الا ليت الزمن يقدر يعيد الماضي اللي فات
 

[poem=font=",6,orange,bold,italic" bkcolor="black" bkimage="" border="double,4," type=2 line=0 align=center use=ex num="0,black""]
الا ليت الزمن يقدر يعيد الماضي اللي فات=او ان ارواحنا تصمد بعاصوف الجفى العاتي
وليت الهجس مايسكن صدور جفنها مابات=يطول الليل مع هجس يروح وهاجس ياتي
وليت ارواحنا تاخذ من سنين الفرح ساعات=ولا نسبح بموجات الغبينه كل الاوقاتي
وليت اهل الحسد تنهي لهيب الحرب والغارات=عن اللي مثل خشم طويق وجبال السراواتي
لأن اللعب ضد اللي يشوت ويضبط الباصات=يهز اللي مع الهجمات ماعنده مهاراتي
وحرب اليوم ماتخفى وقايعها على الشاشات=وتظهر حدة التدمير في عدة محطاتي
وجيش عزومنا يملك لكشف الخصم رادارات=وفن البرمجه موجود في طاقم دفاعاتي
ونيل المجد ماياتي بكثر الهرج بالفرغات=وكل العيب باللي قال قول ماله اثباتي
وليت النفس ماتاطى الخطا وتكرر الغلطات=لأني ضقت من كثرة خطاي وكثر هفواتي
لو ان الحرص والتدبير مافاد انور السادات=وكثر الجند ماردوا قدر رب السمواتي
وليت القلب مايتبع هواه ويطرد الخفرات=ويقنع بالهزيمه يوم صارت خمس مراتي
وتسمع للذي سمى الـعذارى بالعرب ستات=لأن الـريم تفعل فيـك ستـات وسبعاتي
وشف قول المذيع اللي يقدم موجز النشرات=يقدم سيداتي آنساتي قبل ساداتي
وليت الشرع مايصبح رهين الروض والمشكات=ورمز الشيخ مايحصر على راع الشهاداتي
لأن الشرع مايخضع لراي البيه والباشات=ولايدخل بسوق المال واسواق العقاراتي
وهذا اللي جعل سينات الامه مالها جيمات=وخلا الشرع والفتوى على عدة مساراتي
لما شفنا الذي يفرق هل الانجيل والتورات=وربي جامع حكم الجميع بعدة اياتي
غدى راع الكنيسه من عيال الخال والخالات=ويكرم عن جناب اللي علمها ست نجماتي
مع انه تستوي بالقصد والمطلب وبالغايات=وكل الفرق في بعض الدعايه والشعاراتي
واظن القدس من بلفور وامره مايريد اثبات=ودعم المال والتسليح والقوه والاصواتي
وفضل القدس ماينقص مع اللي يصنع الهافات=ولايزداد فضل القدس مع صائب عريقاتي
واشوفه عذر من يبرم ويربح بإسمها صفقات=ولا شفنا لهم بالحرب صولات وجولاتي
وباب الجهل بالتكفير يطلق بالهواء غازات=وذقنا طعنة التكفير عند خشوم اباناتي
شربنا من بحور الظلم وانواع الجهل كاسات=لما شفنا الذي يقتل وهو يقرى التحياتي
طريق اللي يبي يكسب بتكفير الملا حاجات=بفتوى اللي يحط الحكم مافيه احتمالاتي
وحال القوم ماتخفى عجوز ترمي الجمرات=وقصدي واضح للناس مايحتاج اشاراتي
اماني والاماني في دروب اهل النجاح افآت=مثل قولك لرجل مات ليت فلان ماماتي
ولا تقدر تعيد اللي شمالي فيضة التنهات=عشيرٍ طعنته بانت على صفحة رواياتي
وما دام الفرح غايب بوقت الطيش واللذات=وش المربوح لاجاني عقب شيبي وشيباتي
سقاك الغيث ياوقت الطفوله قبل نايل سات=بوقتٍ كان شغل الروح درسي وامتحاناتي
براءة عمر يوم الناس له عزه وله شيمات=ولا يعرف شباب الجيل عزبه واستراحاتي
ولاصار الردى والمهزله عاده من العادات=وقدر الشخص خمس اوراق بدروج الملفاتي
مجرد رقم مع تصديق عمده داخل الحارات=وتوضع داخل ارشيف على بعض الممراتي
ولو ضاع الورق تصبح بلا عنصر ولا جينات=ولا لك في قوانين العرب اي اعتباراتي
ولو راجعت شيخ القوم بالفتحات والضمات=يقول ان الورق يثبت وجودك ضمن الامواتي
وانا مالي بجيل اليوم لا مطلب ولا ثارات=سوى اني مارضيت اثني لراع الهون هاماتي
لأن الهون يظهر له بوجه اهل الردى بصمات=وانا مااريد بصمات الهوان بوسط لوحاتي
وانا لي شوفتي والناس له نظره وله شوفات=وروحي صعب تخدعها المظاهر والدعاياتي
اقول الشعر برموز تعالج بالعرب عاهات=لو ان الجيل مايمشي هواه بشوك غاباتي
واقول ان البشر قاصر ولا يسلم من الزلات=وحساد الملا تركض تحاول صيد غلطاتي
عسى رب الملا يرحم ويهدينا على الطاعات=وفي عدله يجازيني على قصدي ونياتي
ودرب الكذب مالي فيه لا غرسه ولا واحات=ورب العرش هو ملجاي عن عسري وشداتي
كريم مانسى طفل طلع وامـه وابـوه اموات=ومـثـلـه في عيون الناس وقت الضيق ينشاتي
وقلب الخلق مجبولٍ علـى المكسب وحـب الذات=وفـي طـول الامل بـالـعـيـش كـن الموت ما ياتي
ولا لـي بالـطـبايــع عـن طــبـوع اجـيـالـنا مـيزات=سوى انـي ماخذلت اللي رجـى بالضيق فزعاتي
ولا خليت جيراني بنار الجوع والحسرات=واذا هـب الهواء بشـبـاط تدفيني بجاماتي
اجاهد عيشتي واصبر واريد الطيب والطولات=ومن يسري على دربي شكى همي وضيقاتي
صحيح ايماننا تفضي ومحدن يامن العثرات=ولـكـن ماعـطـيـت الـعـذر عن شي بمخــــبـاتي
ولا صديـت عـن رجـلٍ نخانـي يـشـكـي اللوعات=اقدم قدرتي وابذل حسب حـيـلـي وحيلاتـي
لاني عشت ماوقعت حرف بدفتر الشيكات=وعمري مانقلت البوك من كثرة بطاقاتي
اباعد لا فضت يـمناي بالدخله وبالطلعات=تقول اخشى من التوقيف في سجن الجوازاتي
ونقص المال مابه عيب لاهل الطيب والوقفات=ونسمح للذي حط الخبر ضمن اعترفاتي
[/poem]