حقيقة قصيدة (اللقب)
 

السلام عليكم...

بما أن هذه هي مشاركتي الـ1000 في هذا المنتدى(( منتدى بعدحيي))

لن اجعلها مشاركةً بسيطة.


بل هي حقيقة قصيدة كثرت الاحاديث حولها.

انها قصة قصيدة = اللقب = للأمير الشاعر: طلال الرشيد رحمه الله


هي قصة تدل على نبل اخلاق طلال عليه رحمه الله

كان فيه حفل معايده عند الملك فهد رحمه الله وكان طلال سوف يدخل على الملك ليسلم عليه

والملك يعرف طلال عز المعرفه ولا يحتاج طلال لتعريف من احد ولكن لكبر سن الملك فهد رحمه الله

لابد لأن يكون أحد المعرفين يقف بجانبه كل من يدخل عليه شخص يعرفه به المهم ،،،،

كان موعد دخول الأمير طلال الرشيد وعرف به صاحب المراسم الملكية وقال الامير طلال الرشيد يا طويل العمر

وكان بجانب الملك ابناء ال براهيم خوال الامير عبدالعزيز بن فهد النجل الاصغر للملك

وهم من القصيم وبالتحديد مدينة الرس ولما نطق اسم الامير مع دخول طلال استغاض
(( الوافي )) وهو شاعر معروف واعتقد اسمه محمد البراهيم (( والله أول مره أسمع فيه )) وقال نادوه بطلال دون الامير ......

والرشيد والسديري كانت تطلق عليهم القاب الامير قبل اساميهم لعلو مكاتهم بقبائلهم

المهم صدر مرسوم ملكي بمنع لقلب الامير عن الرشيد عموما والسديري ايضا

فلم يزعج طلال هذا الامر وقال هالقصيده على مرأى ومسمع من (( الوافي )) وفي نفس المجلس حيث قال:


ياالصغير ما يكبّرني لقب
ومايصغرني اليا انكرني صغير

ما خذينا الصيت من جمع الذهب
ولا نسابة شيخ أو قربة أمير

كاسبينه من هل السيف الحدب
الجنايز كان ما جاك النذير

صيتهم نجم على راسه لهب
سمعوا الصقهان به واجهر ضرير

بالوفا تاريخ ابيض ينحسب
لا حكوا بالحق حيين الضمير

ضيغمي ٍ للسناعيس انتسب
لابت - طلنا بها عرش - كبير

عند حدك يا كثير الهرج تب
ولا تمر النار وثوبك من حرير

كان لك عز ٍ بذلي فتعقب
والله إلا تبطي وحبلك قصير

احسب انك من صناديد العرب
واثري ساترتك عباتك يا غرير

ما حسب للسّوس زراع القصب
والقرادة مادرى عنها البعير

لو حسبنا للحسايف والتعب
مابذرنا ياالعصافير الشعير

عن هلك وبراي لله احتسب
الرجال اللي مجاراهم عسير

من قريش المصطفى وابو لهب
والدغالب ما غشت عذب الغدير

للرجال من الرجاجيل العتب
والزكاة اتحل في حال الفقير

لعن ابو وقتٍ غدينا به حطب
تحرقه نارٍ "...." يثورها أجير

ما ألومك الزمن سوا العجب
هو بقى غير الكرامة بالجفير

ما أذل والراس يشم اللهب
لو بقى من شمر ٍ طفل ٍ غرير

ما أهاب ولا يزلزلني غضب
الشجاعة ورث والعاقل غزير

يا صغيّر ما يكبر باللقب
غير منهو كان للدونة صغير

-------------------------------------

ولكن الامير طلال رحمه الله .. قال غير هذا الكلام ...... وهذا اكبر دليل على
نبل اخلاقه رحمه الله.


[blink]
رحمك الله أيها الأمير
رحمك الله يا أبانواف[/blink]


أخوكم ومحبكم ..... الفارس

الفارس
كل الشكر لك على توضيح القصه
يعطيك الف عافيه
اختك سهر

يسلمو الفارس على معلومات اول مره بعرفها
سمبووسه

الفارس
كل الشكر لك

رحمك الله أيها الأمير
رحمك الله يا أبانواف

ضيغمي ٍ للسناعيس انتسب
لابت - طلنا بها عرش - كبير

عند حدك يا كثير الهرج تب
ولا تمر النار وثوبك من حرير
الفارس
لك كل الشكر على القصه الحقيقه للامير طلال رحمه الله
ماقصرت يابعدي انت

ولد القصيد

الفارس ..!!

/

الفارس ..!!

/
\

مشكور يالغلا على التوضيح ..!

ولكن .!

اللي اعرفه غير هذا كلّه ..

سمعت عكس كلامك .

/
\

كان الامير طلال رحمه الله ..

في رحله بريه مع مجموعة من الناس ..

وكان شخص من السديري ،،

موجود بالرحله ..

وذكر ان الاماراه لاتطلق على الرشيد بالوقت الحالي ..

وعندما رجع الامير طلال رحمه الله ،،

اتاه احد الاشخاص من شمر ..

يوم عرف بالسالفه ..

وقدم له إثنين من عياله ..

فداء لطلال لمقابلة هـ الشخص ..

ورفض طلال ماقدم الشمري ..

/
\
/

وقال القصيده ..


والله اعلم وين الصحيح .!

شكرآ مره ثانية ..

وعافاك ربي ..

/
\
/

سلالالالالالالالالالالالالام،،،

مشكورين على المرور والردود
الله لايحرمني منكم

أخوي سعودالعلي ... انا سمعت اللي تقول من لسان الامير طلال الرشيد نفسه

بس اعتقد ان السالفه اللي انا جايبه هي الصحيحة ... والله اعلم

رحمك الله أيها الأمير
رحمك الله يا أبانواف

الفارس

الله يعطيك الف عافيه على هذه المشاركه

بس انا سمعت مثل ماقال اخوي سعود العلي

واشكرك على مجهودك ولاهنت

وربي يحفظك ويخليك

رحمك الله يا أبانواف

الفارس

الله يعطيك الف عافيه على هذه المشاركه

بالنسبه للقصه يالربع عندي بشريط بكلام طلال الله يرحمه يروي القصه
ومستعد اجيبه لكم مثل كلام الفارس

السنعوسي

والله ياليت يالسنعوسي تحاول تحطه ملف صوتي.

هي قصة تدل على نبل اخلاق طلال عليه رحمه الله
والله كلامك صدق رعد الله يعطيك العافية
قصيدة رااااااااائعة

مشكورة على مرورك دموع الحب

سكود الشمال


الله لايهينك
تسلم يابعدي
على مرورك وردك