصّر بأي شي . اغلبكم عارف القوانين او الأرشادات اللي ننصحكم فيها ... * ما تتصورون وش كثر افرح إذا شفت محاوله ... وانه الواحد حاول انه يكتب من فكره وقلمه * يعجبني بعد الحماس وخاصتن بالاعضاء اللي يحبوني واحبهم (( بدت الخنبقه )) لكن يضيق صدري لامن شفت واحدن منزل أكثر من موضوع باليوم ... كذا بيحرق المجهود اللي عنده .... وعشان تاخذ المواضيع الثانيه حقها من ردود الاعضاء ومشاركاتهم *حنّا في شلّة الصرقعة عموما ... كلّنا نمون على بعض ومانبي أحد يزعل من كلمه احد يقولها له او يقولها لأحد . اهم شي ياجينا هنا نوسع صدورنا ... ولا من خلصنا نطلع من المنتدى وكّلن فاقّن خشته اخوان . مانبي زعل * الصور اللي عليها روابط ياجمااااعه مانبيها تكفون لانه يخالف سياسة المنتدى واللي يبي ينزل صور ياخذ الصوره ويمسح الرابط اللي عليها وربي ماتاخذ وقت * مواضيع الشات ممنوعه ... يكون العضو تعبان وكاتبن موضوع وش حليله ويجونك أثنين مروقين وفاضين يقلبونها شات ... كذا حنا نزعل واللي يحتاج شي ... او يقصر عليه شي لا يستحي ترى ماعندكم الا اخوكم صندوق رسايلي يحتريكم هذي هي الاشياء اللي احب (( وكل الناس يحبون بعد )) انهم يشوفونها في هالقسم اللي معكم أن شاء الله بيرتقي لأعلى سلالم التميز واليد الوحده ما تصفق ... كلنا واحد وجايين لغرض واحد ولكم مني ومن مشرفين حارة الصرقعه كل الود والاحترام وصبّ القهوه يامحماس تخبصاتي |
[align=center]منذر ،،
يسعدك ربي حتى وانت تحط قوانين وشروط تحطها بطريقه مميزه ،،:) اتمنى أن اوفق في خدمة هذا الصرح الشامخ ،، اختكم شاادن ،،[/align] |
[align=center]معك حنى يامنذر
قوانين كلنا تجازوناها يوم من الأيام والكل راح يصحيح معلوماته وينفع المنتدى بشي لو بسيط وانا اولكم تشكراتي لك منذر[/align] |
[align=center]شعلة بيتنا الثاني منذر
ماذكرته عين العقل الله لايحرمنا من توجيهاتك النيره أنت فصل وحنا نلبس دمت لنا وللمنتدى ودام قلمك الموجه آآمنتك الله[/align] |
[align=center][grade="00008B FF0000 008000 000000 FF1493"]منذر
مشكور اخوي على هالموضوع و ان شالله نكون عند حس الضن حمامة السلام[/grade][/align] |
تسلمم على هالدرر ربي يوفقك اخوي منذر
صدقت بكل كلمه الله يعافيك يارب |
الله لايهينك على المشاركه
والاسلوب الطيب سلمت وسلم قلمك |
ياعساك للعافيه منذر الذوق
على موضوعك ماقصرت وفيت وكفيت |
تعال منذر ابحبك
وووهـ بس هذه طلباتك ابشر ماهي شي راح تعلقه برموشنااا تامر امر يحيي باردتن قهوة محماس خله يصخنه ويهيييله |
تخبصاتي
هههههههههههههههههه تسلم منذر ياعساك للقوه صحيح الي يزعل ماله مكان بالفرفشه |
تسلم مراقبنا الذوق على الكلام الرائع
يعطيك العافيه سهر |
[align=center]منذر الغلا
الله يجزيك خير على الدرر والنصايح والارشاداااات وان شاء الله الجميع ونحن نتقيد بها ونرتقي بهذا الصرح الشامخ تقديري[/align] |
سلمت لاهنت
منذر الله لايهينك على المشاركه |
كلام كلام عليه الكلام
ليت كل المنتديات كذا بتكون بدون زعل ولا مشاكل |
منذر من عيونا ولايهمك كل الي تبيه يصير
قهوة وتقهوينا بس نبي العشاء طال عمرك تحياتي المصرقعةلضحكةالمنتدى .. |
| الساعة الآن 02:46 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010