|
۩۩ 24/9.. مع الحكواتي ..} م ح م د ال شمري { ۩۩
http://up.qatarw.com/get-8-2008-qatarw_com_h07nw78f.gif }{ 24/9 }{ نرى في مساء اليوم نسيم عليل .. حكواتي الليلة *۩* م ح م د ال شمري *۩* فـل يتفضل في صدر المقهى .. للجلوس على كرسي الحكواتي .. .. بتوفيق له .. http://up.qatarw.com/get-8-2008-qatarw_com_mo8ii2mp.bmp |
[align=center]أهلا وسهلا
حياك الله اختي الفاضلة هايدي على استضافتي معليش ان شغلنا باغراض العيد تاخرت عليكم العذر والسموحه المقالب كثيرة لاكن ابي اجيب لكم سالفه جرت علي ما انساه بحياتي يما اموت . الله يعينكم علي عام 1985 م جري علي يوم اسود جيت الحايل اجازة عيد رمضان عيدت عند اهلي شهر كامل خلصت الاجازة مشيت للعمل العمل وين بالخفجي موضف بشركة الزيت العربية المحدوده( اليابانية) الحاصل طبيعتي انا ما امشي الا مع الغروب بالليل احب السفر بالليل النهار لا يمكن امشي شبـر واحد. المهم مشيت من حايل بعد صلاة المغرب سلمت على اهلي وادعتهم توكلت على الله وصلت القصيم بالليل طريقنا اول غير ندخل القصيم مع وسط السوق يوم تعديت جامعة الامام طلعت القصيم ابي اتجه لزلفي على المفرق فيه محطة بنزين اللي تفرق لعنيزة والرياض تعرفون المحطه الله لا يعيده من ساعة عبيت بنزين ورحت للبقاله نزلت ابي اشتري اغراض السيارة طبعا مفتوحه مثل العاده السويج معي خلصت من البقاله المحقى ومشيت على باب الله ما عندي من الشيطان طاري ابي الزلفى و من الزلفى على الرطاوية على حفر الباطن والطريق عارفينه انتم. اكيد سافر عليه كثير منكم. الحاصل المسجل يرجس على آخره ارزف معه الحالي يوم مسكت طريق الزلفي الطريق خط واحد واظلم يمر على مزارع مشيت بعيد طريق مافيه ولا سيارة وليل وظلام عقب ساعه تصادف لك سيارة وحده المهم؟!!! سمو بالرحمن ما حسيت الا الشئ ورى ظهري امتغيب بالمرتبه وري ومخمر لا والله احس بإنفسه برقبتي بس مادري وشو شئ اسود ما اشوفه زين ما اقطع عليه لا كن فيه احد وراي وشو مادري .. هالحين تذكرت حليب امي اللي شربته من هالسنين اعرف اطعمه بس بزعمي ان هذا مر زي العلقم من الخرعه والموت الحمر . يوم قال الموت تجود والله يا اخواني وياخواتي ان احس انفسي ما يرتفع فوق والله احسه من تحت يطلع من الخرعه المشكله ما معي اسلاح ولا احب اشيل السلاح ذا ك الوقت اتعوذ من الشيطان هو ما تحرك ابدا بس احس فيه احد على المرتبه ابي اطالع عليه من المراية ما اشوف بالليل ظلما ارفع انظر شوي الخوف و اعظامي تنتفض والله بعذري اطالع شوي اشوف وراي سيارة بعيده حيل ابي اخفف السرعه شوي ابي نور السيارة اطالع عليه مع المراة ابي اشوف وشو ياجماعه وش اشوف شفت بالله عليكم شوشه رجال والله مثل شجرة الطلح طايرة فوق وش البلشة مادري وش اسوي والله مالي حيلة ابدا ابدا. اسرعت شوي يمكن اصادف احد متعطل بالطريق او اي شئ احصله المهم يوم بقى على الزلفي حوالي 15 كيلو يوم الله كتب لي نجاه والله فكني منه والقى على جانب الطريق جيب شرطه دورية صافطين على جانب الطريق جالسين بالارض واللاسطبات والعه عندهم ترامس شاهي وقهوة يتقهوون والله ما فرحت على الله اني اشوفهم واحرف السيارة صوبهم على سرعتي ابي ازبن عليهم . شوي والا توطيتهم ما شفتهم بالارض واحد زبن الدورية يوم شاف السيارة انحرفت عليهم مسرعه والثاني ما امداه هرب يسار والله العظيم يحسبوني ناويهم النية الشينة هذا اللي فكرو فيه انا من الخرعه وشفتهم فرحت المهم مسكت فرامل بغيت اقلب المهم وقفت السيارة وانزل من الموتر طايرعليهم ركض حافي والله لا شعوريا العسكري طلع الملوي الرشاش بزعمه يبي يخوفن ونا خايف بليا وش فيك يارجال والله ياجماعه اشر لهم بيدي على سيارتي اشار منعقد الساني ما اقدر اتكلم ايقومن العسكري وش فيك يا ولد قم وشر له على السيارة راح ا لعسكري الثاني لسيارتي يبي يشوف وش فيها يوم ضحك والله تقطعت كبده من الضحك يوم نزل له شئ من سيارتي ياجماعه وش توقعون نزل شايب يخرع الجن طايرة شوشته وقذر وسخ لا بس ثوب اسود صوفي بالصيف شايب خبل سفيه ما يحكي اطرم ما يتكلم عمره 70 سنة داشر بالشوارع ماله والي الظاهر او تاركينه اهله المهم وشلون ركب سيارتي يوم اوقف بالمحطه ركب بسكات ولبد ورى ..؟ هذي طريقته يركب مع اي سيارة يشوفه مابه احد . وثري الشرطه عارفينه اسمه مقبل او عقيل ظيعته يعلموني الشرطه يقولون لا لقى السيارة اللي ما به احد ركب اتريلة او نيت دايم نلقاه وانزله على كلام العسكري يقول ياصل عرعر والرياض واحيانا الدمام والحسى ما يخلي مكان مع السيارات ما يدرون عنه يركب بالصندوق . انشافه احد نزله ولا يواصل مسيره . يحب يسافر ويركب السيارات بس ما يوذي احد . هذي قصتي اختصرتها عليكم ان شالله ما تمر على الصديق . تقبلو تحياتي محمد الشمري[/align] |
هههههههههههههههههههههه
ههههههههههههههههه لو هالموقف صاير لي كان تجمدت بمكاني :) شكرا اخوي على الموقف استمتعت ومت ضحك وانا اقراه :) يعطيك العافيه |
هههههههههههههههههههههههههههههه
والله لو مكانك والله لأستخف لا يروح عقلي بس مشاء الله عليك وشلون صبرت لين وصلت الدورية بصراحه موقف لا تحسد عليه |
هههههههههههههه
من جد قصه مرعبه وفي نفس الوقت مضحكه محمد الشمري الحمد لله على سلامتك وربي يعطيك الصحه والعافيه |
اقتباس:
اقتباس:
<< فاطسة ضحك :D بصراحة موقفك يخوووف مررره .. :eek: لو كنت بمكانك أتوقع أروح فيها .. بس كويس ربي قوى قلبك .. وعديت الطريق على خير .. يارب ما يتكرر لبشر .. وحمد لله ع سلامتك .. ربي يعافيك .. أستمتعت بالقصة المرعبة والظريفة .. شاكر لك من القلب .. لقبول الدعوة .. طاب يومك . :3ab8a0c27b: |
ههههههههههههههههههههههههههه
والله موقف لا تحسد عليه لو مكانك يمكن تصير علوم ما تحمد عقباها الله يستر من المواقف الي زي كذا يعطيك العافية |
ايهو موقف مروع بصراحه يالعزوه لو انا مكانك نزلت والسياره تمشي الف
يعافيك يالعزوه على القصه |
لو أني مكانك كان جاتني جلطة من الخوف
تسلم ع الموقف دمت في حفظ الرحمن |
يماااااااااااااااااااااااااااااااااااااااااااااااا اهـ بسم الله
والله خفت ..ماشاء الله عليك قدرت تصبر ههههههاي لو انا لاتجمد واصارخ لين يخلص صوتي وباجلس ابكي وابكي الين تخلص دموعي يمه باشيب والا اقولك باموت صدق من الخوووف<<كل شي تخاف منه وبعدين يوم عرفت انه انسان موب بسم الله هذاك الشي كان عطيته كم مخمس عالكيف ثاني مره مايستهبل يمه اححس لو انا موب عارفه امشي بتنشل حركتي كلها<<تتنافض من الخوووووووووووووووف محمد وربي ماشاء الله عليك ايمانك قوي قدرت تصبر15 كيلوو ياربي مو متحمله تخوف مرهـ قصتك مالومك يوم ماتنساها ابد محمد ربي يسعدك ويبعد عنك اللخوف وعنا جميع هايدي مشكوره قلبوو وربي يعينك |
مشاءلله وش هالقلب
والله لو منك لابكي محلي ليييييييييييييييييييييييييييييييييين تشرق الشمس |
موقف ما تنلام عليه بصراحه
الله يعطيك العافيه |
ههههههههههههههه
انا لله وانا اليه راجعون والله لو انا منك كان الى الحين وانا اضربه الحمد لله انها جات على كذا والف شكر |
اقتباس:
مشكورة على مرورك اقتباس:
اقتباس:
مشكور على مرورك لا خلا ولا عدم اقتباس:
مشكورة على مرورك واطرائك اقتباس:
مشكور على مرورك اقتباس:
ههههههههههههههههه مشكور على مرورك اقتباس:
مشكورة على مرورك اقتباس:
ههههههههههههه مشكورة على مرورك واطرائك اقتباس:
محشور حشرة بس ههههههههههههههه مشكور على مرورك اقتباس:
ههههههههههههههههههههههههه مشكور على مرورك اقتباس:
يد تطلقه خير من تمسكه هههههههههههههههههههههه مشكور على مرورك |
| الساعة الآن 03:50 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010