أطبآق ( سبرنق رول الروبيان .. كوسا بالسبانخ .. ترياكي سالاد ...
 

بسم الله الرحمن الرحيم



مجموعة وصفآت حسيتها شهية ولذيذة ونقلتها لعيونكم ;)



سبرنق رول الروبــــــــيان



http://www.b3b7.com/vb/imgcache/46586.imgcache.png






الحشوه : 3 كاسات روبيان

نص كاس ملفوف مقطع شرايح

كاس جزر مبشور

نص حبة فلفل بارد مقطع شرايح

3 فصوص ثوم مهروسه

قرن فلفل حار

عودين بصل اخضر

شوي كزبره طازجه

4 ملاعق صوصيا صوص + ملعقة صويا حلوه

ملح + فلفل اسود + ملعقه صغيره كزبره بودره + ملعقه صغيره بابريكا + نص ملعقه صغيره كمون


الطريقه : نحمي شوي زيت و نذبل فيها البصل و نضيف الثوم و نحركهم

نحط الروبيان و الملفوف و الجزر و الفلفل البارد و الحار و البهارات و الصويا المعتدله و الحلوه و نقلبهم جميعا لحد مايستوي الروبيان

بعد ماتستوي نطفي عليها و نحط الكزبره الطازجه و نحركهم و نتركها لحد ماتبرد

اخيرا ... نحشي السبرنغ رولز و ندخلها الثلاجه تتماسك و نقليها..





بيــــــــتزا الجــــــــــــــبن



http://www.b3b7.com/vb/imgcache/46587.imgcache.png





نعجن التالي : 2 ملعقه حليب بودره + 2 ملعقه كبيره سكر + فنجان شاهي زيت + ظرف خميره + 3 كاسات طحين

+ كاس و ربع مويه ( كمية المويه قابله للزياده او النقصان حسب ماتكون معك )
تترك لتتخمر مدة ساعه تقريبا

المطلوب الحصول على عجينه متماسكه و ماتلصق باليد

من الامور اللي تساعد في الحصول على عجينه حلوه و طريه .. هو اننا لما نعجن نسحب العجينه على فوق
يعني ندخل فيها هواء .. و برضو نطول شوي في عميلة العجن

* صلصة البيتزا : نحمي شوي زيت و نحط فيه حبة بصل مقطعه و نخليها تذوب ثم نضيف لها 3 فصوص ثوم مهروسه
معاهم نحط مكعب ماجي + حبتين طماط مطحونه + ملعقتين اكل كتشب و اخيرا اوريجانو

نخلي الصلصه تتسبك على نار هاااااديه

نفرد العجينه و نحطها في صينية البيتزا ... و نتركها 10 دقايق .. نمسح اطرافها بالبيض المخفوق و ندخلها

فرن حامي ( 350 ف ) تقريبا ربع ساعه

نحط عليها الصلصه ... و اخيرا نرش عليها الجبنه

( اختيار الجبن راجع للذوق ) ... انا استخدمت كاس موزاريلا + نص كاس بارميزان + نص كاس قشقوان ( القشقوان اول مره

استخدمه في البيتزا و كان روووووووعه )

نرص شرايح الببروني و نرش رشه خفيفه من الجبن .. و نرجعها الفرن حتى تذوب الأجبان و تكمل العجينه استواء





سلطة التريـــــــــاكي


http://www.b3b7.com/vb/imgcache/46588.imgcache.png





ربع كيلو فطر

ربع كاس ترياكي صوص

عود كرفس + عود بصل اخضر + ورقتين خس + حبة خيار + حبة طماط

ملعقة اكل سمسم

ملعقة اكل زيتون

جبنة ماعز

نحمص السمسم

نحمي الزيت زيتون ... و نضيف عليه الفطر و نتركه على نار هاديه تقريبا ربع ساعه عشان يتكرمل

نضيف علية الترياكي صوص ... و نقلبهم تقريبا ربع ساعه

في صحن نحط مكونات السلطه و عليها الفطر

نرشها بالسمسم المحمص ... و اخرا جبنة الماعز




سبــــــانخ بالكـــــريمه



http://www.b3b7.com/vb/imgcache/46589.imgcache.png






ما استخدمت مقادير معينه ...

ذوبت شوي زبده و حطيت عليها بصله مقطعه شرايح و خليتها حتى تذبل و اضفت عليها كم فص ثوم مهروسه

اضفت حزمة سبانخ ( سلقتها اول مدة خمس دقايق ) و قلبتهم

اضفت عليها كوب كريمة خفق و ملح و فلفل ... و تركتهم على نار هاديه تقريبا ربع ساعه

عند التقديم ... حطيت عليها شريحة جبن حلومي




سندويشات البســــــــطرمه



http://www.b3b7.com/vb/imgcache/46590.imgcache.png





صامولي ندهنه بمايونيز + ماسترد + جبنه سائله + شوي رانش + فلورا ( اختياري )

نصف شرايح لحم البسطرمه و عليها نحط طبقه من لحم الببروني

اخيرا .. نضيف عليهم ورق سبانخ

* البسطرمه و الببروني قبل ما استخدمتهم حطيتهم على صاج فيه نتفة زيت

تقريبا خليتهم دقيقتين لكل جهه




بف بالسبـــــــــــــــانخ



http://www.b3b7.com/vb/imgcache/46591.imgcache.png





شرايح بف بستري .... نقطعها دواير و نحشيها بهليط عباره عن

جبن فيلادلفيا + سبانخ + فطر + بيضه مخفوقه + ملح و فلفل

ندخلها فرن حار ( 400 ف ) تقريبا 20 دقيقه او حتى تصير البف ذهبيه




جبنـــــــــــه في الفرن


http://www.b3b7.com/vb/imgcache/46592.imgcache.png





نجيب جبنه اسمها ( كاممبيرت ) نلف عليها قصدير بس وجهها يكون مكشوف

نسوي فيها فتحات و نحط جواها ثوم .... على وجهها نرش بقدونس مفروم و زيت زيتون و ملح و فلفل

نحطها في صينيه و ندخلها فرن حار ( 350 ف ) تقريبا 20 دقيقه

>>> صوره للجبن سايح


http://www.b3b7.com/vb/imgcache/46593.imgcache.png





كوسا مع السبانخ



http://www.b3b7.com/vb/imgcache/46594.imgcache.png






نقطع شرايح كوسا و نقليها

نحشيها بخليط عباره عن فيلادلفيا و سبانخ

نسوي لها صوص .. عباره عن : زبادي + سور كريم او لبنه + زيت زيتون + ملح و فلفل + صوص الفريدو الجاهز

نصبه عليها و نرشهم بشوي بابريكا...



جريــــــش الكــــــــــيري



http://www.b3b7.com/vb/imgcache/46595.imgcache.png





نغسل كاستين جريش و نخليها تنقع ساعتين

في قدر نذوب كميه من الزبده و نحط عليها 3 حبات بصل كبيره مقطعه صغار و نخليها لحد ماتذبل

نضيف عليهم دجاج مقطع صغار

نضيف البهارات ( كمون + كزبره بودره + مكعب ماجي ) و نحركهم

نضيف عليهم 7 حبات جبن كيري و نحركهم

نضيف الجريش و نحركهم

نصب عليهم مويه مغليه + كاستين حليب و نحركهم ... نتركه الين يغلي ثم نخليه على نار هااااديه

نحركه من فتره للثانيه .. و نضيف له مويه لو حسينا انه يحتاج

بعد مرور ساعه و نص على طبخه ... نحط معاه اصبع زبده و نعدل الملح و نضيف عصير ليمونه و نص

تقريبا اخذ معي ساعتين و نص تقريبا في الطبخ ...

خلطة الوجه : استخدمت 4 بصلات قطعتهم صغار .. و حطيتهم في ملعقتين سمنه و خليتهم على نار هااااديه جدا و اضفت

عليه ملح و فلفل اسود و ليمون اسود وشوي كركم


//////////



فـــراوله مع خل البلســــــــمك



http://www.b3b7.com/vb/imgcache/46596.imgcache.png





نص كيلو فراوله نغسلها و نقطعها

نشيف عليها ملعقة اكل سكر + ملعقة اكل خل بلسميك و نقلبهم كلهم سوا

نخليهم بالثلاجه او برى ... مدة ساعه تقريبا حتى كلهم يمتزجون .. اخيرا نقدمها

ممكن تتقدم لحالها ... او نرش عليها سكر بودره ... او مع آيسكريم او زبادي او جبنه او كيك خاصة الشكولاته


//////////



حلى الماسكربوني


http://www.b3b7.com/vb/imgcache/46597.imgcache.png





نخلط 500 جرام مساكربوني + ربع كاس سكر + نص كاس كريمة خفق

في صحن نرص شرايح سويسرول شوكولاته و نصب عليها شوي حليب

نضع عليها خليط الماسكروبوني ... و نبشر عليها شوكولاته ( مثل جالكسي )


//////////



كـــــــرات البسكــــــــــــوت


http://www.b3b7.com/vb/imgcache/46598.imgcache.png





كاس بسكوت دايجستيف مطحون + كاس حليب بودره محموس على النار + علبة قشطه + شوي فانيلا

نعجنعم و نكورهم و نرصهم في صحن التقديم

نخلط 4 حبات جبن كيري + نص علبة نستله و نصبهم على كرات البسكوت

اخيرا ... نزينها بالهيرشي


اتمنى تعجبكم الأطباق :)

جود

ياااااااااااااااااي مرره يشهي
يسلموع هيكـ طبخه
لاعدمناكـ

يمي شهيه خاصه بيتزا الجبن ;)
تسلمين جود الله يعافيك
دمتي في حفظ الرحمن

شمعة

منوره يالغلا

جود

شبآصة

يعافيك يالغلا

جود

اطبااااق شهية خصوصا الجريش
يم يم
تسلمين جود على الوصفات اللذيذة

دمتي بود

أطباق روووعه ومشهية
جـــــود
تسلم يدينكـِ
والله يعطيكـِ العافية

مشآعر إنسانه

الله يسلمك يالغلا منوره

جود

مناهي

الله يعافيك يالغلا منوره

جود

هايدي

الجووووع يعمل عاميله عشآن كذا دخلتي ;)

الله يعافيك يالغلا

جود