منتديات بعد حيي - خلـه يولـي لا يذلـّـك بحبـه

السلام عليكم ورحمة الله وبركاته

قصيده منقوله لكم

لا صار خـلـّـك مستحق المسـبـّــة

سبـّــه ترى العشــاق غيرك يسبــّــون

لا آبوه لا آبو الحب من قلب سبـّه

لا آبو الغرام اللي يحدّك على الهــــون

يا لعن أبو قلب غشيم يحـــبـــّــه

ملعــون والقلب اللي يغـليه ملعــــــون

أقول من هبـّــاك يا خبل هبـّـــــه

الدون ما يســلك معــاهم سوى الدون

عزّ الجفا ولا هـــوان المحـــــبة

مآخوذ من يصـــبر على الذل مغـبــون

أظهر قواة البـأس والضعف خبـّــه

ترى الضعيف ضعـــيف لا طعـــم لا لون

الرأس ما أحــد يقطــعه غير ربـّــه
أقول عزّ النــفــس ما أقول لك هـــــون

خلـّــه يولـّــي لا يذلـّــك بحبـّـــــه

أبعـــد وتلــقــــاهم على البعـــد يدنـــون

وإلا أنت لو ترقـــد وبالعين شبـّــة

أبرك من الـلــي يجرحــونك ويســـــلون

يا جــاهل إفهـــم خذ من العلم لبـّــة

إصــبر وتـنــســـى والعذارى ينــســّــون

الرجل عـقــله دائماً قــبل قـــلبــــــه

مـاهو عمــى بالقلب ومفــتـّــح عيـــــون

لا قدّمــوا حبـّــة تقدمت حبـّـــة

وإن وخـّـروا وخرت والعــز مضمــون

ترى غلا هالوقت هبـّـة وهبـّـة

إغـنم هبـــوب الريــح لا تقلــب سكـــون

لا ساعدك حظـّـك تغـانم مهبـّـه
لا تـرتهـــي يـجـيــــك يوم ويــصـــــدّون

قبل يذبـّــك ناب الأرداف ذبـّــه

ترى حلاة الرجـــــل طـــاعن ومـــطـعون

روّض فؤادك يا إبن الأجـواد ربـّـه
البيض ما يصــلح لهــن كـود فرعـون

وإلا ضعـــيف النفس دايم مسبـــّـة

ودّك مســـاكين البشــــــر ما يحبـّـــون