منتديات بعد حيي - ..[ بَـردْ السَهرْ ] !

دخول :

[ من كثر ماابكي لك وابيّن فجوعي ] ..
....................................... واضيع في عالمك / واشتاق / واتوق
[ ان مـر يـوم ولاتهـادت دموعي ] ..
........................................ كن لخدودي ( عين ) وتطالع لفووق .. !

***

لاصارت دروبي جروحي .. ماعلى قلبي ملام .. !
............................. لاناض برق الزله .. وشحت شفاتي بالعذر .. !
اجنح لصمتي وان شعرت اني بحاجه للكلام
............................. واصلت جوع لساني .. ومديت يدي بالحبر .. !
عمقي مثل جره يدورهـا عمـى وسـط الظـلام
............................. يتعب ولايوصلهـا .. لـو مـده الله بالبصـر .. !
يتعب وانا اتعب لاطفح كيلـه مـن الليـل العتـام
............................. والياس حده ينهي الرحله .. وضيقـي بالصـدر
مشكلتي اني كنت احس بفرق عـن كـل الآنـام
.............................واحساسي المترف .. يساعدني على فهم البشـر
من قبل فالوجدان .. قصر الحب .. يبنـى للهدام
............................. وانا موزعني لبعضـي دون مـاارد النظـر .. !
منحت حلمي قوتي .. واهديـت ضعفـي للغـرام
............................. ولاندم صمتي .. لو ان الدمع في خدي جهر .. !
رتبت سمعي للصبابه ... والاحاسيـس الجسـام
............................. وانا ضمى اللي شب عود البوح .. في برد السهر
لوّامتي .. ياذايقين الجوع ... في وقـت الصيـام
............................. ماذقت جوعي مثلكم .. ذقته علـى طـول الدهـر
كل الحكايه لـي خفـوقٍ ضـاق ذرعـا بالهيـام
............................. واقبلت بشعوري .. وجيت اسمع سواليف الزهـر
والحب ماهو مرحلـه بالعمـر وتمـر بسـلام !!
............................. اشد وطئا من .. بُكـى الاطفـال .. قـدام القبـر
وان حطت الذكـرى بواخرهـا واخلـت بالنظـام
............................. جروحه اللي قبل عقد .. تقول قبل امس العصر !
والشوق معزوفه علـى وسـادة معاليقـي تنـام
............................. مانامت الافراح عن يقظة فـواد المحتضـر .. !
اشعر وهو فيني ورى عيني .. لدمعاتـي زحـام
............................. كل وحده تحّرص على موقي ( انا اللي بنهمـر )
من هذي اللحظه الى الاحسـاس مابعـد الفطـام
............................. فالناس / والاشياء / والاحداث / واحزان العمـر
حالم .. ولاجربت مجلاسي علـى ريـش النعـام
............................. ومن سوء حظي لاضمى حلمي سقيتـه بالصبـر
والاحتواء في حاجته .. وانصاف تفكيري غمـام
............................. ارسلت له بخار دمعي .. بـس ماطـاح المطـر
والوقت لو يسلبني الراحـه .. ويملانـي حطـام
............................. بموت ماهو منه .. من قل العطايا فالشجـر .. !
من عشت في ذاتيتي وانا اتنفـس لـ.. الوئـام
............................. واتخيل اني للكسـر .. فـي كـل حالاتـي جبـر
حتى وانا اللي منتصر لابد مااشعر بـ.. انهـزام
............................. عشان احس بحال خصمي واتواضع بالنصر .. !
لوّامتي .. فالمال .. ماابغى اكون بالصف الامـام
............................. رغباتي اسمى لو دهر كفي / هماليل القـدر.. !
واذا ان كسب المال فالدنيا من بلوغ المـرام .. !
............................. يارب وسّع وسط مخباتـي مداهيـل الفقـر .. !
الى هنا .. وانا .. وتوديعي .. وفقـد الانسجـام
............................. والخوف من باكر .. وليل البارحه نار / وجمـر
ندلف على غيمة مواجعنا لاجـل مسـك الختـام
............................. ونقول : ياللي تسرجون البوح .. في بيد السهـر
قولوا لمن يسرف علينا بالزعل / والانتقـام .. !
............................. اذا غرقنا بالخطا .. مفروض ننجى بالعـذر .. !

***

خَروجَ :
[ لاطحـت لاتـحزن علي .. لو تجرحـّت ] ..
...................................... ضعـفي يقويني معي / وانتصـربه .. !
[ مثل المطر والدمع والشمس .. لاطحت ] ..
........................................ حتى مطيحي .. يستحـق افتخـربـه .. !