الرجـا في عيد الأضحى يمكن إنك ترجعيـن
 

صدقيني العيد نفسـه مـا تغيـر مـن سنيـن
فرحة اطفال وتلاقي..لمّة احباب وقرايـب

والاغاني والكروت وقولـة (مْـن العايديـن)
والتمام الشمل يوم العيد .. وانسـام الهبايـب
والتهانـي والهدايـا وحـب روس الوالـديـن
والمواصل للعمام .. وللخوال .. وللنسايـب

كل حاجه مثل ماهي بس انـا حالـف يميـن
إن لا غبتي باسجّل نفسي في هالعيد غايـب
وارجعي بالذاكـره يابنـت وانتـي تعرفيـن
ليه احس العيد عقبك جيّتـه جيّـة مصايـب

ليه لا طالعت (كرت العيد) اكفكـف دمعتيـن
من ذكرت اعيادنا وأيام كان الوضع طايـب
ذكر اني من (مصلى العيد) وانتـي تذكريـن
كنت اسابق خطوتيني متّجـه يمّـك وذايـب

لجل اكون الشخص الاول لجل مني تسمعيـن
في صباح العيد .. جملة (كل عام احنا حبايب)
لجل نكتب خلف (كرت العيد) ذيـك الكلمتيـن
كنت اجيك بقلب طفل وطيش شاب وثقل شايب

كنت انا اعايد وحالي حـال باقـي العاشقيـن
وما معاي الا خفوقي وذي عيوني لك وهايب
وإنتي في اجمل ثيابك كاشخه والزيـن زيـن
تثبتين إنك عجيبة غير عـن كـل العجايـب

فرحة العيد .. بلقانا كانـت اصـلاً فرحتيـن
مثل ضحكات الورود ومثل زخّات السحايب
ما ليوم العيد طعم وما لهـا الذكـرى حنيـن
وكل منّا في مكان وكل واحد لـه طلايـب

الرجا في عيد الاضحى يمكن انـك ترجعيـن
ما اقول إلا عسى الله يجزي من كان السبايب
وإن رجعتي وشفتيَ إني فـي عـداد الميّتيـن
ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن
خلف (كرت العيد) جملة كل عام احنا حبايب











للشاعر القدير محمد الشهري

روعه القصيده بس قطعت قلبي 0000الله يجمع شمل كل المحبين بهالعيد المبارك
اختيار جدا جميل لامس القلب
تحياتي

[align=center]
[align=right]ما ليوم العيد طعم وما لهـا الذكـرى حنيـن[/align][align=right]
وكل منّا في مكان وكل واحد لـه طلايـب [/align]


الله يعين..!!


مشكور اخوي على القصيدة الحزينة
وصح لسان الشاعر
[/align]

تحيه بعبق الورود
شكرا لك على كرم المرور الراقي
لاهنتي حفظك الله بحفظه من كل مكروه
تحياتي لك ،،،،،،،

قصيده فيها من الحزن الشيئ الكثييير ,,

رغم ارتباطها بالعيييد ,,

صح لسان شاعرها وتسلم يمين ناقلها ,,

لاهنت انسان على النقل,,

كل حاجه مثل ماهي بس انـا حالـف يميـن
إن لا غبتي باسجّل نفسي في هالعيد غايـب

انتقاء في قمة الرووووعه
ذائقتك مميزه دومآ

إنسان حالم
سلمت وسلم نبضك