براس بروازه
 

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,8,black" type=2 line=0 align=center use=ex num="0,black""]
يابـو ثـيـاب(ن)يشوق العين تـطـريـزه=وتشفط عروق الخـفـوق بـراس بروازه
قـلـبـي ضـعـيــف الـيــا بـانــت بـلالـيزه=كنه رصاص(ن)يجي من خـشـم خـرازه
حبك رمى الروح في ظـلـمـة دهـالـيزه=من يـوم حـطـيـت بـالـبـيـبــان مـجــلازه
حكـمك بذبحي سرى من قبل تـمـيـيزه=وشبيت نار(ن)سـقاه الوقت من قـازه
ليتي على اللـي كـمـل صنـعـه وتجـهـيزه=مـزبـان نـاس(ن)ورى الحـديـن مجـتـازه
جيب(ن)نـقـل نـمـرة الجـمرك وترمـيزه=من مصنـع(ن)حـاز تـاج الـصـنـع بانجازه
زادوا بـلـــوفـه ثـمــان وزاد تـعـجــيــزه=وزادت عزومه بـرمـل الطـعس لا هازه
طنـخـة عـزيز يـزيـد الجـيــب تـعــزيـزه=لا هـز فـوق الـطـعـوس الحـمــر هـزازه
يدعس بـروس الاصابع عـقب تـقـزيـزه=لـيـن الـتـوانـك تـشـوت الـنار بـاهوازه
ما سال زيـته عـقــب غـســله وتـقـريـزه=صنعة عـقــول تـهـيــل الـعــقـــل بـألـغـازه
ولا هـاب راعـيــه بالـطـلـعــات تغـريزه=ولا لـه بـالاسواق لا مـطـلـب ولا عـازه
يـفـزع لـرجـل(ن)فـقــد عـقـلـه وتركـيزه=يـشـكـي وروحـه لشوف الـزين معـتـازه[/poem]