راكب اللي مابدى فك سيفونه
 

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]



راكب اللي مابدى فـك سيفونه=والـمـراتـب تـوهـا في سـفـايـفـها
ماظهر بالـمـرتـبــه شق حاسونه=وقامت الوغدان تنثر نتايفها
جيب لكسز مامشى رقم طبلونه=قبل شـهـمٍ مايـداري حـسـايـفها
ابـيضٍ يـشهد له اللـي يـسـوقونه=سرعـتـه تشـبـه رصـاصة قذايفها
او قـطـاةٍ ذارها رمـي قـبـســونه=اوجست رمـي القنوص وحوايفها
مصـنـعـه دبـل بـلـوفــه وبـنـيـــونه=والـدبـل جـاهـز لساعـة كلايفـها
والبواجـي طـقـم للـقـدح موزونه=لاجـل تـقـدح فـي خوافي لحايفها
كالـنـسـايـم بالـسـحـر بـرد فـريونه=او ريـاحـيـن الـفـيـاض وهـفايفها
والـمـراوح كالـسـكاكـين مسنونه=او سـيـوفٍ تلـتـعـج عند سايفها
كل قـيـراتــه بـالاوراق مضـمـونه=ختم عشر سنين يـضـمن تلايـفها
ولا طوى بالهـوز لـفـة شطرطونه=وهاب وعـرات المطـاليع خايفها
والشـحـوم بكل الاكـواع مخزونه=والـبـسـاتـم كـامـلاتٍ وظـايـفـها
والـتـوايـر فـي مـسـاريــه مامونه=مابـدت نـثـر الـسـلـوك ولفايفـها
توضي انواره من الغاز مشحونه=عن تلاصـيـق الـهـنـود وهدايفها
ولابدى يـنـثـر مع الدرب كربـونه=ولاحمل من نمرة الشاص زايفـها
وفيه طقم اسبـيـر جاهز بكرتونه=عن مغـثـات الـعـطـال وكـسايفها
يعجبك حـسه تقل حس مزيونه=من هروج العرس تومي ردايـفها
ودها بالـزوج لو شاحـت متونه=وودها لو هو مع الكرت ضايفها
بالـهـواء والـهـون يـبـرم دركسونه=وعن ثقيل الـطـار يـبـرم خفايفها
العرب لو تـنـتـخـي مايـطـوفــونـه=لا دعـس يرقـى بـعـالـي نـوايـفـها
مع ديـارٍ بالـخـلا غـيـر مسـكونه=مع دعـاثـيـر الـنـفـود وشـعــايفها
او خـطــوطٍ عـسكره مايـردونــه=ولايـهـاب من التـواريخ طـايـفـهـا
لاجـل مايـقــرى نظامه وقـانـونـه=او تجيك من السوالف جـنـايـفـها
يطوي اصناف المواتر على هـونه=يـشـبـه ذيـاب الـنـفـود وهـرايـفـها
للـعـنـود اللي حـلا الـخـلق بـعـيونه=والحــلا الـذابــح بكـامل وصايـفـها
غصن موزٍ يشرب السيل بـمـزونه=لا سـمـيـن ولا شكـت من نحـايفها
هـرجـهــا فـيــه الـمـعــالـيــق مفـتـونه=كالجــواهـر يـوم تـفـتـــح صــدايـفها
اصبحت شهب الطواريق من دونه=لو تبي طرش العرب ماانت شايفها
واشقى اللي يسكن السـهـر بجفونه=فــز عـن لـيـن الـمـفـاريـش عايـفها
لو كـتـم جـرح الـهـوى باح مكنونه=عقب من سال العـسل في شفايفها[/poem]