ياللي غرامك بالضماير باقي
 

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]


يالـلـي غـرامك بـالـضـمـايـر بـاقـي=صعـبـن على عـيـن السهـير انكـاره
وش فيك تـرمـيـنـي بـنار اشواقـي=وتـشعـل بـمـعـلـوق الـضـمـاير نـاره
اكـتـم جـحـيـمـن يشتعل باعـمـاقـي=والـكـتـم يـرفـع بالـخــفـوق اضـراره
ياعـين ريـمـن فـي دفــى مشراقـي=في فيضة(ن)تشرب حـقـوق امطاره
فـيـها زهـور الريـف عـشـر ارنـاقـي=تـجـذب لـمـشـتـاق الـحشى تذكـاره
تــجــفـل بـضـوح الــراعــد الـبـراقـي=يـازيــن وصــــف عــــيـــونــهــا لاذاره
تــخـاف طــلــــقـة بــنـدق الـتــــفــاقـي=والــمــوت تــحــت زنــادهــا لا ثــاره
تـطـلـق من الرهـبـه نـحـيـل الساقي=وتـبـعـد عن دروب الخـطـر مشواره
او عـيـن حــر(ن)يـنـزل الـمـطباقـي=ويـنـقل بـمـخـلاب الكـفوف اخطاره
يكـفــخ جـنــاحــه بالـهــواء خـفــاقـي=واهوى عـلـى روضـن تـفـوح ازهـاره
وادلا عـلـى خــربـن رمــاه اشـلاقـي=وكـل الــحـــبـاري عــقــــبـهــا ما طـــاره
بكـفـوف شـيـخ(ن)بالـخـلا مشـفـاقي=والــصــيـد وسـلــوم الـمـراجــل كــاره
لاشاف صـدره بـالـمـديـنــه ضــاقــي=وعــاف الـعـمـايـر والـفــلـل واســواره
والبـنـك فـيـه مـن الـرصـيـد اطـبـاقـي=الـلــي كـثـار(ن)بـالـيـمـيــن اصـفـاره
يـطــلــع لـــروضـن بـالــروايــح فــاقــي=مع طـيـره الـلــي عـارف(ن)مقداره
مــابــات بـديــون الــمــغـــــثـــه شــاقــي=ولا طـــالــــع الــــديــــان يـزبــن جــاره
ولا ثـــار هــو وام الـــعــــيــال خــــنــــاقــي=واصـواتـهــم تـاصـل جـمـيــع الـحـاره
يـانـــور عـــيـــــنــي يـاحــــلات اذواقــي=يـاجــنــة الـخــافــق وطـيــب اثـمــاره
ان كــان قـلـبـك مـثــل مـانــي هــاقــي=وباقـي على عـهــد الـهــوى واسـراره
فـالــبــعــد يـرمــي خــافــقــي مـنـعــاقــي=والــروح تــرجـــي يـالـغــلا مـسـيـاره
وان كـنــت تــنـوي هـجـرتــي وفــراقـي=واعـطـيــت قـلـبــي في هواك انـذاره
فـالــراس يـبـقــى فــي نـبــا شـوهــاقــي=مصيـون عـن لـفــح الـهــواء وغـبـاره[/poem]