مشكلتي مع وزجي وارجوا من الجميع وجود حل لي
 

السلام عليكم ورحمة الله وبركاته
كيفكم أخواتي
انا متزوجه لي اكثر من سنه وزوجي بعيد عني حكم ظروف عمله وزوجي مجافيني مادري ليش؟
من يسافر مايردش عليه اتصل فيه مايرد؟ مو معبرني ! وانا مازعلته ولا سويت حاجه تزعله ولقيت بالصدفه الرابط الي يعلمك من معطيك بلوك في الماسنجر

وجربته ولقيته معطيني بلوووك؟؟ ! :001:
يناس علموني شسوي شقوله كيف اعلمه؟:126:
ياليت تساعدوني. لأن جد ضيقه فيني الدنيا

وعليكم السلام ورحمة الله وبركاته


هلا فيج ام ريماس مع اني مو متزوجه بس بقولج واجهيه ولا تشيلين بخاطرج جذي عليه

والغرض من موضوعج تبين حل لمشكلتج ولا تبينا ندش الرابط ونشوف منو مسوي لنا بلوكـ

أم ريماس
حياكـِ الله بينا
وياعسى أيامكـِ كلها هنا
وبالنسبة لمشكلتكـِ
ياليت تواجهينه وتشوفين وش السالفه
وبالتفاهم كل شيء حلو
وإن شاءالله ربي يهدي لكـِ ويصلح مابينكـِ وبينه
وأدعي الله دائم أنه يصلح حالكما ويجمع بينكم بالخير

..


حبيبتي ,,


لابد في شي مضايقه ,, ومافي غير المواجهه

حاولي تقوليله وش فيك ,, وش لي قصرته معك

شايف علي شي ,, قولي صارحني

>> من هالكلامـ ,,

راجعي نفسك يمكن انتي سويتي شي مااعجبه ,,

مافي غير المصارحه ,, صارحيه ,,


وشكرا لك

صارحيه بكل شي واكيد فيه سبب
اذا عرفتي السبب
بطل العجب
وربنا يسعدكم

شوفي اختي
انا بعد مو متزوجة بس من كثر ما اجلس عند برامج دكتورتنا فوزية الدريع استفدت منها :)
انتي شوفي متى متغير عليك بالتحديد
يمكن بنفس الفترة سويتي شي بدون علمه او شوره وشال بخاطره وماحب يواجهك
حاولي تتقربن منه باسلوب حلو حتى لو صد عنك حاولي بدون نرفزة
وبعدين معليش ليش يسافر لحاله
ليش ماتروحين معاه يمكن هالشي هو اللي خلاه يبعد عنك ومايتعود عليك ويجافيك

والله يصلح حالكم يارب

الله يكون بعونك وان شاء الله مايكون فيه شي مزعله
كان ودي اساعدك بحل لكن مايحضرني اي شي وماقصرو البنات بحلولها
الله يجعلك قرة عين لزوجك ويجعل زوجك قرة عين لكي