ترسل صواريخ الحشى راجماته
 

[poem=font=",6,orange,bold,normal" bkcolor="black" bkimage="http://www.b3b7.com/vb/mwaextraedit2/backgrounds/8.gif" border="double,4," type=2 line=0 align=center use=ex num="0,black""]
ياللي لابن غسلان بالصوت ناديت=الـبــوك والـــم والـقــلــــم فـــي دواتـه
وبالطرس من زين التماثيل خـطـيت=قـافٍ يـعـيـش ويـشـتـهــر مـع رواته
ومن نـبــع جـزلات الـقـوافي تنـقـيت=تصـلـح لـرجــلٍ حـطــهـا فـي وصـاته
ياما خذيت بجزل الاشعار واعطيت=وجـمـعـت حـاضـرها عـلى ماضياته
وان هاض جـاشـي بالمثايل وسميت=تـرسـل صــواريـخ الحـشـى راجـمـاته
لو مارفـعت الخـشـم فـوق وتعاليت=ولو ماطـلـبـت الـنـاس عند امسياته
ماجيت صـفـحـات القصيد وترجيت=من شـان تـنـشـر لـي على واجـهـاته
او قلت ابي لون ومساحه وتوقيت=من شــان تـوضـع جـنب صورة فتاته
ماهـي نـفــاق ولا مـزوح وتـنـاكـيت=نـخـتــار بـعــقـــود الـذهــب غـالـيــاته
نطـيـت في راس الـطـويله وراعـيت=ارقـــب طـروش الـبـــاديـه فـي فـلاته
وذكـرت ضحكات الطفوله وسـجـيت=وقـتٍ مـضـى لـي مـثـل سكـر نـبـاته
يوم اني ألعـب غافلٍ في ذرى البيت=طـفــلٍ صـغـيرٍ فــي بـدايــــة حـــيــــاتـه
ألـبـس مـع الـبـدلـه فـنـيـله وجـاكيت=ونـنـحـت جـميل حـروفنا في صـفـاته
الـطـيــن كـنــه فـي عـيــوني جرانيت=وطوله شـبـيـه الـسـحــب مع ناطحاته
وان ضـقت شلت السامريه وغنيت=ولاكـنـت اعـرف الرقـص مع مطرباته
ولا غاب نور الشـمس نمت وتغـطيت=ويازيـن نـومات الـشـتــــاء في مـبـــاته
واليا بدى القاطر من السقف فزيت=والــرعــد نـسـمــع بالـسـمــاء مـرزمـاته
فــي غــرفــةٍ مـابــه زوالــي وموكـيت=وعــش الـطـيـــور بـسـقــفــنــــا بـانـيــاتـه
ونور السراج وشعلـتـه داخل الزيت=وما اعرف وسط القيظ كـنـديـشـنـاته
الـعـصـر لاشـفــت الـمــدرس تخـفـــيـت=اخــاف بـالـطـابــور لـسـعــة عــصــاته
وياويل من ياخذ من البيـت كـبريت=او ماكـتـب قـــبـل الـمـســاء واجــبــاته
مانـعــرف الاسـهم ولا فـيـه تصــويت=ولا كـــورةٍ شــــاشـــــاتـنــــا نــاقــــلاتـه
ولا حرب واشـنطن ولا نفط تكريت=ولا قــصـف صــاروخٍ عـلــى بـارجـاته
ولا عـنــدنـا مـوضــه وقـصـــة تـوالـيت=ولا نـلـبـــس الـلــي عـجـزنــا لابـســـاته
ولـو نـمـت مـع جـاراتـنــا ماتـعـديـت=ولاداج فـكــر اجـــيـــالــنــا مـفــســــداتـه
والياظـهـر شـي من الـبـنـت صـديـت=ايـضـــا ولا بـالــبــال بــوســــة شـــفــــاته
في مـنـهـج الـفـطره نـشـيـت وتربـيـت=والـمـجـــتـــمــــع مـا حـــاســـتــــه جـالــيــاته
والـيـوم من بـعض الـطـواريـق مـلـيت=والـقـلـب يـرجـي خـالــقـه فــي ثـبــاته
يـامـا تـعـبـت ايــام عـمــري وقــاســيت=وفــــاتــت وقـوتٍ مـاهــــقـــيـــنــــا فـواتـه
مـا كـــل رجـــلٍ يـنــــفــــعـــك لا توازيــت=وش عـــاد لو نـقـش الذهب في عـباته
كم عـايـشٍ وسط الخــلايـق تـقـل ميت=وان طـحـت تـشـكـي ثار ذم وشمـاته
وش عـاد لـو يـمـلك من المال وانـيـت=كـــم تــاجـرٍ مـافــــاد حــتـــى خـــواتـه
وكم واحـدٍ ما له بـوسط العرب صيت=لــه فــزعــــةٍ لـلـروح تـجـــلــــب نـجــــاتـه
ياقــف معك لا ضـاق بـالك وعـانيـت=وان مات قـبــلك يـفـجـعك فـي مــمـاته
مـحــدٍ يـحط الـذيب في شبك خرتـيت=وراع الـنـقـــى واللي يــراود حــمـاتـه
وازبـن لراع الـطـيب لـو كان عـفـريــت=ولا الـعـفـن لو بان الخـشـوع بـصـــلاته
واحــذر طــعــام الـعــفـن لــو ماتعـشـيت=يـقــعــــد سـنـــيـــنــه بـيـن رده وهـــــاته
واحذر تـقـول لـمــا مـضــى العام يالـيت=وعلـيــك بـالـلـــي ترجـــمـك قـــاذفــــاته
وان مـاتـحـمـلت الــخــــلايــق وداريـــت=خــــل الــــعــرب والا تـحــــمـل قــــنــــاتـه
وصعبٍ تصـيـب ان ماتعلمت واخـطيت=والـخــلـق زلات الـخطا مـن صـفــــاتــه
بـس الـمـصــيــبــــه لا غـلـطت وتـمـاديت=هــذي عــــلامـــات الــــدبــور وســمــاته
وان جـيت موج الكبر طـحت وتـرديـت=ومـحـــدٍ يـحوش الـعــلم لاشاف ذاتـــه
وخـــويـــك الـلـي بـالــطـواريـــق خـاويـت=مادمــت قــــاوي لا تـنـوشــه عـداتـه
تــر خـــوة الــهــــافــيـن عـلـقـم وحـلـتـيـت=وراع الـندى يـشــبـه شــواطي فراتـه
وصــديـقـــك الـلـــي بـالـمـخالــيـق صافيت=احذر بـسـاعة غـــيـظ تـكــسـر نـواتــه
وان كنت من كـلـمـه عـن الـناس صديت=كـــل الــرفـاقــــه راح تــنــثـر شـــتــــاته
وشـلــون فــارقـــت الــرفــيــق وتـهـقــويــت=والـخــيـــل مـاتــزهـى بـلـــيــا قــطــــاتـه
وكـان انــت مـن زيـن الـغــنـاديـر حـبـيت=ريـــم يـهـــيـــلك مبـسـمــه فـــي حـــلاتــه
ان ماكـسـبـت الـزيــن قـمــت وتــبــاكـيت=وتـعـيــش ضـيـعـــات الـزمـان وقـســاته
وان حــزتـهــا صـــارت حــيــــاتـك تـنـاهيت=تـخــــاف فـقــــدانــــه وجــمــــرة جــفــــاته
ولو شـفــت غـلـطـــات الـحـبـيــبــه تعاميت=ويـاويـــل رجــــلٍ والـمــهــــا ســايـقــــاته
وان طـعت مـيـثـــاق الـحـبـيـبه تـدربــيــت=وعـنــد الـرضــى لاقـال زادت غـــلاتــه
هي صـــادقـه مـثـلـك اذا قـلـت واوفـيـت=بـس الـضـعـيــفــــه دوم تـوخــذ كـمــــاته
تـنــهـــار وانـــت لـجــــمــــة الـــبــــيــر ولــيــت=ومن مـات بالـعــشـــاق هـــذي سـواتـه
ولا يـنـفـــعــك لو ضــاق صـدرك وونـيــت=راحـت لـرجلٍ مـاحــذف لــه حـصاتــه
لا ذقـــت خــيــر ولا تـركــــتـــه وشــديــت=ولا راح تــربــح لــو تـعـــيـــش بــرجــاته
ومن عاف دربك ماذكـر ويـش سـويـت=خــــلــه ولا تـمـــشـــي تـراجـــي رضــــاتـه
واحـذر حـبـال الـغــدر كان انت عـاديت=واتــبــــع رفــــاع الـفــعــل عـن سـافـلاته
واستر بـنــات الـنــاس لا شفت واغـضيت=ولا تـنـشـــر الـبــهــتــــان في غـافـــلاته
وطـبــع الـبـشــر يـظـهـر مـتـى ماتـقـصـيـت=واتـرك كــلام الـنــاس لـو هـم ثـقـــاته
تــر غـيــرة نـفــوس الـبـشـــر تـقــل كبريت=وتـخـتــار مـن طـبــع الـعـرب ناقـصاته
والـنـقــص فـي كـل الـبـشــر كـان راعـيــت=وحكـمـك يجـي من جمع كامل صفاته
واسـتـــغـــفــر الـلــه كـان مـلـــت وتـعــديــت=الـلــي كـــرم جــــوده شـمــل كايـنـاته [/poem]