مـن الحــرف .. للحــرف

حـديـث الـروح وبـوح الـوجـدان


[poem=font=",6,black,bold,italic" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="outset,10,sienna" type=1 line=0 align=center use=ex num="0,black""]

ياهاجسي كـان اللقـا مولـد أفـراق=ماب الوصل مـن أول الشـوق تاليـه
ولو للفكر ( يالشاعر المبدع ) أعتـاق=ماكان نعـرف بالشعـر فكـر راعيـه
الشعر أسمى من حبـر فـوق الاوراق=وأبعد مدى للنـزف هاجـس طواريـه
الشعر جرح ونزف وأحساس وأحـراق=الشعر صدق وعمق : مضمونّنـا فيـه
ومن يسمع ( بحنظل حياتـه ) ولا ذاق=ماظنتـي يفهـم بقـايـا معانـيـه !!
لا ياهبايب نجـد .. هبـي بالاشـواق=هبي بريح المسـك يمـي وهاتيـه ؟!
اليا أجتمع هم .. ومعاناه .. وأفـراق=يكفي مـن الهاجـوس أدنـى أمانيـه
أن قلت دمعي حبـر وحروفـي آفـاق=من حزني اللي فيـه عيونـي مواريـه
من لوعة الوجدان وجـروح الاعمـاق=من كبر هـمٍ داخـل الصـدر أخفيّـه
وكان التلاقـي .. للقـا صـدر تـوآق=للصـدق وأحـوال الرفيـق ومبأديـه
أنا على عهـدي .. ولا خنـت ميثـاق=من مبتدى عمرى الـى آخـر لياليـه
الصدق دربي والامـل ضـوح بـرآق=أبني جداره ويهِّدمنـي وأنـا أبنيـه !!
أترك هل التظليل .. خاليـن الاعمـاق=من طاري القصـد النزيـه وحراويـه
ذولا بشر .. صاروا خطيـه لـلاذواق=واللي مضى يبقى ( بيّاضه ) بما فيه !!
وكلن له الله ( لا تحّسـف وتنسـاق )=في ساقة اللـي يسهجـون المشاريـه
الشمس لو غابت ( خلقها الله أشراق )=يشرق سناها ويتوارى بهـا التيـه !!
واللي تسوقه عزته .. كيـف ينسـاق=( صحيح من لايعرف الصقر يشويـه )
ياعـل نفـسٍ ماتحّـرك وتشـتـاق ؟=تعيش فـي ضيـم الزمـان وبلاويـه
وكان اللقا ( ياهاجسي ) مولد إفـراق=اللـى بقـى مايستحـق المشاريـه !! [/poem]