منتديات بعد حيي - المقلب12 مع عقاب النهار

[align=center]
السلام عليكم ورحمة الله
شلونكم
لاتنسون تصومون بكرا<<<علمي روحتس:D

المهم صيدتنا اليوم
اخ عزيز علينا وشاعر كبير
الشاعر

http://www.b3b7.com/vb/image.php?u=5...ine=1223933352
عقاب النهار

تعالوا معي نشوف المقلب<<<أحلفي:D
[/align]

اقتباس:

المشاركة الأصلية كتبت بواسطة نورالدنيا

السلام عليكم ورحمة الله وبركاته
شلونك ابو ضاري
ادري بستغرب هالرسالة
بس انا شاورت كثير بنات
ومحتاجة لشور تمساح:)
وانت انسان رومنسي واحس بتفهمني
الحكايه هو ان اهلي يبون يغصبوني على ولد عمي
وانا متعرفه على واحد عن طريق النت من سنتين ومستحيل اتزوج غيره
ولاادري كيف اقنع ولد عمي انه يصرف نظر عن الموضوع؟؟
امانه ماأبغى جنس مخلوق يشم خبر عن هالرسالة
واطمع بنصيحتك اخوي الغالي:3ab8a0c27b:

اقتباس:

المشاركة الأصلية كتبت بواسطة عقاب النهار

حياك اخت نور والموضوع مو سالفت رساله
لان الكلام به اعطاء الذمه

تقديرى

اقتباس:

المشاركة الأصلية كتبت بواسطة نورالدنيا

هلا فيك اخوي عقاب
انت علمني بس وش رايك؟
وش اسوي؟؟

اقتباس:

المشاركة الأصلية كتبت بواسطة عقاب النهار

والله انا مدرى من وين ابدى
اولا اهلك لايمكن يجبرونك وان اجبروك
مابها طب هذى وثانيا انا انتقد الحب اللى سنتين
وعن طريق نت وينه ماتقدم وهل عرفتى اساسه وحياته
والا من الكلام وهات يحب حسافه وانا اقول كبيره على الامور هذى
الرجل الصادق ماينتظر سنتين وش صابر عليه يدرى الطيور بتطير بارزاقه وبعدين ثقى لو تزوجتيه باى لحظه زعل راح يذكرك بالنت
وانتى عارفه مجتمعنا الا ان كان جارك او من جماعتك وتبخصينه اسكت بعدين انتى ابى منك الصراحه اكيد علمتيه وش ردة فعله يوم سمع الخبر لانه يمكن انك على اتصال معه
وش يقول الحل بنظره ابى ردة فعله وش كانت قراراته

اقتباس:

المشاركة الأصلية كتبت بواسطة نورالدنيا

اكيد انا قلت له وهو ماعنده مانع يتقدم
بس عنده شويه ظروف
بس تخلص هالظروف بيتقدم
لكن المشكلة اهلي بيحددون الزواج بعطله العيد
وانا تعبااااانه نفسيتي بالحيييل

وعن قولة اني كبيره على هالسوالف
الحب مايعرف كبير وصغير يابو ضاري

اقتباس:

المشاركة الأصلية كتبت بواسطة عقاب النهار

ماقصدت العمر يا دنيا قصدت العقل والتركيز بحزم الامور
لكن كان فى اهلك من اخوانك متفهم يكون هو اللى يروح لابن عمك
ويفهمه بركاده الزواج مو بالغصب وانت عون لبنت عمك مانت اخذ بنت مالها رغبه بالزواج وحاسبتك حسبت اخوها لكن
ارجع واقول توكدى من ابو سنتين احس او اخاف انك تروحى من ولد عمك وهو يبقى يدعى بالظروف

اقتباس:

المشاركة الأصلية كتبت بواسطة نورالدنيا

اقتباس:

توكدى من ابو سنتين

وش قصدك يابو ضاري:093:
هذي جزاتي اللي استشيرك وتروح تشكك بحبيبي
ترا ماأسمح لك
<<<تبكي:112:

اقتباس:

المشاركة الأصلية كتبت بواسطة عقاب النهار

يادبا مو شك
خايف يكون مايوفى معاك
وتصير لك نكبه طول عمرك ماتنسينه
ودى لو عرفتى خوافيه مو كلامه معك
اسالى يالغلا ترى الحب اعمى وربي
وانا معك مو عليك

اقتباس:

المشاركة الأصلية كتبت بواسطة نورالدنيا

يعني للحين مصر على كلامك؟؟
اسمح لي اقول لك انك

كنت ضيف رائع جدا معنا في برنامج صااادوه
والموضوع كله كان مقلب
ترقبوووه قريبا في قسم الأعضاء:000:

اقتباس:

المشاركة الأصلية كتبت بواسطة عقاب النهار

مصيبه لما يكون الحوار جد ويطلع لعبه منك نور
عاد لى فتره غايب وبغيب بعد
الله يرجك اقول
مع السلامه

[align=center]

اقتباس:

توكدى من ابو سنتين

هههههههههههههههه
وربي متت ضحك على هالكلمة:D

ابو ضاري
الله يسعدك ياخوي والله اني ماأستاهل خوتك
ولايمكن نستغني عن وجودك
والعذر والسموحة منك:3ab8a0c27b:
[/align]