|
لغز((ماينقله ياكود خمسة رجاجيل))((حله راعيه الذيب))
[poem=font=",6,black,bold,normal" bkcolor="white" bkimage="" border="double,8,darkblue" type=2 line=0 align=center use=ex num="0,black""]
ابي انشد اللي عارفن بالتفاصيل=ويفرق قوايل شمسها عن ظلاله عن واحدن دايم جميل التعاليل=واليا كبر عمره قليلن جماله ماينقله ياكود خمسة رجاجيل=ولو غاب واحد صار صعبن مشاله[/poem] |
اقتباس:
معقول هاللغز اربع ايام مافيه واحد اقترب منه من الخرعه؟؟ عاد نور الدنيا معذوره لانها تسمكر توقيعها وانا شفته واقف بكراجات الصملي علشان يغيرون صبغته لكن وين الباقين ياملا الهشله 00 |
ههههههههههههه
ماههي خرعه ولكن نفكر ونمشي نويت اقول النعش ولكن ماتوقعه |
جاري التفكير
والرمعات سماويه اخي راوينا فواز تقبل مروري واحترامي |
[align=center]
اقتباس:
لا ابشرك سكروا الورشة على التوقيع:) ابوفهد شرايك بالجوال هو اللي زين التعاليل ويشيلنه خمس الأصابع واذا غاب واحد من الأصابع صعب استعماله هاه وش قلت؟؟؟ [/align] |
هيبة ملك 000وضاح000نور الدنيا هلا وغلا بكم جميع 00 وقولي زين التعاليل يعني غالي ومحبوب وسوالفه حلوه مدامه جذع مثلي كذا واذا كبر عمره يختلف شوي هذا معناه 00 مالك لوا يانور الدنيا حاولي مره اخرى 00 وتذكرت لي ابيات قديمه لي ماادري ليش طرت علي وحبيت احطهن لكم00 [poem=font=",6,darkred,bold,normal" bkcolor="white" bkimage="" border="double,7,darkblue" type=2 line=0 align=center use=ex num="0,black""] شلعت الحشى ظالم وأنا ساكتن مظلوم=وتجرح ضعيف الحال يالحاكم الجبار ولا تبت من تركك جريح الهوى مسموم=وهو مدخلك وسط الحشى طايعن مختار ولا كنت أحسب أني رخيصن معك بالسوم=وأثاريك ما عندك لقلب العناء مقدار أنا مكسبي من حبكم صار قل النوم=وقلبن نزف دمه عقب طـعـنـت البتار قضيت الليالي لاجلكم ساهرن مهموم=مع انك رقدت الليل غافل عن اللي صار تسيل المدامع من قهر خافقن مكتوم=اذا ماذكرت خدودك اللي تقل جمار غدى خافقي طيرن عزيزن خذاه الحوم=وراعيه ينشد سارح الطرش والدوار رجمت الحشى من قبل لا تنذر المرجوم=وحكمك صدر ظالم على خافقن محتار رميتن بوجه البرد عاري بدون هدوم=بوجه الهبايب لا مذاري ولا من نار حسافات ياقصرن بنيته غدى مهدوم=جداره عقب ما ناش غيمك وقع وانهار [/poem] |
[align=center]
صح لسانك يابو فهد اممممممممم والله مدري يمكن لاعبين الكورة وهم صغار وش زين لعبهم واذا كبروا الواحد يبي يشوت الكورة ويشوت الأرض:) ههههههههههههه اقول مافيه مساعدات؟؟:) [/align] |
مساكم الله بالخير جميعاً
وش رايك بالعود (الوتر) |
هلا نور والنقاوي حياكم الله ومالكم لوا يالعزوه 00 النقاوي وين هالغيبه فقدناك يالغثيث؟ نور انا اذا رشمت الكوره بالجدار يطيح طين من الجدار لاني اشوته حمو حيلي يعني ماني كبير توي صغير 00 |
اقتباس:
الجواب هو ( الزواج )00 والخمسه الزوج وولي البنت والماذون والشاهدان00 وهو اللي اوله حلو وعقبه يخرب شوين ويمكن كثير ونوب يتبربس00 |
[align=center]
اقتباس:
صح لسانك يابو فهد خوفتنا ياشيخ >>>متحسفة انها ماحلته:):) [/align] |
| الساعة الآن 05:59 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010