منتديات بعد حيي - °l||l° علّم اللي معــاڪ يبوس يدّه °l||l°

علّم اللي معاك يبوس يدّه
ويحمد الله على إنك في حياته ..،
دام مثلك يراعيه ويودّه
وش بقى له من أعظم امنياته؟

يووه ياهذا التعب كيف أدفنه
وأرمي أحزاني بهالدنيا وراي.. !

ماني بحاجة عذر
لاعاد تتعذر ...
أنا بحاجة عمر
لأجل أتركك وأكبر ..!

خايف أكون بحياتك مثلجوالك
لامرّ شهرين ترمينه لأجل ثاني ..!

ماجابك الشوق , عيب تجيبك الحاجة ..!
ليتك بعد غيبتك ماعاد جيتيني
عشان حاجتك قلتي : كيف نتواجه
لاواحسافة ياقدرك طاح من عيني ....،

تطيح نجمة وباقي فالسماء نجمة
ويغيب صوتك ويبقى طيفك بعيني

صدمة غيابك ترى ماعدّها صدمة
منت أول اللي يغيب وطعنته فيني ..!

الأرض ضاقت بعيني والسماء ضاقت
والضيقة اللي في صدري ماتحملّها
بنت الأكابر يمرّ الليل مااشتاقت
وأنا من الشوق أرسل من رسايلها ...

لاتحسب إني نسيتك ماتذكرتك
شفني موقّف على الأطلال وأتذكّر :

جرحك , خيانتك , تقصيرك , مكابرتك
أذكر هداياك هذي وأقعد أتشكّر ....~

ماهمّني لو تروح وتاخذ البسمة
خذ مني الصدق حتى لو تبكّيني :

الدمعة اللي تسيل تسيل محتشمة
تنزل من العين بس تطيح فـ يديني ..!

الحزن طوّل وأنا اللي كنت ماطيقه
أصبحت أحبّه وطاح الصبر من عيني

خذني كرهت التعب والهمّ والضيقة
خذني على وين مدري بس ودّيني !!

هي بتخسر واحد من الناس لاغبت
وأنا بأعاف الكون كله لاغابت

خذيت ذكرى من غلاها ورتّبت :
شنطة جروح وروح ماتت وذابت ..~

مشيت مدري وين لكن تغرّبت
والعمر راح ومابقى شي ثابت

إلا غلاها , كلما قلت أنا طبت
أشوف جرحٍ توه الحين نابت..~

هو ليه أول حبيب تصير له ذكرى ؟
وإن جيت بعده تحبّ تصير ماتقدَر ..!

هو ليه جرحه هو اللي بس مايبرى ؟
وجروح غيره تجي وتروح ماتذكَر ..!

روحي تحبك ومع هذا تعذبها
خلاص رح من حياتي لاتضايقني

تراي لاقلت أخرّبها أخرّبها
لو إن نار ابتعادك حيل تحرقني..!

شوفي هنا عصفور قايم من الصبح
عيّا يطير بدون شوفة عيونك

خلاص قومي ماورى النوم من ربح
وشلون أقابل صبح هالسبت دونك ..!

ملتووووووووش :)