ويل من نومه غدى اليوم من سابع محال
 

[poem=font=",6,orange,bold,normal" bkcolor="black" bkimage="" border="double,7," type=2 line=0 align=center use=ex num="0,black""]
ويـل مـن نـومـه غـدى الـيـوم مـن سـابـع مـحـال=ولالـقــيـت مــن الاجــاويــد مــن يـفـزع شــفــيــق
دربـنـا شـرقـي وقـلــبــي يـبــي درب الـشــمـال=ويـل مـن سار بطــريـقٍ وغــالــيــه بـطـريـق
حـي بـرقٍ تـالــي الـلــيــل مــن رب الـجــلال=فــي مـزونٍ فــوق الاحـبــاب تـوضـي لـه شـعـيــق
واعـسـى الـمـاطر على اللي غـدى صـعـب الـمنال=الـغزال الـلـي خــذى الـروح بـالــوجــه الـطــلــيـق
شــال قـلـبــي فـي جـمــالــه وفــي غـنــج ودلال=وفـي رمـوش تـسـحـر الـقـلـب والـجـســم الـرشـيــق
صار مـقـعـادي عــن الـنــاس فـي روس الجـبـال=لاجـل اهـيــض دمـوع عـيـنـي عـلـى راس الـطـبــيـق
زاد هـرج اهــل الـشـمـاتـه عـلـى حـالـي وطــال=وطـبـعــهـم جــرح الـمـشـاعـر وانـا قـلــبـي رقــيــق
مـالـنــا فـي شــوفــة الـزيــن وعـيــونـه مـجـال=والـوســاعــه حــول خـلــي بــدت عــنــدي تـضـيــق
اولٍ نـرجــي وصــالـه الـيـــا بــان الــهـــلال=سـاعــةٍ تـطـفــي عـن الــروح نـيــران الـحــريـق
سـاعـةٍ مـاتـروي الـجوف من ذاك الـجـمـال=والـقـشــاشــه فـــوق الامــواج مــاتــنــجــي غــريـق
ثــم راحــت ذيــك الايــام مـــع ذيـــك الـلــيـــال=وشـلــت بـمـتــونـي مـن الـضـيــم فـوق الـلـي تـطـيـق
يـوم شـفــتــه شـــد زمـلــه عــن الـديـره وشــال=عـقــب مـاهــو حـالــفـن لــي عـلـى عــهــدن وثـيــق
وكـل حـلـمٍ داج فـكـري غــدى مـثــل الـخـيــال=وغـدر وقـتـي يـاهـل الـعـرف والـلــه مايلــيــق
صـعـب اطــارد زمــل خـلـي وانـا زمـلــي هــزال=ودايــمٍ زمل الـمـفــارق عـلـى الـمـمـشـى ســبــيـق
مـاصـدر مــنــي عـلــى الـزيـن يـاعــالـم خــمــال=ولا طـرى لـه غـيـر خـلــه ولـيـــف ولا عـشـيـق
كـنـت اريد عـيـون خـلـي عـن الرمـضاء ظـلال=وهـي سـبــب رمـحٍ بـجـوفـي تـرك جـرحٍ غــمــيـق[/poem]