اشوف العرب ماترحم اللي وقع وانعاق
 

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
الا واهـني اللي قـضـى لـيـلـتـه ماضـاق=واذا ضاق يـلـقـى بـيـن الاجواد مزبانه
يـعـانـي جـروحٍ من رماح الزمان عـتاق=وغـيـــره يـغــــنــي لـيــــلــــتـــه دان وادانــه
اشوف العرب ماترحم اللي وقـع وانعاق=حـزينٍ يـعـانـي ظـلــم سـجـنــه وسـجـانه
مع انـه عـلـى درب المراجل وفـى ماباق=ولا بــار بـعـــهــود الـشــريـعه ولا خـــانه
وصار السعد حـظ الـذي ينقض الميثاق=وحكم الـعـرب مايـضـبـط الــعـدل مـيزانه
يـبـون الـذي لاشــاد بـيـتـه بـنـى منطـاق=ولا يـربــح الـلــي ثــابــــتٍ درب بـيــبــــانـه
والاجواد ماله عن هبوب الشمال رواق=ذراهــم لـمــن يـفـتـــح لـهــم بــاب دكـــانه
اذا شاف وقته مع عفون العرب ما راق=وشـاف الذي يـركــض بـزوره وبـهــتــــانه
يصوغ الـقـوافي في ضـمـيـرٍ يجـيـب ارناق=وكـل الـعـرب تـشـفـق عـلـى بـدع قيفانه
يـهـيـض الخـفـوق اللي لجـزل المثل سباق=واذا عاضبت يرسل على القاف شيطانه
واذا هـاض مايحـتـاج حـبر القلم واوراق=لأن الـمـشـاعـر تـنـطـبــع وسـط وجـدانه
الاشعار للي صاغ حـرفـه من الاعـمـاق=ويـلـقــى بـهــا راحـــة خـــفــوقــه وسـلـوانه
الا لـيـتـنـي طـيـرٍ بكـبـد الـسـمـاء خفاق=واذا ضــاق تلـفـح بالـنـسـانـيـس جنحانه
اذا بـان حـس الرمي من بـنـدق الـتـفاق=وشــر الـعـــرب داهـــم مـواكـيــر جـيرانه
كفخ عن ديار الهون من عالي الشوهاق=ولا ديــرةٍ فـيـــهــا الاجــــاويــــد مـنـــهـــانه
ولا يـنـتـظـر فـتـرة اجـازه وخـتـم اوراق=ولا الصيف حـتى يـنـتـهـي درس وغـدانه
ولا الـمـال والجـمـرك ولا رخـصة السواق=ولا عـسـكـرٍ تـنـثــر قـشـوشـه وشرطـانه
ولاارضى هوان الـنـفـس في لـذة المشراق=وابـي عــزتــي لـو تـمـرح الكـبـد جـيـعـانه
والازواد تحت كفوف الانذال ماتـنـذاق=والارزاق من رب الـسـمـوات سـبـحـانه
انـا ضـمـن خـلـق الله ورزقي على الخلاق=هـو اللي رزق دابٍ عـمـى فـوق ظـلـعانه
ولاارجي من كفوف البشر بالحياة ارزاق=وطـبـع الـبـشـر نـجـهــل مواقـيـت بـركـانه
الا واوجـودي وجـد رجـلٍ كـسير الساق=وقـع عـقــب صــولات الحـرايـب وفـرسانه
جـتــه من بـواريــد الـمـغـيره ثلاث اطـلاق=من كفوف من يضبط ضحى الكون نيشانه
عـقـب طـلـعـة الجوزاء تحت قيظها الحراق=تـقـول الـرضـم يـقـدح عـلـى جـال وديـانه
دهـورٍ ولا شـعـــشــع بـوديـــانـــهـــا الـبــراق=ولا داجـهــا الــرعــيــــان تـســـرح بـذيـــدانه
ولا غـيـر حـس الذيب يقـنب على المطباق=سـبـايــب عـنــــاه وجـور وقــــتـــه وحـقـرانـه
وسـود الافـاعـي من جحور الشقى تنـساق=وهـو يـدري ان الـمـوت بـاطـراف نـيـبـانه
وجـمـر الـعـطـش وسـط المـعاليق ماينطـاق=واذا عــاش مايـــامـن حـنـيــشــه وسـرحـانه
مثل حـالـتـي يـوم الـقــدم عــدت الـمـفـراق=وخـلـيـت من شادت على الـقـلب مسكانه
حـلا الـهـرج والـمـبـسـم وريـقه هو الترياق=مـذاق الـعــســل لا خـــالــطـــه حــب رمــانـه
وردفٍ قـبـس بـيــنـــه وبـيـن الـثـيـاب خناق=لانــــه طــــوى ثـوبــــه وفــضـح بـســيـقـانـه
وهـذا الــذي خــلا الـضـمـايـر تـقـع بـشـهاق=ورمـشٍ عـلـى عـيــنٍ مـع الـغــنـج نـعـسـانه
وعــطــرٍ يـفــوح بـفــيــضــــةٍ مـاوطــــاه نـيــــاق=يـخـلــط الـخــزامـى والـبـخـتــري وريـحـانه
لك الـلـه فـلا احسب الهـوى للحـشى سراق=لـمـا شـفــت قـلـبــي ضــايــعٍ وســط مـيــــدانه
حــدانــي زمــانــي والــزمــن لـلـعـــرب بــواق=رمـانـــي عـــلـــى كـــاوي غــرامـه ونــيـرانــه
تـرك خـافـقــي بالـصــدر يـومـي تـقـل معلاق=ايـا شـيـب عـيــن الـلـي شـكـى قـلــة اعـوانه
زمـى دون مـحـبـوبـي عــوايـق غـثـى وانفـاق=وظـــلـــمٍ تـعـــرف الـنــــاس رقـــمـه وعــنــوانه
زمــانٍ قـلــب ورد الـمـواصــل جـحــيــم فـراق=وخــلا عـيـــونــي تـقــضـــي الـلـيــل ســهــرانه
ايـا طـول لـيــل الخـافـق الـضـايـق الـمـشتاق=وفــي حــــالـــتــي صـــدق الــــدلايــل وبـرهــــانـه
سـقــى الله لـيــال الوصل وبل الـحــيى الدفاق=سـحـــابٍ يـغــيـــث بـدخــلـــة الـوسـم ريـضــانـه[/poem]