تركت مطارد المقفين وانت ارحل بحفظ الله
 

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
تركت مطارد المقفين وانت ارحل بحفـظ الله=مـدامـك بعـتـنا بالرخص حـنـا بالـغلا بعناك
واذا قصدك عـذاب القلب رد الظـلم عند الله=لاني ماسهـرت الليل بـغـبـون الـقـهـر لولاك
اخبر اللي يـبـي غـاليه مايسمع لخلق الله=علامك طـعـت شـور اللي بهـجري يالـغـلا دهواك
يضيع اللي مع احـبـابـه يطـيـع هروج جـند الله=لان الـلـي وشـى فـيـنـا اذا جـت ضـيـقــتـك خـلاك
وغـيـب الـعـمـر يـخـفـانـا وسر الغـيب علم الله=ولـو نـدري بـنـيـرانـك وظــلـمـك كـان مـاطـعـنـاك
تحسب انك بهجـرانك تحرم القلب رزق الله=وربـي يرزقـن غـيـرك ومـع طـول الـمـدى ننساك
عشقـتك عشق لـو تـدري بكثره قلت ماشالله=وعـقـب الجـرح صار القلب ياظـالم يـبـي فرقاك
جرحت القلب برمـاحـك وسامحتك وحق الله=وحـمـدت اللي فـتـح عـيـنـي لقانـون الهوى واعـماك
فراق الخـلق مـسنونه ويبقى بـس وجـه الله=ولكن صـعـب تلقى لك حـبـيـبـن مـثـلـنا يهواك
انا مااطارد العايـف ودون الهون ذكر الله=ولاتـفـرح بـدمـعـتـنـا ولو عـشـنـا عـلـى ذكراك
احسبك لانظرت الجـرح في قـلـبـي تخاف الله=وتـرحـم خـافـقـن يـنـزف برمحـن جاه من يـمـناك
رحـل قلبي على نغـمـة مفارقنا بامان الله=سـلام الله عـلـى قـلـبـك من اللي طـاح فـي بلواك [/poem]