قال الاديب اللي مضى الليل ماغفى
 

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]

قال الاديب اللي مضى الليل ماغـفـى=يـقـضي دياجير الظلام سهير
وهي حالة اللي يرتقي نايف العلا=ومرقـى الجـبـال الـنـايـفات خطير
وذيب الخلا مايـمـرح اللـيـل كله=كـنـه عـلـى راس الـطـويل خـفـير
يبي ساعـةٍ يـرقـد بها راعـي الغنم=لعله عـلـى الطـرش القريب يـغـير
ومن يكره الشدات مانال مطلبه=ولا هو بـنومـاس الـرجـال جـدير
سرى ليل راسي يوم بانت كواكبه=ونـجـمـات شـيـبــه فـي دجـاه تـنـير
ومدري علام الشيب قرر يزورني=مع انــي بـمـيــلاد الـسـنـيـن صـغـيـر
واذا مارقيت الظلع في فترة الصبى=مرقـــاي لا بـان الـمـشـيب عـسـير
حسافة شبابي راح واقـفـت ركابه=بـدربٍ ولا لـي عـن غـثــاه مـصـير
عسى البرق لا ثارت رواعيد مزنه=وبرق السـمـاء عـقب المحول بشير
عساه يسقي وقت ماراح وانقضى=شـبـابٍ من هـمـوم الزمـان حسير
شبابٍ لك ما خـذى وقت راحـه=اسـقـاه مـن كــاسٍ حـــلاه مـريــر
وطـانـا بنجـم شباط برده وقسوته=ونسمع لـعـاصـوف الـشمال صفـيـر
وشمس الثريا يـحرق الجسم قيظه=الارياق تنـشـف لا كـواه هـجـير
واخـبر العذارى تكره الشيب بالفتى=وبالشيب مالك بالـبـنات عشير
وماصار قبل الشيب من زاهي الحلا=صعـبٍ الـيـا بان المـشـيب يصير
تمحل فياض الريم من عقب ريفها=وتصرف عن القـمح اللذيذ شـعـيـر
يوم اكـتـمـل عـقلك وبانت مراجـلك=هـجـرانـهـا لاهـل الـعـقول شهير
واذا قل مالك عقب ريفه وكثرته=ماراح تـقـعــد والـفــراش حـصـيــر
دنـيـا عـسـى خــيره يكافي شرورها=تـطـعـن ورمـحـه بالـقـلـوب شـطير
لولا الذي غيثه سقى مجدب الخلا=ما جاك من طيب الخلايق خير
اللي كـفـل رزق الخـلايـق برحـمته=ولـولاه مـاذاق الــطـــعـام فــقـــيـر
وبـيـض الجــراد اللي بسافي رماله=خـلاه من تحــت الطـعـوس تـطـير
رب الملا كاسر هل الظلم والطغى=وجــــبـار ساق اللي دعاه كـسـير
ياما كـرهـنـا الضيق والعقل قاصر=وغـيـثــه تـحــدر بالكفوف غــزيـر
هـذا وياسـاري على اكـوار ضـمـر=صوب الحـبـيـب الـقـاسـي الـعـطير
اللـي جــرح قـلـبـي بـنـظرات عينه=وجـسـمٍ كـسـاه من الثياب حـرير
حـبـه سكن بالروح يلحى عروقها=ورمــشٍ بطـعـنـات الـقـلوب خـبـير
مالـي بـدرب الـوصل ياناس حيله=والـهـجـر نـاره فـي حـشـاي سـعير
وغـديت بـين الـغـار والـنـار حاير=ومن طـاح مثلي في هواه يـحــيــر
مالي بوسط اهل الطويلات فازع=وعــزي لـرجـــلٍ مـا وراه نـصـيــر
ومـن لايـطـول الـلــي يـريده بكـفـه=طـيـب الخــلايـق فــي مـداه قـصـير
وان ماملكـت اللي تـمـنى وتشـتهي=لا خـيــر بـالـلــي من وراه خـشـير
ومن راغ عن طـيـر المقادير ياصله=لـو عــاش عـمـره وسط جـمة بـيـر
ومن لايـشـاور بالـمـعـاسـيـر عـاقل=مايـقـطــع الـدرب الـبـعـيــد ضــرير
وعــدو جــدك لاتـراجـي صـداقـتـه=مـحـدن يـلاقــي بـالـرمـال غــديــر
تـرى صـغـير الداب يـنـقــل سـمومه=ولااخـبـر بـأنياب الحـنـيـش عـصير
ولا تـامن اللـي بـاق بالـناس غـيرك=يـرجـع يـبــوقــك والحـقـيـر حـقـير
والطيب قول وفعل باللين والقسى=والا غـــيــومٍ فــي سـمـــاه تـسـيــر
ولا يـنـفــعــك مالٍ سجينٍ بـمخــزنه=ان ماجـنـيــت مـن الــدراهـم خـير
ولا يـدفــع الـعـدوان سيفٍ مجـرب=لاصــار يـرقـد فـي ظــلام جـــفـير
والا الولد لاراغ عن صولة العدى=ان ما غــدى له بـالجـموع هـديـر
واحذر مقام الهون لو فـيـه مكسب=بالـهــون جـفـنــك مايـنــام قـريــر
وابـعـد عـن قـصـور السـلاطـين كله=وما كل من خاوى الملوك وزيـر
ان زاد قـدرك صـرت للـبـيت خادم=واذا نـقـص يـطـلاك طـلـي بـعـير
واحفظ جميل الناس لو طال عمره=وجـحد الـجـمايل بالرجال مـعـير
اقوله ولي فــي طـبــع الايــام خبره=ولا نـي بـصـولات الـزمـان غـرير
جـربـت شـدات اللـيـالـي ولـيـنها=وغـديـت بـطـبـوع الـرجـال خـبـير
وحفظت تاريـخ الديـار وحـقـيـقـتـه=وكشفت من كـذب العبـاد كثيـر
وشفت الذي يرمي على الناس عاره=لين اقـتـلـب فـيـهـا البشير نذيـر
واصبر ولا راعـيت بالـنـاس جـاهل=لو قـام ضـدي بالـجـمـوع نـفـيـر
ولا هي من اللي يطبع الزور عامد=ولا لـه بـتـقـيـيــم الـعــبــاد ضمـيـر
لاهاض جـاشـي بالـقــوافـي وصغتها=ياتـقـل صـاغـه بالـعـنــاد جـريـر
يـجـمــع نوادرها ويـقـطـف زهـورها=فيها من عطور الـقـصـيـد عـبـير
شـعـرٍ جـمـع جزل المثايل ونـقــوتــه=ولي ضامرٍ بالـخـافـيــات بـصـير
بس اكـتـم اكـثـرهـا بكانون مـهجــتي=واكثر حـروفـه بالطروس ستير
[/poem]