...... ضيف الليالي البيض ........
 

اخواني واخواتي الشعراء في منتدانا الغالي

اليوم عيد المسلمين الجمعة جمعنا الله بكم في دار النعيم

اهديكم هذه القصيدة بعنوان ( ضيف الليالي البيض )

آمل ان تنال اعجابكم ورضاكم



أهوم مرقابٍ تلامع نجـومه
وأشوف لي من يمّة سهيل حادي
وأخيل برّاق السحَر في يمـومه
ومن عند ميقاف الأجاويد بادي
ذاك العصامي يشحذ همام قـومه
لو كلّهم باتوا بحلو الرقادي
حبل الرجاء فيهم تراخت عـزومه
واليأس هيجن باللحون الجدادي
والشاعر اللي عز نفسه يـرومه
أصبَح طريد هموم في كل وادي
موت الأماني بالنفوس الكتـومه
سطّر على بيض الدفاتر سوادي
وأنا أن بغيت أقول للحظ قـومه
غمض عيون وحط بإذنه سدادي
ذاك الطريق الصعب .. يصعب قـدومه
دونه غياهيب الدروب البعادي
ضيف الليالي البيض هذي علـومه
جاب التفاؤل وسط حزن الفؤادي
ما يدري إن الحظ بادت سهومه
غنى عليه من المواويل شادي
أصبّحه بالخير في صبح يـومه
وألقى صباحي في مماسيه غادي
جَوّ الكآبة فيه تبرق غيـومه
أمطر مآسي في صحاري بلادي
إن جيت أبنهض قيّدني هـدومه
ما فادني ضدّه كثير العنادي
سوالفه بأقصى الركون محـزومه
والجرح جرحي وأصبح اليوم عادي
إن جيت أسولف عن زمان الخصـومه
بيني وبينه .. لازم أصبِح حيادي
لآخر نفس فيني وعيني تـرومه
ذاك البعيد اللي عن الناس زادي
من حقّ غوّاص البحر لو يعـومه
لا صار يطمح في حصول المرادي
ومن حقّ طلاّب العلا في حلـومه
يصبح على درب العلا خير هادي
ضاقت يديه .. من الجفا في كمـومه
والقاع تشكي من العطش للأيادي
أنام وأصحى في حلوم النعـومه
وأنسى خشونة وقتي اللي ينادي
آخذ مع السجّات والفكر حـومه
وعلى ضفاف الشطّ حلمي يبادي
وأهوم مرقابٍ تلامع نجـومه
والياس هيجن باللحون الجدادي

عبدالله الزومان
صح لسانك اخوي وتسلم يمينك
ننتظر جديدك الرائع
اختك سهر

[grade="00008B FF6347 008000 4B0082"]عبدالله الزومان

الله يعطيك العافيه على هذه القصيده الرائعه

وصح لسانك وسلمت يمينك

واشكرك على جهودك

وربي يحفظك ويخليك[/grade]

[align=center]ذاك الطريق الصعب .. يصعب قـدومه
دونه غياهيب الدروب البعادي
ضيف الليالي البيض هذي علـومه
جاب التفاؤل وسط حزن الفؤادي

[glint]الله الله[/glint]

عبدالله .. الزومان

ما أعذب كلماتك وما أقواها
صح لسانك يالغلا وسلمت يمينك
ويعطيك الف عافيه
وأتمنى أن لا تحرمنا من جديد روائعك يالغالي
وتقبل خالص تقديري
اخوك المحتــــــــري،،،[/align]

عبدالله صح لسانك على القصيد يارب يعافيك
كليجا

عبدالله الزومان
صح لسانك اخوي يعطي عافيه عزالله روعه اخوي

عنيزاويه

[grade="00008B FF6347 008000 4B0082"]
::::::::::::::::::::: عبدالله الزومان :::::::::::::::::[/grade]
http://oman0.net/forum/images/custom/flower80.gif
صح لسانك يابعدي
ابيات شامخه وقصيدة رائعة بمعانيها وكلماتها
اسلوبك الرائع يجبر على القراءه اكثر من مره
دام قلمك ودمت لنا يارب

اخوك
الساري

اخي عبدالله زومان

صح لسانك مشاركه مميزه وأكثر من رائعه

ننتظر جديدك

بنت الرشيد

سهر

رعد حائل

سعود العلي

المحتري

كليجا

الجنازة

غزلان

عنيزاوية

الساري

وصايف

&&&&&&&&&&&&&

الف شكر لكم جميعاً على المرور والمتابعة والردود

الله يعطيكم العافية


دمتم بخير وسلامة

عبدالله الزومان

الله يعطيك العافيه ياجدي تسلم
كفو ياعزوتي


درعان