منتديات بعد حيي - خير(ن) من الميعاد بعض الصواديف

[poem=font=",6,,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/194.gif" border="none,4," type=0 line=0 align=center use=ex num="0,black""]
خير(ن) من الميعاد بعض الصواديف =لانه تجي صدفـات ماينحسـب لـه
قبل امس وحداني تمشي على السيف =اتبع هوى نفسي وادور الطرب لـه
اعيد ماضيي ومن نفسـي امعيـف =وذيب الحزن ياحمود نفسي قنب لـه
حتى نظرت ام الرمـوش المعاكيـف =مزيونتـن ياحمـود ملحـن وقبلـه
اللي حلاها ياعـرب مابعـد شيـف =لاشفت لا عقبـه ولا شفـت قبلـه
اقبل علي وقـال زيـن التواصيـف =ضيقتك يابن الناس ويش السبب له
قلت السبب فرقـا بعـاد الاطاريـف =اهلـي شمـال وداري اليـوم قبلـه
علمي بهم يابنت في تالي الصيـف =واليوم هـذا الوسـم ينبيـك وبلـه
ياشين يالمزيـون فرقـا المواليـف =اشنع على الوبال من ضيعـت ابلـه
لاكن حضورك غير يازهرة الريـف =العز من شفتك خفوقـي نـدب لـه
حياك في جنبي عطينـي سواليـف =من فمك اللي كالعسل ينسكـب لـه
قالت وهي تضحك خطتك الصواديف =بالمقبلات ان كان ربـي كتـب لـه
ويامحلى ياحمود بعـض المواقيـف =لانه تجي صدفـات ماينحسـب لـه[/poem]

الشاعر/ناصر الذرفي