منتديات بعد حيي - بدون نقاط

قصيده للشاعر فاضل الغشم الشمري بدون نقاط
اول كـلام الله عــلام الاســرار
العالـم الاول علـى كـل معهـود
له السما مع الوطا وكـل ماصـار
و له الملا ركـاع والكـل مـردود
الواحـد المحمـود لـلـدور دوار
امره مطاع وكامل الصح حاصـود
سلط عصا موسى على كل سحـار
ووصا المسامع كلها لحـس داوود
ودرس المـدرس للمـلا در محـار
والدارس السامع له العلم ممهـود
حلو الكـلام لمسمـع الكـل هـدار
حامـل دروس وحللوكـل مـورود
وطعم العسل على السحل هد الامرار
كاس الحلى مع واله الطعم مـردود
ولم السطور وسطرها وحطهاعـار
على معد الطلـح لاصـار لاهـود
دار الدهر لاهل الوطا وللعلا سـار
دام المسامـع مالهـا حكـم رادود
المـدح وارد للهوى مهـو محـدار
واحمل موده دوم لمسلهـم السـود
واهل الموده والهـوى دوم سهـار
الكل سارح ماعس الهـم موعـود
لولا الهوى ماراح حلو الكرى وطار
ودمع المدامع والسهر ماله حـدود
حوى وكاد سهوم سوده لهـا كـار
والاسر صار لكامـل الـدل ماكـود
ولد الملوح دمره حسـم الاعمـار
وللروح طالع سلم الهـم صاعـود
عصر الاحد مر المولع على الـدار
سلم وعدى والامل صـار مـردود
دار الحوار ومـد للـروح مسمـار
مسمار هم الدور للـروح ممـدود
صار الوداع وهل دمعه كاالامطـار
كما المطر لاهل مع حـس راعـود
معصوم وحدود الموده لها اسـوار
وسور الموده والهوى ماهو مهدود
وصلوا على المرسل عددكل ماسار
على الرسول اعداد ماعـد عـادود