منتديات بعد حيي - وين ودَّته الليالي ؟! حيييل يحرجني [ السؤال .....والمُصيبه إنِّي مدري ..! وين ودّتك

صباحكم / مسائكم
انقى من قطر النــدى { http://www.b3b7.com/vb/imgcache/21796.imgcache.gif

غيمه مرَّت في حياتي .. والرَعَد خوَّف غزال ..
وضاقت الدنيا بـعيني يا بعد كل " الغوالي " ..!!

رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالـي !

هذا آنا .. اللي دوَّرتك وعاااندت " المُحال " ..
ما لقيتك ! وينك إنت ؟! ما لقيتك يا منالــي !

إيييه [ ضايق ] من غيابك ومات فيني الإحتمال ..
بس تأكَّد هذا حظي ..وهذا في دنياي فالــي .. !

ما شكيت إلا لـ حالي يوم عذَّبني الوصال ..
لمَّادمَّرني غيابك .. جرحي الأسود طرلــي ..!!

أدري إنِّك ما تبالي .. و " غيبتك "أكبر مثال ..
وشي طبيعي لو جرحني قلبك اللي .. ما وُفالــي !!

وتدري إنِّي مآتحرَّك شامخٍ مثل الـ " جبال " ..!
وماخضعت إلا لـ ربٍ وقت هالضيقه صفالــي ..

ياللي تسأل عن جديدي ووين ودَّاني الخيال ..
تحسِب إنِّي بالقصايدأكتب إحساسي .. وأبالــي ..

ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالـي .. !!

ما سمعها غير " قلبي " ..و يا ولد الحلال ..
وإلا أنا ما جيت أكتب وآنا في دنياي سااالـــي !!

جيت إلى شاطئ خيالي . . . زايرٍ قصر الرمال ..
وإنصدمت إنَّه تهدَّم ! لاحَرَس يحميه .. ووالــي

ودِّي أكتب لك قصيده وودِّي أرسم لك هلال ..
صفحتين بـ إيدشاعر مُرهف إحساسه خيالــي ..!

القصايد يا حبيبي هي ترى مثل : [ العيال ] ..
ومن رحلت بعيييد عنِّي .. قمت أتفقَّد عيالــي .!

وين ودَّتك الليالي؟! هذا هو أصعب سؤال !
وما لقى قلبي إجابه . . . وين ودَّتك الليالــي !

ترجف أيامي حبيبي وصارت " الفرحه محُال " ..
بردك اللي ما رَحَمني .. شوووف منّه وش جرالــي ..

ما بقى أي شي [ غالي ] .. وضعت في كلمة ( تعال )
وما ذبحني غير إنِّك . . . . . يا بعد دنياي " غااالي" ..!!

لا بغى يتركني قلبك .. تكفى وصَّه بالعدال
إبعد شويَّه .. وإرجع .. وإبعد .. وإقطع وصالــي ..!!

ليه يعني في البدايه جيت . . يسْبقْك الدلال ؟!
وليه [ تتقهوى ]غرامي وتنثر بـ إيدك " دلالي " ..

قلت لك : إنَّ المحبه , ما تْحشِم قَدرالرجال ..
لـ إستوى بعين { المحبَّه } الثقل ويَّا هبالــي ..

وقلت لك :نظرة عيونك من علامات الجمال ..
إستغفر .. لا نظرت المُر صار المُر " حالي "

وقلت لك : ما أبي أحبك .. وإنثنى راس العقال ..
قلبي عاندني وحبِّك .. وطااح من راسي [ عقالــي ]

تَحْسِب إنَّه زال حبك ؟! لا يا عمري " مايزال "
صعبه يتغيَّر مكانك . . . وإنت لي أوَّل وتالــي

الغنى ..ماهُو حصيلٍ من . . . دنانير ومال
الغنى .. معناه شوفك يا حبيبي وراس مالــي ..!!

كيف أعزِّل عن ديارك وما قوى قلبي الرحال ؟!
ما صمل قلبي فراقك .. وكانت ديارك " رحالـي "

كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالــي ..

قلت ما أسمَع .. وعادالكلمه مرَّاتٍ وقال :
لا إتّهَرَّبْ من سؤالي .. لا إتّهَرَّبْ من سؤالــي

وين ودَّته الليالي ؟! حيييل يحرجني [ السؤال ]
والمُصيبه إنِّي مدري ..! وين ودّتك الليالي

راقت لـي // نائبة القمــر