منتديات بعد حيي - موقف طريف

باختصار بقول لكم سالفة صارت لي امس (( يوم الجمعة

))

واللي ودة يلقى فرصة يتشمت علي فيها ترى هالسالفة تبي تجوز له

======

كنت سهران الى الفجر يوم الخميس

صليت الفجر وبغيت انام وماجاني النوم الا الساعة 7

نمت وياااااااالله قمت للصلاة (صلاة الجمعة ) بعد ماجاني انواع الرجف والتخقيل من الوالدة (الله يحفظها

)

وانا طالع من البيت سمعت امام المسجد يقرا سورة (ق

)

ضاق صدري وقلت فاتت علي الخطبة بس ابسرع عشان ما تفوتني الصلاة

المسجد صغير ومافيه مكان للي يبي يدخل داخل المسجد ..ومالي الا اصلي في ساحة المسجد الخارجية

واسرعت ولقيت واحد مثلي متأخر وفرشنا فرشة وكبرنا

((
والامام لازال يقرا سورة قاف

))

والعالم المتأخرين يجون ويصفون جنبنا

<<<
الى الان والوضع طبيعي

لكن المفاجأة هي ان الامام كان يقرا السورة هذي في الخطبة الاولى عشان يفسرها في الخطبة الثانية

يعني ماكان يصلي كان يقرا السورة عشان يفسرها

ومادرينا الا يوم خلص منها وقال : صدق الله العظيم ..هذه السورة العظيمة .......الخ

المهم يوم درينا ان الدعوى خطبة مهيب صلاة قمنا كلنا ياللي صافين نلقط وجيهنا من الارض

فيه واحد ماقدر يمسك نفسه ..فطس ضحك علينا

وطبعا مثل هالموقف لازم اذكره لكم عشان تدرون اني فضيحة

من الـ Email