http://www.aldegert.com/vb/images/salaam1.gif



هذه قصيدة من القصائد الرائعة التي تحكي

مواقف الرجال في هذا الزمان ,

فيها من الحكمة والمثل الشئ الكثير

نثرها الشاعر الكبير مشفي بن حمود الجرواني الشمري

يقول :

[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
يالله ياقـاسم على الناس مدّك *=* أنت الــذي تقسـم معوشــة عبـادك

تـمـدنا من بـاب رزقك ونـدّك *=* عن الحرص والنــار نطلب بـرادك

يالعبد لاتبدي على الناس سدّك *=* بعض العـرب وده يجــود قيــادك

يمثّل بوجهك دور شخص ٍ يودّك *=* وبحكي القفا يسعى لصالح لهادك

حربه خفي ودايم الدّوم ضدّك *=* واليا حصل له فرصة ٍ فيك صادك

على الكلام الشين غصب ٍ يحدّك *=* يبحث خفاك بشرهته وانتقـادك

ولاتفتخر بأفعال عمّك وجدّك *=* وأنت الـذي ماعـاد يقـدح زنـادك

ياصار يقصر عن مردّه مردّك *=* ماينفعـك تنفيـخ طافـي رمـادك

تفخر بفعل ٍ ماتحقق بيدّك *=* تركب علـى كـور ٍ وتتـرك شـدادك

ترى المراجل وقفتك عند حدّك *=* وبذل الجهود لعصبتك واجتهـادك

وترى الكبر بأثناء مسيرك يلدّك *=* وتبلغ على ضو التواضع مـرادك

واللي بداء بالصد باده بصدّك *=* وعلى رفيع الشأن خـل اعتمـادك

اعنز على اللي ياطلبته يمـدّك *=* هوالـذي يكفـل شرابـك وزادك

وعليك باللي يانخيتـه يسـدّك *=* اللـي بحـزات اللـوازم سنـادك

لو كان مابده قريب ٍ لبدّك *=* يسوى القريـب اللـي يسـره عنـادك

ومجالس ٍ على النميمه تحدّك *=* أخيـر منهـا عزلتـك وانفـرادك

وبعض المواقف للكتابة تشدّك *=* تبحث خفي اللـي يكنـه فـؤادك[/poem]