منتديات بعد حيي - سمعووووني زغروودة (ابشركم انخطبت)..

كنت قاعدة اتفرج على التلفزيون ... متابعة مسلسل ..

وجا مشهد زواج وحدة من الشخص اللي تحبه من زمااااان ...

قلبت القناة على قناة ثانيه ...

لقيت عرض أزياء فساتين عرايس...

قلبت القناة .. لقيت خطوات وضع مكياج العروس ...

سكرت التلفزيون وجريت الونة " تنهيدة كبيرة " تشقق الصدر

سكرت التلفزيون وجريت الونة " تنهيدة كبيرة " تشقق الصدر

التفت علىّ ابوي اللي نسيت تماما انه كان جنبي ... قال لي ابوي :

خير إن شاء الله يابنتي ؟! وش فيك ؟! عسى ماشر ؟!

انا تلخبطت ساعتها وفتحت له التلفزيون وقعدت ساكتة http://www.b3b7.com/vb/imgcache/33993.imgcache.gif...

ايه اكيد بسكت وش اقول ؟ اقول له ودي أعرس ؟؟؟ ( يعني اتزوج بالعربي ) ...

اقول له ان صاحباتي اغلبهم تزوجوا ؟؟؟

وإلا أقول له إني تمنيت أكون مكان بنت خالي في كوشتها وفي الزفة أمس ؟

يقطع الدراسة وسنينها ياشيخ ...

اوف والله غثا .. يا بخت جداتنا ماتطق الوحدة العشر سنين إلا هي مخطوبة ..

وعلى الثنعش اعرست ..

وان وصلت البنت ثمنطعش ما اعرست قالوا عانس http://www.b3b7.com/vb/imgcache/33994.imgcache.gif!!!

هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ...

أخخخ .. يُبه الله يفتح عليك وتخليني اعرس ... وتفكني من الدراسة ...

وساعة انا غارقة في قاع هذي الهواجيس ويرن التلفون ويقطع حبل افكاري ...

طالع الرقم ابوي وقال رقم غريب ... رد بلهجة رسميه :

- وعليكم السلام .....

الله يسلمك .....

الحمد لله بخير .....

ايه أنا أبوفلانة ( منيب قايلة لاحد عشان محد يعرفني ويضحك علي ) .... http://www.b3b7.com/vb/imgcache/33995.imgcache.gif

لا منت غلطان انا هو ...

ماعليك زود الله يسلمك ...

من معاي ياخوي ماعرفتك ...

والنعم .... تفضل وش السالفة اللي تبيني فيها ؟....

لا ماني مشغول ...

لهالدرجة الموضوع مهم ؟!...

تفضل تكلم شغلتني ...

والتفت ابوي علي وعطاني نظرة غريبة ..

انا ساعتها قرصني قلبي http://www.b3b7.com/vb/imgcache/33996.imgcache.gif

مو من ردود ابوي بس من نظراته الغريبة ..

رد ابوي على المتصل : وش فيها زود طيب ؟...

لا بس مافيها أي ميزات عن الباقي ...

اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل http://www.b3b7.com/vb/imgcache/33997.imgcache.gif..

رد ابوي على المتصل : طيب وبعدين ... أيوه ....

طيب وش اسمك الكامل ؟

وش تشتغل بالضبط ؟

طيب من دلك علي وعطاك رقمنا ؟

لا الموضوع يا ابني مو بهالبساطة ....

العملية مش بيع وشرى وبس ...

الواحد لازم يسأل كثير ويحرص قبل يقدم على أي خطوة ...

لا موضوع انك تجي لبيتنا خليها بعدين ...

لين أسأل عن كل صغيرة وكبيرة ...

لا لما اكتفي من السؤال وأخذ المعلومات اللي تكفي ..

باتصل عليك تجي ونتفاهم ويكون خير إن شاء الله ..

انا كنت اتابع حركات ابوي وانا متشققة من الفرحة ...

أخيرا انخطبت وبتزوج مثلي مثل غيري .http://www.b3b7.com/vb/imgcache/33998.imgcache.gif..

يوووووه أخيرا بلبس فستان أبيض منفووووووش

أخيرا بطلع أجهز واتقضى للزواج ...

بسوي زواج كبير مررررررة :563g:

وبحط زفة ريميكس وطرحتي مابيها خليجية بخليها مبتكرة ...

منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه ...

وحصة صديقة امي منيب عازمتها بعد مطوعة مالي خلقها تحوسني لو حطيت اورج ...

ياااااااااااااااااااااااااااااااااي

وبشتري أغراض واشيل واحط واخطط ... بيصدع راسي بس ولو لذيذ هالصداع ... http://www.b3b7.com/vb/imgcache/33999.imgcache.gif

يوم قفل الخط ابوي التفت علي وهو مبتسم ابتسامة تعجب وهو ساكت ... قلت :

- هاه يبه ؟ متى بيجي يشوفني ؟

- منهو

- هذا اللي خطبني تو

- وشو؟!

- خطيبي اللي تو

- تموووووونين انتي ووجهك صار خطيبك على طول ماعندك وقت ..

- ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي .

للحين تراها حازة في نفسي ..

ترا هالمرة بضرب عن الدراسة ...

والا الاكل مقدر اضرب عنه http://www.b3b7.com/vb/imgcache/34000.imgcache.gif...

وجع لابليس يبه بعنس من تحت راس فعايلك بخطاطيبي http://www.b3b7.com/vb/imgcache/34001.imgcache.gif...
والرسول عليه السلام حث على تزويج من ترضون دينه وخلقه ...
وهذا الخاطب قايل قلبي انه أجودي .. ترا ما اعرفه بس اتوقع انه كذا http://www.b3b7.com/vb/imgcache/34002.imgcache.gif...
وترا العرس أهم من الدراسة عشان الجنس البشري ماينقرض ....
وبعدين من قال لك اني منيب مكملة دراستي والله بكمل .

حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .

- هي انتي وين رحتي ... حدك حدك لا تشطحين !!!

- وش اشطح ؟!

هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة

- أي عريس وأي هم؟؟!!

انتي مصخنة ؟؟

هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ .. http://www.b3b7.com/vb/imgcache/34001.imgcache.gif

http://www.b3b7.com/vb/imgcache/34003.imgcache.jpg

قومي نامي يابنيتي .. ولا تكثرين قعدة قدام التلفزيون ... الحين بس عرفت ليه سكرتيه تو...

انا لا تسألون عن وجهي ...

الله يقطع أم العجلة اللي تعرفونها ....

مشكلة اللي يجزم على طوووووول قبل يتأكد

استروا ما واجهتوا

http://www.b3b7.com/vb/imgcache/34004.imgcache.jpg

القصة منقووووووووووووووووووووووووووووووووله لعيونكم http://www.b3b7.com/vb/imgcache/34000.imgcache.gif

انتظر ردودكم الحلووووووه
عشووووقه