منتديات بعد حيي - ردّية بين شايب وبنت ملكعة....

[frame="11 98"]
[frame="10 98"]

http://www.b3b7.com/vb/imgcache/56023.imgcache.gif

تقديم :>>احم احم..صوت..واضح
بنغير جو اليوم ونخلي الموضوع جلسة شعبية بدون تكلف وبدون رسميات.... من سواليف الزمان >>>خليني اليوم أصير الراوية ..http://www.b3b7.com/vb/imgcache/56024.imgcache.gif
موضوعنا ....مو قصيدة كاملة مثل الغالب ولكن هي ردية ....بين شايب وفتاة
أتمنى لكم المتعة لكن لا تنسون تقولون من الأقوى الشايب العود والا البنت الشابة

بدايه القصه هي عن شايب اسمه حمدان هواوي ( قلبه خضر ) ما يشوف بنت الا ينفتن ومشهور بانه حبيب بين ربعه
http://www.b3b7.com/vb/imgcache/56025.imgcache.jpg
فيه بنت ملكعة ومزيونه من بنات الديره الي هو فيها قالت في نفسها انا ليه ما اروح للشايب الي يقولون ان قلبه خضر وامزح معه واضحكه شوي واشوف ردة فعله كيف تكون
راحت له و سلمت عليه.. كيف حالك يا شايب؟؟؟
http://www.b3b7.com/vb/imgcache/56026.imgcache.jpg

رد السلام
وفجأه عطته ظهرها ومشت ولا استئذان ولا شي
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه
يـــقــول الــشـايــب:
http://www.b3b7.com/vb/imgcache/56027.imgcache.jpg

يابنت خذي خاطري وارحمينـي لاتجرحين العود بعيونك السـود

غضي نظرك وغطي الوجنتينـي لعل يوم جـدد الجـرح مايعـود

يوم انتهى مع مرمسات السنينـي جتني صواديفه على غير مقصود

باول شهر عشرة نهار الثنينـي حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل
ردت عــليه تــقــول:
http://www.b3b7.com/vb/imgcache/56026.imgcache.jpg

ياشايب الرحمـن وينـك وينـي عزي لحالك قدامك الباب مسـدود

قلبك عطوف وجاه قلـبٍ متينـي والبنت ما تشفق على مغازل العود

حبل الرجا مقطوع بينـي وبينـك مثل الغليث اللي رعا قلبه الـدود

اقفى شبابـك والعـرب مقبلينـي ياعود مايرجع من العمر مفقـود

حطمته يوم قالت له انك عود وان الشباب ما يرجع وان ما فيه امل حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه
يــقــول حــمــدان:
http://www.b3b7.com/vb/imgcache/56027.imgcache.jpg

يابنت صـدي بالعيـون الظليلـة لا صد عنـك الله نهـار القيامـه

مالي ومالك يالفـروع الطويلـة لو فيك من رسم البـداوة علامـة

يابنـت مالـي بالثمانيـن حيلـه اهدف كما تهدف على البير قامه

اقفى شبابي والدهر شفـت ميلـه يالله حسن الختاتمـه والسلامـه

اعطيك موجز والبضاعـه قليلـه واخذت لك من صافي الماء سنامه

بعد فتره مرته مره ثانيه وسلمت عليه واستفزته و ضيقت خاطره وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات اللي يقول فيها:
http://www.b3b7.com/vb/imgcache/56027.imgcache.jpg

يابنت ما جاس الكبـر والخشونـه وعادت شباب اليوم يجفل من الشيب

ياسـرع ماوبلـك تمـزع مزونـه يالفاتنـه يـاام الثمـان الرعابيـب

يابنـت مابينـي وبينـك مهـونـه كلمة شرف نبي تحيـه وترحيـب

الله مـن عـود ثقيـلـه طنـونـه ينصاه راع المشكلـه والمواجيـب

على الكرم والديـن نفسـه حنونـه تلقاه بالاجـواد شـرق وتغاريـب

شافتها البنت وقفلت على العجوز في غرفه وقالت مثل ماجيتي بابياته ترجيعن بابياتي
ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف
تــقــول الــبــنــت:
http://www.b3b7.com/vb/imgcache/56026.imgcache.jpg

العود عود وطايحـات سنونـه من كثر مايرقد على جرة الذيب

عودٍ مهرقل والعرب مايبونـهياعود مالك في طويل المراقيب

اقفى شباب العود راحت حتونه مثل اليتيم اللي بكا ماله مجيب

جداه ينثر دمعـةٍ مـن عيونـه غريق موجٍ مالقا له مقاضيـب

وبكذا تكون انتهت السالفة .....اتمنى انكم عشتوا معهم الجو http://www.b3b7.com/vb/imgcache/56028.imgcache.gif
لكن لابد تقولون من الغالب الشايب والا الفتاة؟؟ والسبب ؟؟
وسلامتكم http://www.b3b7.com/vb/imgcache/56029.imgcache.gif
ملاحظة :الصور رمزية اخترتهم على أساس خيالي http://www.b3b7.com/vb/imgcache/56030.imgcache.gif

http://www.b3b7.com/vb/imgcache/56031.imgcache.gif

[/quote]
[/frame]
[/frame]