عفى الله عن عينٍ جفى النوم موقها
 

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]

عـفى الله عن عين جـفـى النوم موقها=من الـعـام هـجـعـات الـمـلا ماتذوقـها
تراجـي بلـيـلـه هـجـعـة الـنـوم سـاعه=وهـجـس اللـيالي عن جـفـونـه يعوقها
هـجـوس الــذي مـن دون داره ودارنا=من الـبـيـد مايـجـدع مـنـاجـيب نوقـها
مـهـالـك ديار تـرمـي الـكبـد بالـظـمى=وتـنـشـف قواطـير الحشى في عروقها
ولا لاح براق الحـيـى يوضـي الـدجى=ولا بان نــوار الحـــيـى فــي فـلـوقـها
ولافاح ريـح العـشـب لا هـبت الصبى=وشـمـيـت فوحات الـنـفـل في عبـوقها
سوى القـشــع تذراه الهـبـايب الياذرت=بشـمــسٍ شكت حـمـر النجايب حروقها
وتخـلف قرانـيـسٍ مع الحــوم غـادرت=وضاعت عـن اللي فـك عـقــدة سبوقها
سبور العرب تـنـسـى هـمـلـهـا بجـالها=من الـيـاس ماتـرجـي بـشـايـر عـتوقها
وسود الجبال اللي زمــت دون صاحبي=وذيب الخلا يشكي عـنـى الجـوع فوقـها
فكـم قـربــة(ن)بسهـالـها تشكي العـطش=شكت لاهــب الجوزاء وبانـت شقـوقـها
فـقـولـوا لــدار الـظـلـم لاتـرجـي الحيى=اذا جـاعـت ايـتـامـه وضـاعت حـقـوقها
واذا صارت كـفـوف الاجـاويـد خـالـيـه=وبانـت طـواعـيـن الاســى في عـمـوقها
يـراجــي عـزيـزٍ راح ماعـاد يـرتـجــى=بجـيـلٍ نـسـى درب الـمـراجل وسـوقـها
فـيـا والـي الـدنـيـا ســق الـخـيـر للـذي=لوجهـك بـشـهـر الصوم نـشـفت حلوقها
ترحـم رجـالٍ تـدعـي الـضـيـف نارهـم=ورغـم الـقـسـى ماحـايـدت عن طروقها
ولاتحرم اهل الجـود بالـوســم لا دخــل=مـزونٍ بـتــال الـلـيــل تـقــدح بروقـها
من الغرب مثل خـشـوم سـلـمى اليانشت=والاريــاح فـوق جـبـال حـايـل تسـوقـها
جبالٍ زمـت فـي عـالـي الطـيب والندى=وفـاقـت جـبال اهل الصخى في شهوقها
تسـيـل الـشغايا فـي غرايـس هـل الجبل=غريـس كـلـى الـضـيفان حالـي عذوقـها
ديار بـها مـن ســل روحــي بـنــاظــره=وخـلاه تـشـكي من فـجــايــع فـتــوقــها
عـنـودٍ تـجـذ الروح فـي رمـشــها الـذي=ضفى فوق عـيـنٍ والـغـنـج فـي حدوقها
وجـسـم حــوى كـتــف وردف وضامـته=ثـيـابٍ شـكـت من فوق الارداف ضوقها
نحـانـي زمـان الجـور عن عطرها الذي=اذا فــاح فـاحـت بالحـشـى نار شــوقــها
لـك الـلــه يـاوقــت الـمــواصل ولـذتـه=قـبــل غــدر شـيـنـات الـلــيـالي وبوقـها
بوقـتٍ زهـور الـروض ماداســه الــدهـر=نطـرد مـن اجــوال الـحـبـاري فــروقـها
فـيــا رجـــم يامـا سـقـت روحي لمرقـبك=من الفجر لـيـن الـشـمـس يكـمـل شـروقها
الارجـام جــيـتــه من لـهـيــب بـضـامري=ولـولا الهوى ماجـيـت عــالــي طـبـوقـها[/poem]