|
ياعيني الي تهل ادموعها((حكـــــمة عبد الله بن دويرج))
يا عيني اللي تهل ادموعهـا والبـال منحـاس من هجر الايـام كـن بموقهـا يقـدح شـرارا البارحه يالطيف الحـال مـا هملجـت بنعـاس كـل تهنـا بحلـو النـوم وعيونـي سهـارا ادير الافكار بالدنيـا واصنـف كـل هوجـاس سبحان من دار دالـوب الفلـك ليـن استـدارا لقيت دنيا بحرهـا مـا يقيسـه كـل غطـاس يمسن الايام حيـل ويصبحـن فيهـا عشـارا انـا بجيـل طواريـق المـروه فـيـه دراس كثيرهم ما يميـزون الحصـان مـن الحمـارا كلين لو عاشروا ماهيب عشرتهم على سـاس مبنـا ولا يصلـح المبـنـا عـلـى هـيـارا نقَالة بالخفا لاهـل القفـا شطـرات الامـواس حاذور عن قربهـم يـا جاهـل فيهـم حـذارا فيهم عذاريب والهيّن مصيبهـم اكبـر البـاس مغليـن راع الحـلال ومستحقريـن الفـقـارا ومن لا يجنب سبيل المهلكات السبع مـن راس مثل الذي عاف دينه وارتكـب ديـن النصـارا يا حيف كيف اللحى تنبت على ناس من الناس صورة رجاجيـل ظاهرهـم وباطنهـم سمـارا ياما بهم من قريب الوصف من منقوش الالعاس والعلـم يـا فاهميـن المعرفـه مـا ينتبـارا طير الى شفت زوله قلت هـذا طيـر قرنـاس لاشـك لاهـده الصقـار تفـرسـه الحـبـارا امشكل الريش لكـن مخلبـه ماهـوب فـراس وقت المصاليح مـن فيّـة جـدار الـى جـدارا شاريه واللي يسوق ابه الثمن يبشر بالافـلاس سبحان من خس مقداره عقـب هـاك الوقـارا كزيت للمربع اللي ما وطـاه الجنـد عسـاس لاجا براسـه ولا جـا عنـه مـردود الخبـارا والغي له دوحة في ظلها اهـل الغـي جـلاس ويهزعون الغصون اللـي تميـل بهـا الثمـارا فيما مضى واصبحت هاك الغصون الخضر يباس لكن شاوٍ ورقهن مـن صـروف الوقـت نـارا تغطلست والزواهر من نجـوم الليـل طمـاس من عقب ماهوب غربيب الدجـا مثـل النهـارا مشهور غوج الهلالي والاصيل حصان عبـاس نسخن واهلهن وركبوا للطـراد اهـل الشهـارا والصيد جا له قوانيـص وانـا مانيـب بـلاس عذروبهم ما يميـزون البيـاض مـن الكتـارا كن الاماني مع من جا لصيـد الصيـد مكنـاس وش فايـده مـن بواريـد تثـور ابـلا عيـارا والريم له فارس فيـه المحابـي تقـل مـلاس من ركبة الوعل كوع وركبتـه كـوع الحـوارا الى هـوا خبّـة قفـر كلاهـا مابـه اونـاس مشيه على الكوع والركبـه يميـن والا يسـارا فالى انطوى بالمسير وجنّه الحـذرات غـلاس يتلي بعضهن بعـض قـرّر علمهـا بالخيـارا فالى انقطع سوّها يبهج ضميره عقـب الايـاس والقايده من ذحـاح المـوت تجضـر الخـوارا والمرجله بالمحاضر مثل بن هنـدي وعفـاس دون المحارم علـى السايـم يبيعـون العمـارا اللي الى جنهم فـج المرافـق مثـل الاقـواس لازم لاهلهـن يخلطـون الكتـار مـع الدمـارا هذي دروب المراجل يـا مـدور كـل نومـاس ماهوب زيـن الملابـس بالمجالـس والممـارا جيل اربع عشر غالب هلـه حسـاد وانجـاس عميان الاريـا كبـاره مـا يربـون الصغـارا كل يقـري عيالـه والقرايـه مـا بهـا بـاس احد مطوعه واحـد لجـل المبايـع والمشـارا يفرح الى من واحدهـم حفـظ مقـدار كـراس يرجيه فيما بعـد يضـرب مضاريـب التجـارا والعمر ساعه ويطوي تيمهـا تـرداد الانفـاس واهـل الجهـل غافليـن بلـذة الدنيـا سكـارا ذا قول من زل عمره وانتهى عن درب الادناس فضل مـن الله وهـذي مـن عطايـاه الكبـارا وصلوا على المصطفى ما هل وبل وهب نسناس اعداد ما يبس عود النبت من عقـب الخضـارا |
يا حيف كيف اللحى تنبت على ناس من الناس صورة رجاجيـل ظاهرهـم وباطنهـم سمـارا ياما بهم من قريب الوصف من منقوش الالعاس والعلـم يـا فاهميـن المعرفـه مـا ينتبـارا طير الى شفت زوله قلت هـذا طيـر قرنـاس لاشـك لاهـده الصقـار تفـرسـه الحـبـارا امشكل الريش لكـن مخلبـه ماهـوب فـراس وقت المصاليح مـن فيّـة جـدار الـى جـدارا شاريه واللي يسوق ابه الثمن يبشر بالافـلاس سبحان من خس مقداره عقـب هـاك الوقـارا ابداع ومركز للابداع والقوه بالشعر والحكمه وذوق مميز منك ونقل رائع بروعة حظورك الف الف صح لسانك على الاختيار وجاد بنانك ولاهنتى احترامى لك وتقديرى |
اقتباس:
احترامي لشخصك الكريم اخوي عقاب على حضورك المميز اسعدني تواجدك في متصفحي المتواضع وشهاده اعتز فيها من شاعر متمكن ويا هلا بك دوووووووووم |
يا عيني اللي تهل ادموعهـا والبـال منحـاس من هجر الايـام كـن بموقهـا يقـدح شـرارا البارحه يالطيف الحـال مـا هملجـت بنعـاس كـل تهنـا بحلـو النـوم وعيونـي سهـارا ----------------------- الله كلمات شدة مشاعري واعجبتني كثيرا صح لسان الشاعر والناقل سلمت يداك |
عذبة الاحساس قصيده رائعه وتسلم ناقلها
سلامي وودي |
روووووعه
عذبة الأحساس تسلم يدينكـِ على روعة الأختيااار |
يعطيك العاافية يالغلااا
طرح راائع ومميز وراااقي ويحوي معاني جزله صح لسان شاعرها وسلمت يمنى ناقلها لاعدمناااك |
اقتباس:
اسعدني مرورك اخي فتى الأسلام وتواجدك في متصفحي فلا تحرمنا من روعة حضورك |
قصيدهـ رآئعهـ
سلمت وسلم نبضك |
صح لسانك ولسان شاعرها ... عذبة الاحساس لاهنت على هالذوق ... دمتي القة ...
|
اقتباس:
هلا وغلا اختي الغاليه مها اسعدني تواجدك ولا تحرميني روعة مرورك |
اقتباس:
الرووووووووعه هو تواجدك اختي الغاليه مناهي اسعتني بحضورك وروعة مرورك |
عذبه
سلمتي على الانتقاء الرائع وسلمتي على الذووووق الراقي دمتي بخير |
اقتباس:
يعافيك ربي على النيه تواجد وحضور مميز تشرفت بمررورك على متصفحي ولا تحرميني اطلالاتك الراااااااااائعه |
اقتباس:
الرااااااااااااائع وفي قمة الروعه هو حضورك غاليتي نائبة القمر تشرفت بكي في متصفحي وياااااهلابك دوووم |
| الساعة الآن 07:36 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010