منتديات بعد حيي - مالي بظل الجبل عشٍ ولا عيشه

[poem=font=",6,orange,bold,normal" bkcolor="black" bkimage="" border="double,7," type=2 line=0 align=center use=ex num="0,black""]

مـالــي بـظــل الجــبـــل عــشٍ ولا عـيـشـه=ولا عـيـب بالـلـي ترك مرباه وانحـاشي
وش مـقـعـد الـروح مـع طـرده وتـنخـيـشه=لاصـار ما لـــي بـهـا عــنــزٍ ولا حـاشـي
مـن يـوم شـفـت اللـيـالـي طـايـشٍ جـيـشـه=خلـيـت زين الــديـار وقـلـت انا مـاشـي
مااريـد يـظـهـر خــلل فـكـري وتشـويـشـه=وامـشـي بوسـط الـعرب ضـايـق ومـنداشي
شــف هجـرة الطير يلفــحٍ بالهواء ريـشـه=يـتــرك ديـارٍ سـمـع بـه رمـي الاقـفـاشـي
مااعـيـش بالـشـوك لاضاعـت مـنـاقـيـشـه=لـو طـال وسـط الـدجـى دربـي ومـطـراشي
الجــرح مـايـنـفـع الـمـجــروح تمحــيــشـه=والـغـبــن مايـنـفـعــه مـرهــم ولا شـاشي
ماراح اراجـي مـتـى يـربح سـهـم بـيـشــه=لا صـرت مـااحـاســب الــدكـان بالـكـاشي
ومـاراح اراجـي مـتـى ترجـع حـواشـيـشـه=وراس الـمـهـا مايـسـد الجــوع بـعـراشـي
الــمــوت عـــنـدي ولا عـيــشـة دراويـشـه=او مـقـعـد الـبـيـت مع زيـنــات الارمــاشي
ونـوم الـمعـزه بشـمـس القـيـظ فـي خـيـشه=ولا حـفـرة الـهـون وسـط قـصور الابواشي
لا شــان لــعــب الــورق بــادر بـتـكـويشـه=لا صـار خـصـمـك بلـعـب الـداس غـشـاشي
لا تركـب الجـيــب لا طـاحــت خــراطـيـشه=واحـذر تـبـيـع الـصـخـى والطـيـب ببلاشي
ماتــربــح الـمـجــد بـيـن الـهوز والشـيـشه=والا مـتــابـع مـسـلـسـل طــاش ماطــاشـي
وكان انـت سـلـك الـمـعــزه فــاصـلٍ فـيـشـه=تـر نـقــرة الـهــون تـشـبـه دار الانـعـاشي
قـيـفـان شـعــري بـوســط الـصدر ما نـيـشه=تشبه روايـح عـطـور الـمـســك بـغــراشي
هــي راحـة الـروح لا ثــارت شـواكـيــشـه=وصارت عـيــونـي تـعــاف الـنوم بـفـراشي
سحــايــب الـوســــم مـا ثـارت لــوالـيــشــه=ولا لاح بـرقـــه يـنــيـر الـلــيــل بـفــلاشي
وطاحـت طـروش العرب مـن كثر تـنـجـيشه=والجــوع يـقــطــع حـبـايـل راع الادباشـي
بـيــتٍ تـرفـرف عـلــى راسـك خــفـافـيـشـه=والـبــرد يـردم ثـلـوجـه وســط الاحـواشي
ولا يخـدعـك هـرج مـن هــمــه دشــاديـشــه=لآبـو شــويـــر الـعـــذارى لآبــو قـطــاشي
ولـو مـطـلـب الـنـفـس فـي دنـيــاه تحـويشه=مـا هـو عـسـيـرٍ على المخـلـوق يـعـتـاشي
والـنـفــس مـاهـمــهــا فـصـــلـه وتـفـنـيـشـه=دامـي عــزيــزٍ وقــدري يـطــرب الـجـاشي
ومااطـيـع مـن يـرتـضــي هـونـه وتطـنـيـشه=وبـاع الـمـراجـل لاجل بـبـسـي وفـشـفـاشـي
عـنــد الـــقـــرابـه جــزوعٍ ظـــاهــرٍ طـيــشـه=وقـــدام الاجــنـــاب لــو يـنـداس ماهـاشي[/poem]